Свет
Сите ќе плаќаме за Цеца
Националната Македонска радио-телевизија е еден од медиумските покровители на концертот на српската фолк-пејачка Цеца Ражњатовиќ.
ЈАВНИОТ СЕРВИС СПОНЗОР НА КОНЦЕРТОТ НА ВДОВИЦАТА НА НАЈПОЗНАТИОТ СРПСКИ ВОЕН ЗЛОСТОРНИК
Вкупниот број на домаќинства помножен по сумата на претплатата за МРТ, ја дава бројката од 175 милиони и 500 илјади денари или 2 милиона и деветстотини илјади евра месечно. Толку секое македонско семејство ме
Националната Македонска радио-телевизија е еден од медиумските покровители на концертот на српската фолк-пејачка Цеца Ражњатовиќ. Логото на МРТ стои на сите реклами и билборди, веднаш под сликата на раскошните силиконски гради на Цеца. Националниот радио и ТВ-сервис, кој би требало да ги афирмира македонската култура и уметност, рекламира настап на вдовицата на најпознатиот српски воен злосторник Жељко Ражњатовиќ – Аркан. Тоа значи дека секое македонско домаќинство, со плаќање на месечната претплата од 311 денари за МРТВ, од личниот буџет одвојува и за рекламата на Цеца. Вкупниот број на домаќинствата помножен по сумата на претплатата, ја дава бројката од 175 и пол милиони денари или 2 милиона и деветстотини илјади евра месечно.
Контра на сето ова, одговорните во МРТ велат дека тие како куќа не дале никакво официјално одобрување и се против рекламирањето на Цеца на нивниот канал. Тие немаат поим како нивното лого се нашло на билбордот. На своја рака, договорот за реклама со организаторот на концертот Љиљана Петровиќ од “Фајнал кат” го направил музичкиот колегиум во МРТВ, без претходна консултација со директорите.
“Музичкиот колегиум на МТВ е само советодавно тело кое не одлучува”, вели Горица Попова, моментално заменик на директорот на МТВ Јане Теохаровски, кој деновиве е на “Евросонг” во Киев. На последниот колегиум, по нивното барање, ние како куќа не се согласивме да бидеме медиумски покровители на концертот. Кој се договорил и како нашето лого е излезено на билбордите, ќе се знае откако одговорните од музичкиот колегиум ќе се вратат од Киев”.
Никола Фириев, заменикот на раководителот на музичкиот колегиум Јошко Бошковски, ни изјави нешто сосема трето: “Со организаторите не се договоривме за медиумско спонзорство. Се договоривме да ја продолжиме досегашната добра соработка помеѓу МТВ и ‘Фајнал кат’. За друго не сум компетентен да ви кажам”. Ниту Фириев нема поим како логото на МТВ се нашло на билбордите.
Изјавата на менаџерката Љиљана Петровиќ е дека таа договорила реклама со Македонското радио, а не со Македонската телевизија, а на билбордите го ставиле официјалното лого на Македонската радио-телевизија.
Цеца ќе пее на Градскиот стадион на 4 јуни. Во Скопје ќе долета со нејзиниот приватен авион. Нејзиниот балкански хонорар е околу 100.000 евра. Пред Скопје, ќе одржи концерт во Љубљана на 20 мај. Завчера таа била вратена од словенечкиот граничен премин на Љубљанскиот аеродром поради тоа што визата за Словенија и важела помалку од 15 дена, колку што налага законот. Хрватската ТВ “Нова” одбила да го рекламира љубљанскиот концерт на Цеца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024