Свет
Словенците ќе сеат хидроцентрали низ Македонија

Владата без тендер ќе му даде 20 атрактивни локации на словенечки „Турбоинститут“ за да гради хидроелектрични централи, коментираат извори од „Електростопанство на Македонија“.
Мирче Котевски
Владата без тендер ќе му даде 20 атрактивни локации на словенечки „Турбоинститут“ за да гради хидроелектрични централи, коментираат извори од „Електростопанство на Македонија“. Од најголемата домашна компанија тврдат дека интензивно подготвувале проект што предвидува мали протечни хидрокапацитети за чија изградба биле потребни околу 30 милиони евра.
Како што дознаваме, уште од почетокот на годинава Словенците интензивно лобирале кај премиерот Бучковски преку професори од Машинскиот факултет во Скопје што „Турбоинститут“ ги ангажирал за полесно да дојде до зделката. Во ЕСМ тврдат Словенците ќе ги имаат на располагање сите студии што се подготвени во изминативе пет децении околу изградбата на хидроцентралите, кои, сепак, нема да бидат клучни во производството на електрична енергија во земјава. Досега е подготвена документација за 24 локации, која вклучува и студии за оправданост (физибилити) што чинат многу (изработка на само една чини најмалку 10.000 евра).
Експерти што сакаа да останат анонимни се убедени дека Словенците ќе бидат газди на тоа што ќе го изградат и самостојно ќе си ја диктираат цената на струјата што ќе ја произведуваат хидроелектричните централи. Практично, велат изворите, откако ќе ги изградат, Словенците може да добијат концесија за да ги користат капацитетите во наредниве 50 години. Така државата ќе им ги подари реките на кои е предвидена изградбата.
– Ова е понуда од соништата – велат во ЕСМ.
Тие сметаат дека тендерот бил неопходен за да се провери дали има и други заинтересирани фирми за овој проект, кои би понудиле пониска цена на струјата што ќе ја произведуваат од хидроцентралите.
– Неоспорно е оти „Турбоинститут“ е докажан во изградбата на хидроелектрични централи. Моментно, тие се ангажирани на изградба во Италија, но сепак, државата мора да провери дали други заинтересирани компании може да понудат пониска цена на струјата што ќе ја произведуваат – коментираат наши извори. Можеби, велат тие, друг инвеститор, на пример, би можел да понуди да и ги врати изградените капацитети на државата многу порано од Словенците.
Професори од Електротехничкиот факултет велат дека најдобро е државата да ги изгради овие капацитети и самата да си ги стопанисува.
Од Владата велат дека Словенците покажале сериозни намери за да ги градат ХЕЦ, а за проектот ниту една друга компанија досега покажала интерес.
Дел централи ќе се градат на реки кај Скопје, Демир Капија, Дебар и кај Пробиштип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.
Европа
(Фото+видео) Над 10.000 Романци протестираа за да покажат поддршка за Европа во услови на изборни тензии

Повеќе од 10 илјадни Романци излегоа во саботата на улиците на Букурешт за да ја покажат својата поддршка за Европската унија, во услови на политички спорови околу повторувањето на претседателските избори закажани за мај.
Романија треба да ги повтори претседателските избори во два круга на 4 и 18 мај, откако Уставниот суд го поништи првичното гласање во декември по обвинувањата за руско мешање во корист на Калин Џорџеску, кој водеше во анкетите.
Thousands of people are flooding Bucharest tonight with Romanian and EU flags, with the crowd surging in size every few minutes, to chant and tell the world that Russian attempts be damned, Romania is Europe, now & always! pic.twitter.com/fVn1Q7Qg32
— Daractenus (@Daractenus) March 15, 2025
На Џорџеску, кој заедно со Москва го негираше руското мешање, му е забрането да учествува во повторувањето.
Во саботата, проевропските Романци формираа море од сини знамиња на ЕУ и тробојни романски знамиња, некои извикуваа антируски слогани и носеа транспаренти на кои пишуваше „Единство и почит – Европа ни дава права“ или „Ослободете го вашиот ум – Не на руската мудрост“.
🇷🇴 In the Romanian capital Bucharest, tens of thousands of people took to the streets in a rally in support of the European Union and NATO pic.twitter.com/N3RKCxMTvO
— Visioner (@visionergeo) March 15, 2025
Европа
(Фото+видео) Повеќе од 50.000 луѓе излегоа на улиците на Будимпешта да протестираат против Орбан

Над 50 илјади луѓе се собраа денеска во Будимпешта да го изразат своето незадоволство против унгарскиот премиер Виктор Орбан, додека лидерот на се помоќната опозициска партија Тиса вети дека Унгарија ќе ја направи дел од силна Европа и ќе стави крај на 15-годишното владеење на Виктор Орбан.
– Оние кои ја предаваат сопствената нација треба да завршат во корпата на историјата. Нашето време дојде – рече Петер Маџар, поранешен владин функционер кој започна сопствено движење пред една година.
Thousands took to the streets of Hungary’s capital, Budapest, today in a massive opposition protest, demanding the resignation of pro-Russian PM Orbán.
Opposition leader Péter Magyar declared that those who betray their own nation “should end up in the dustbin of history.” pic.twitter.com/kogHOIEvHE
— KyivPost (@KyivPost) March 15, 2025
Some pictures from the massive anti-government protest today in Budapest, Hungary!
This is why Orban suddenly wants to change the law of public gatherings.
Because the people have taken back the streets.
The spirit of 1848 marches on! pic.twitter.com/HgWPQ8lTGi
— Europa Project 🇪🇺🇭🇺 (@Noirsoldat_) March 15, 2025
На митингот по повод националниот празник на Унгарија, Виктор Орбан изјави дека е време да се елиминира она што тој го нарече „армија во сенка“ – невладини организации, новинари, судии и политичари кои, според него, се платени од Соединетите Американски Држави и Брисел, мислејќи на неговите планови за сузбивање на невладините организации и медиумите кои добиваат средства од УСАИД.
– По денешната прослава доаѓа големото велигденско расчистување бидејќи инсектите ја преживеаја зимата. Ќе ја елиминираме целата армија во сенка“, нагласи Орбан. Одлуката на американскиот претседател Доналд Трамп да го прекине УСАИД го охрабри неговиот сојузник Орбан.
Минатиот месец тој најави дека Унгарија ќе усвои закон за заштита на националниот суверенитет и за разоткривање на странски фондови кои ги финансираат унгарските медиуми и, како што ги нарече, квази невладините организации.
Оваа недела, неговата партија Фидес поднесе предлог за уставни измени кои ќе овозможат исклучување на двојните државјани за кои се смета дека го загрозуваат унгарскиот суверенитет.