Свет
Се игнорира изборната корупција

Јавното обвинителство не покренало кривично гонење за ниту еден случај на корупција за време на локалните изборите, за кои добило информации од антикорупциската комисија.
Јавното обвинителство не покренало кривично гонење за ниту еден случај на корупција за време на локалните изборите, за кои добило информации од антикорупциската комисија. Од комисијата вчера соопштија дека ги известиле обвинителствата за сите претставки што ги упатиле граѓани или правни субјекти, ама дека не добиле одговор или биле известени дека нема елементи за покренување постапка.
За време на изборите до антикорупциската комисија стасала реакција дека во Студеничани изборниот штаб на кандидатот за градоначалник од ДПА и ПДП е сместен во зградата на општината. Било посочено и дека истиот кандидат среде кампања почнал да гради амбуланта во дворот на основното училиште „Наим Фрешери“ во селото Моране, иако немал соодветна документација, додека во месноста Долно Количани почнал активности за изградба на трафостаница.
За овој случај обвинителството ја известило комисијата дека до секторот за внатрешни работи е доставено барање за собирање податоци.
Кандидатот за градоначалник на Илинден од ВМРО-НП Чедомир Ристовски бил обвинет во антикорупциската комисија дека гради пат, а обвинителството одговорило дека нема да поведе постапка зашто изградбата на пат не е подарок за да се влијае на гласачите. Во Илинден пат градел и кандидатот за градоначалник од СДСМ Миле Велиновски, ама обвинителството го затворило и тој случај.
И група граѓани од Зелениково анонимно го обвиниле тогашниот градоначалник Љупчо Кузмановски дека во ек на кампањата презема градежни зафати. Државното обвинителство го препратило предметот до основното, а на антикорупциската комисија и соопштиле дека дополнително ќе ја известат што е преземено.
ОК на ВМРО-ДПМНЕ од Гевгелија за време на кампањата ја известил антикорупциската комисија дека во таа општина се подготвува терен за изградба на спортско игралиште на приватен имот, ама за тој предмет доцни одговорот од обвинителството.
А. М. М
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Свет
Медведев се заканува со војна со НАТО: Консултирајте се со Трамп

Поранешниот руски претседател Дмитриј Медведев се закани со војна против НАТО доколку европските земји продолжат да инсистираат на своите планови за испраќање мировни сили во Украина.
Macron and Starmer are playing dumb. Time and again they are told that peacekeepers must be from non-NATO states. No, we will send tens of thousands – just lay it out – you want to give military aid to the neo-Nazis in Kiev. That means war with NATO. Consult with Trump, scumbags.
— Dmitry Medvedev (@MedvedevRussiaE) March 16, 2025
„Францускиот претседател Емануел Макрон и британскиот премиер Кир Стармер ‘се прават глупави’, напиша Медведев на Икс, кој е заменик-претседател на рускиот Совет за безбедност.
„Постојано им се кажува дека мировниците мора да бидат од земји кои не се членки на НАТО“, напиша тој. „Сакате да им дадете воена помош на неонацистите во Киев. Тоа значи војна со НАТО. Консултирајте се со Трамп“, додаде тој.