Свет
Бучковски ги потврди даночните пирамиди
Премиерот од Кавадарци упати закана до даночните затајувачи. Мвр треба да обезбеди докази
Чесните бизнисмени можат мирно да спијат, порачува премиерот
Премиерот од Кавадарци упати закана до даночните затајувачи. Мвр треба да обезбеди докази
Чесните бизнисмени можат мирно да спијат, порачува премиерот
Чесните бизнисмени можат мирно да спијат. Тие не треба од ништо да се плашат и можат слободно да продолжат да работат како и досега. За разлика од нив, нека му ја мислат даночните затајувачи на кои веќе им влеговме во трагата и кои ќе бидат казнети за овој организиран криминал. Вака може да се парафразира пораката што вчера ја упати премиерот Владо Бучковски до македонската јавност во врска со најновиот мегаданочен скандал од кој, како што изјави, државата на годишно ниво губи по стотина милиони евра. Со ова премиерот вчера целосно застана зад својот соработник, министерот за финансии, Никола Поповски, кој неодамна објави дека во земјава владее разработена даночна пирамида во која се вмешани 50-ина компании. Според Бучковски, веќе вчера требаше да дадат плод акциите што ги презема Министерството за внатрешни работи во обезбедувањето докази против главните актери во даночната афера.
“Со оглед што не сакаме исправајќи една неправда да направиме поголема неправда и да го рушиме реномето на дел од компаниите, би им порачал само едно – знаат дека најмалку 50 компании во Република Македонија од денес па натаму нема мирно да спијат. Оние кои чесно си работат не треба да се грижат. Но, оние што ја користеле даночната евазија како дополнителен извор на средства ќе бидат казнети од државата°, категоричен е Бучковски. Премиерот нагласи дека иако овој даночен криминал има фатено длабоки корени, тој верува дека макотрпната работа на сите државни институции во нивното разоткривање на крајот, сепак, ќе се исплати и оваа појава ќе биде спречена. “Не случајно го најави тоа и министерот за финансии, Никола Поповски. По тримесечна макотрпна работа на повеќе владини институции, пред сў на Министерството за финансии, Управата за јавни приходи, Финансиската полиција и МВР, конечно, успеавме да Ј влеземе во трагата и да се обидеме да ја срушиме даночната пирамида, за која бевме свесни дека функционира во Македонија. Даночната пирамида која има фатено корени во нашата држава во периодот што претстои ќе се обидеме да ја срушиме. За тоа ќе ни биде потребно и трпение, но и добра координација со Обвинителството. Во овој момент спомнувањето само на тоа дека сме зад нив и дека им дишеме во вратот нема да биде доволно. Веќе утрово дел од акциите што ги презема МВР веруваме дека дадоа плод и дека многу брзо ќе бидеме посигурни оти она што го имаме како основано сомневање ќе биде прифатено од Обвинителството, односно дека овој софистициран облик на организиран криминал ќе се обидеме да го спречиме. Колку ќе бидеме успешни ќе видиме наскоро. Јас сум оптимист дека ќе мора да продолжиме, бидејќи на овој начин стотици милиони евра на годишно ниво се одлеваат од државната каса°, нагласи премиерот Бучковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пристигна првата реакција на Русија на „планот за победа“ на Зеленски
Русија го отфрли „планот за победа“ на украинскиот претседател Володимир Зеленски и рече дека планот нема никаква врска со потрагата по дипломатско или политичко решение за ставање крај на војната и го опиша како себичен гамбит на Зеленски.
Зеленски рече дека неговиот план, чии детали допрва треба да се откриваат, е финализиран по долги консултации. Тој треба да му го претстави на американскиот претседател Џо Бајден и да се обрати на состанокот на Советот за безбедност на Обединетите нации во вторник. Зеленски рече дека неговата иницијатива е дизајнирана да создаде прифатливи услови за Украина, која е во конфликт со Русија повеќе од две и пол години.
Портпаролката на руското Министерство за надворешни работи, Марија Захарова, им изјави на новинарите дека планот изгледа како себичен гамбит на украинскиот лидер, кого Москва го обвинува дека се обидува да го вовлече Западот во вистинска војна против Русија.
„Единствената цел е да се спречи распадот на антируската коалиција и тоа, се разбира, нема никаква врска со задачата да се најде политичко и дипломатско решение за ситуацијата во врска со Украина“, рече Захарова.
Таа го повтори ставот на Москва дека Западот треба да престане да го финансира и снабдува Киев со оружје и рече дека секоја иницијатива со наводна цел да се постигне мирно решение е бесмислена ако не ја вклучува Русија. Истовремено, таа рече дека Москва е загрижена за, како што наведува, зголемените „провокативни“ активности на НАТО на границата со Белорусија и додаде дека не исклучува обиди за ескалација на конфликтот во регионот.
Москва, исто така, во петокот го повика Западот за притисок врз Кина поради Тајван, велејќи дека неговите „провокативни“ активности ја поткопуваат регионалната стабилност и меѓународната безбедност. Захарова истакна дека Русија ги поддржува потезите на Кина насочени кон одбрана на нејзиниот суверенитет.
Кинеското Министерство за одбрана во петокот соопшти дека продажбата на американско оружје на Тајван сериозно го прекршува принципот „една Кина“ и одредбите од заедничката официјална комуникација меѓу Кина и САД. Кина во средата објави дека ќе преземе мерки против девет компании поврзани со американската војска за продажба на американско оружје на Тајван.
Регион
„Прескокнувал преку мртви и раскрвавени деца, очите на Коста му биле црвени“: родителите на рането момче изнесоа нови детали од масакрот во „Рибникар“
Пред Вишиот суд во Белград денеска продолжи судењето за масакрот на Коста Кецмановиќ.
Денеска, сведочеа родителите на повреденото момче Ј. Д.
Солзи кај присутните по сведочењето на родителите на момчето, пренесуваат медиумите во соседството.
„Син ми ми се јави во 8.45 часот да ми каже дека е ранет. Бев од другата страна на градот и трчав кон училиштето“, рекол таткото. Потоа раскажувал за агонијата додека го барал синот од училиштето, каде што биле присутни полицијата и итната помош.
Во сведочењето тој кажал што му кажало детето за Коста Кецмановиќ.
„Ништо не ми кажа во болница бидејќи околу него имаше полиција и форензичари. Кога излезе по три дена, ми рече: „Тато, имаше црвени очи, очи на ѓавол“. Тој го погодил со еден куршум, а другиот поминал покрај него кон вратата додека тој трчал да излезе и да се спаси. Прескокнувал мртви и раскрвавени деца. Буквално ги повлекол тие двајца пријатели што трчале по него“, раскажал Небојша, таткото на ранетото момче.
Таткото на ранетото момче сведочеше дека нивниот живот се променил по масакрот, во кој неговиот син беше застрелан во бутот.
Момчето ретко зборува за масакрот, а според сведочењето на неговите родители, сè уште има изразени последици и дека постојано оди на психотерапија и зема лекови.
„Се грчи и скока на сè. На почетокот беше неподносливо и страшно. Секој ненадеен звук го прекинуваше, а во јавниот превоз се случува кога свети и се гаси светлото, тој се откачува и ме вика мене и мајка му за да праша што да прави. Го смируваме, но веќе не е тоа дете, детството му е уништено“, изјави Небојша.
Мајката зборувала многу тивко и била ужасно депресивна и тешко ги потиснувала своите емоции, според написите на тамошните медиуми.
„Тој ден бев на училиште, работам во тоа училиште и ја познавам генерацијата на мојот син затоа што бев учителка и на нивната генерација“, изјавила вознемирената мајка на момчето, Будимка Димитриевиќ. Таа раскажала како тој ден дознала за масакрот и дека нејзиното дете е рането.
„Дојде колега и ја отвори вратата од училницата и рече излези, излези, има пукање во училиштето. Бргу заминавме и по некое време, син ми дојде до мене и ми рече: „Мамо, ме погодија“. Децата го опколија. Ја видов раната и цело време доаѓаа информации за загинати и повредени. Учениците плачеа. Го барав мојот постар син, а Јован постојано повторуваше дека е ранет. Му реков: „Добро е, жив си, но Михајло, кој беше осмо одделение во истото училиште, го нема. За еден час се јави и тој. Не видов кога Јован го однесоа со брзата помош“, раскажала мајката.
Судскиот спор, според написите, ќе трае до средината на декември кога треба да биде завршено вештачењето на ранетото момче, како и на извршителот на стравотниот масакр.
Свет
Поради поплавите, евакуирани 1.500 лица, се трага по две исчезнати лица во близина на градот Равена
Во италијанската провинција Емилија-Ромања, која беше погодена од поројни поплави предизвикани од обилните дождови, продолжува потрагата по две лица, кои беа пријавени за исчезнати во близина на градот Равена.
Речиси 1.500 жители се евакуирани од градот Бањакавал, а во сила е црвено предупредување за екстремни временски услови, кои, најверојатно, ќе траат до вечерва, соопштија локалните власти, а пренесува „Анса“.
Болоња, Чезена, Форли, Равена и Римини беа најтешко погодени од поплавите, а имаше и многубројни одрони, јавува „Танјуг“.
Училиштата сè уште се затворени во областа Равена и во неколку области околу Форли-Чезен.
Во мај 2023 година Емилија-Ромања беше погодена од поплави и одрони поврзани со врнежи, во кои загинаа 17 луѓе и предизвикаа штета од неколку милијарди евра.
Многу области, кои беа поплавени вчера, поради обилните врнежи веќе беа погодени од поплави во 2023 година.
Во меѓувреме, силен дожд го погоди и регионот Марке, особено градот Анкона, каде што се излеа реката.
Во Тоскана северниот дел на регионот Муџело е во состојба на готовност откако вчера беа затворени неколку провинциски патишта поради лизгање на земјиштето предизвикано од обилните дождови.