Свет
На Скопското кале ќе се гради најголемата дивоградба во Македонија
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3633.jpeg)
Координативното тело, во име на огромен број граѓани, кои му дадоа поддршка за заштита на Скопското кале – Градиште (Древен град), како културен предел и историска меморија на македонскиот народ (што не смее да се претвори во екстериторија), изразува вчудовиденост од започнатите градежни работи на локалитетот.
(Повод: Изградба на странска амбасада на Градиште-Древен град над Скопје)
Координативното тело, во име на огромен број граѓани, кои му дадоа поддршка за заштита на Скопското кале – Градиште (Древен град), како културен предел и историска меморија на македонскиот народ (што не смее да се претвори во екстериторија), изразува вчудовиденост од започнатите градежни работи на локалитетот. За Координативното тело (КТ) не е јасно и издаденото соопштение на амбасадата на САД во Скопје, во кое амбасадата нагласува дека не е сопственик на земјиштето, но веќе платила и започнува со дислокација на муслиманските гробишта од овој локалитет, за што наводно спровела тендер!
Со кое право, странска амбасада прави било што на земјиште кое не е и не може да биде нејзина сопственост!? Се прашуваме, кој и дали во име на државата, го дозволил тоа?!
Координативното тело од Владата и надлежните ресори бара објаснување: како може да отпочне копање на теренот, кога нема законска основа за каква било градба надвор од намената на ГУП, и според тоа ниту за подготвителни работи. Инаку, постапката за градежни зафати предвидува цела низа предуслови и документи.
Без сите тие документи, дозволи и решенија, се што ќе се отпочне и реализира, е дивоградба!
Координативното тело смета дека институциите на системот, до овој момент, затаија во спроведување на законските прописи за градба и на тој начин стануваат соучесници во планирањето на најголемата дивоградба во земјава.
КТ се уште верува дека не е доцна да се сопре овој трагичен акт против националниот интерес на македонскиот народ и граѓаните на РМ, против законите и конвенциите за заштита на културното и природното богатство како универзална цивилизациска вредност! Очекуваме ова насилно уништување на милениумскиот пејзаж да запре со кревање глас на Собранието на РМ, на Уставниот суд, МПЦ, МАНУ, со интервенција на јавниот правобранител на РМ, на извршните органи – МТВ, МЖСПП, МК, Градежната инспекција, градоначалникот и Советот на Скопје, Општина Центар…
Доколку институциите должни да ги штитат имотот и законите на државата не се активираат, очекуваме граѓаните јавно да го изразат својот револт од овој акт на насилство.
Сите знаеме дека Македонија се соочува со многу тешки егзистенцијални и суштински проблеми на опстанок!
Но, зачувувањето на скопското Градиште – Кале, не е помалку значајно, зашто во него е внедрена милениумска историја и култура на овој народ и материјалните траги и докази за настанокот и развојот на нашиот главен град во период од над 2.000 години!
Со Скопското кале – Градиште, се брани суверенитетот и се докажува државотворната зрелост на овој народ и на од него избраното водство!
Координативното тело за заштита на Скопското кале – Градиште
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Полиција во училиште во Чачак: таткото незадоволен од успехот на ќерката и се заканувал на професорката
![](https://makfax.com.mk/wp-content/uploads/2024/04/Policija-Srbija.jpg)
Во Основното училиште „Драгиша Мишовиќ“ дошло до инцидент кога, според соопштението добиено од оваа образовна институција, родителот на еден од учениците незадоволен од оценките на своето дете влегол во конфликт со наставникот.
„На закажаното интервју со директорката дојдоа родителите на ученичката која поради три недоволни оценки беше упатена да го повтори 6-то одделение. Пред разговорот со директорот, наставникот имал непријатна средба со нејзиниот татко. За време на разговорот во директорската канцеларија, на кој присуствуваа помошникот директор и секретарката, родителите беа многу незадоволни од одлуката на Одделенскиот совет и побараа истата да се повтори за ученичката да добие уште една доволна оценка за таа не мора да го повторува класот“ – се наведува во соопштението на училиштето.
Понатаму додаваат дека разговорот бил многу тежок, бидејќи таткото барал апсолутно внимание додека зборувал и, според него, го „аргументирал“ барањето.
– Таткото продолжи со својот монолог и на сите разумни објаснувања и аргументи дека е незаконско и беспредметно да се повторува Советот на одделението, реагираше со емотивна патетика во однос на односот родител-дете. Незадоволен од ваквото објаснување и од тоа што не смее да зборува сам, тој демонстративно ја напушти средбата. Поради елементи на закани кои биле забележани и од други присутни колеги, била повикана полиција која дошла откако родителот го напуштил училишниот простор“ пренесува „Рину“.
По овој инцидент, кој бил пријавен во полиција, училиштето одржало состанок на Тимот за заштита од дискриминација, насилство, злоупотреба и занемарување. Одржани биле и состаноци на Училишниот сојуз и Училишниот одбор на кои биле донесени одлуки и мерки кои ќе се следат во иднина. За сите мерки биле известени управните органи на училиштето, Синдикатот и Управата на училиштето.
Свет
Брачен пар од САД посвоил пет деца: Ги чувале во штала, ги терале да работат како робови
![](https://makfax.com.mk/wp-content/uploads/2024/06/bb74db9b-76fa-4290-8a78-a859d069f091.jpg)
Доналд Реј Ланц (63) и Џин Кеј Вајтфедер (62) од Западна Вирџинија се обвинети за занемарување на деца. Тие, наводно, ги принудувале своите посвоени деца да работат како робови и да живеат во штала. Тие беа уапсени во октомври минатата година, откако беше откриено дека пет посвоени деца на возраст од 6, 9, 11, 14 и 16 години живеат во лоши услови.
Полицијата ја повикале соседите загрижени за благосостојбата на малолетниците.
Соседите пријавиле дека децата биле принудени да вршат земјоделски работи и не им било дозволено да влезат во куќата, се наведува во обвинението. При интервенцијата полицијата во плевната затекнала 14-годишно и 16-годишно девојче. Внатре немало светлина или проточна вода. Еден од тинејџерите во полиција изјавил дека последен пат јаделе пред 12 часа и дека биле принудени да спијат на бетонот.
Ланц и Вајтфедер вчера пред судот се изјаснија за невини по повеќе обвиненија, вклучително и трговија со деца, детски труд и занемарување на децата, објави локалниот медиум „Метро Њуз“. Судијката Мериклер Акерс рече дека децата „во основа биле користени како робови“.
Тие, исто така, се соочуваат со обвиненија за кршење на човековите права, за конкретно таргетирање црни деца и принудување на работа поради нивната раса, објави „Метро Њуз“. Нивната кауција е одредена на 500 илјади долари.
Свет
„Ројтерс“: Трамп подобар кандидат за економски прашања, Бајден за зачувување на демократијата
![](https://makfax.com.mk/wp-content/uploads/2019/07/bajden-tramp.jpg)
Гласачите во Соединетите Американски Држави сметаат дека кандидатот на Републиканската партија на претстојните претседателски избори Доналд Трамп е подобар кандидат кога станува збор за економијата, но сметаат дека кандидатот на Демократската партија Џозеф Бајден е подобар кандидат кога станува збор за зачувување на демократијата.
Анкетата на Ројтерс и истражувачката агенција Ипсос покажа дека двете клучни прашања за гласачите во САД се состојбата на демократијата и економските проблеми, при што 47 отсто од испитаниците велат дека Трамп е подобар избор за тој проблем, додека 37 отсто рекле дека Бајден е подобар пренесува Танјуг.
Кога станува збор за прашањето за имиграцијата, 44 отсто од анкетираните сметаат дека Трамп е подобар избор, додека 31 отсто од нив веруваат дека Бајден е подобар, а Ројтерс додава дека во 2022 година 13,9 отсто од населението ќе бидат имигранти, што е највисок процент во овој век.
На Трамп се гледа и како подобар на кандидат во однос на надворешните конфликти и тероризмот со 40 отсто спрема 35, но Бајден е подобар кандидат кога станува збор за одговор на екстремизмот и заканите по демократијата, со 39 отсто наспроти 33, што според испитаниците е вториот најголем проблем во САД.
Бајден води и кога станува збор за здравствената заштита со 40 наспроти 29.
Во претходните анкети на Ројтерс и Ипсос, Бајден и Трамп беа главно изедначени, но зголемување на популарноста на Трамп беше забележано во некои сојузни држави.