Свет
Финансиска проневера во „Маѓар телеком“ ја кочи поделбата на дивидендата
Унгарците и Владата не можат да се договорат колку пари ќе добијат од приходот на "Телеком"
Унгарците и Владата не можат да се договорат колку пари ќе добијат од приходот на "Телеком"
Прашањето за дивидендата ќе остане отворено се додека не заврши истрагата во една од компаниите-ќерки на „Маѓар телеком“
Владата се уште не знае колкава дивиденда ќе земе од минатогодишниот профит на "Македонски телекомуникации". Рокот за договарање околу поделбата на колачот од телекомуникациската компанија меѓу "Маѓар телеком" и Владата истекува до крајот на овој месец. Но, ова прашање ќе остане отворено с? додека не заврши истрагата која ја води "Маѓар телеком" околу проневерата на 3 милиони евра во една од компаниите-ќерки.
Парите се проневерени за консултантски услуги, но Унгарците засега не откриваат која нивна фирма ги злоупотребила средствата. Истрагата е во тек и дури откако ќе се утврди каде завршиле парите, ќе може да се усвојат конечните финансиски резултати за работењето на сите компании кои ги поседуваат Унгарците, кои треба, пак, да ги прифати Акционерското собрание на "Маѓар телеком".
Случувањата во централата на "Маѓар телеком" го одложуваат почетокот на преговорите меѓу Владата и Унгарците, бидејќи токму поради малверзациите не е усвоен и ревидираниот конечен извештај за работењето на "Македонски телекомуникации" за изминатата година. Одборот на директори утре ќе одржи седница, но дивидендата нема да се најде како точка на дневниот ред.
Според извори во Бордот, власта не може да почне да преговара за поделбата на ќарот од "Телеком" затоа што немаат основа, односно точни бројки за добивката. Оттука, не е исклучено воопшто Владата и "Маѓар телеком" да ја одложат седницата на Акционерското собрание, која законски треба да се закаже најдоцна до 31 мај, а на која треба да се одобри поделбата на дивидендата. Според нецелосните финансиски извештаи, лани фиксниот и мобилниот оператор заедно оствариле приход од околу 240 милиони евра.
И додека "Маѓар телеком" го тресе финансиска дубиоза и не може официјално да потврди колкав профит остварил, "Дојче телеком", кој е мнозински акционер на унгарската телекомуникациска компанија, вчера објави дека 2005 година е најдобра во историјата на ДТ. Приходот на "Дојче телеком" изминатата година се зголемил за 3,9 отсто и достигнал 59,6 милијарди евра. (В.Г.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.