Свет
Бучковски пресече лента за погон што ќе проработи во ноември
Предизборно вчера премиерот Владо Бучковски беше во Кавадарци, пресече лента за производствена линија во ФЕНИ-индустри што треба да почне дури за четири месеци.
ПРЕДИЗБОРНО ЗАГРЕВАЊЕ ВО ФЕНИ
Билјана К. Наумова
Предизборно вчера премиерот Владо Бучковски беше во Кавадарци, пресече лента за производствена линија во ФЕНИ-индустри што треба да почне дури за четири месеци.
Производството на фероникел се очекува да почне во ноември. Бучковски не пропушти да каже дека неговата кариера како премиер на Република Македонија е случајно поврзана со доаѓањето на Бени Штајнмиц и неговата инвестиција во ФЕНИ.
– Два дена по мојот избор за премиер во кабинетот ме посети господинот Штајнмиц, кој презентираше амбициозен план дека за 18 месеци по 10 години ќе почне втората технолошка линија – изјави Бучковски.
Тој се надева дека Штајнмиц ќе биде и новиот газда на велешката топилница и успешно ќе ги помине судските лавиринти, со што на поинаков начин ќе се развиваат економските односи меѓу Македонија и Израел. Костантинос Даскалакис, менаџер во ФЕНИ истакна дека групацијата БСГ во 2005 година влегла во ФЕНИ кога просечното годишно производство на фероникел било 5.000 тони. Тие достигнале до 8.000 тони, а оваа година нивните намери се производството да стаса до 10.000 тони.
Од септември со вклучување на втората печка годишното производство се планира да изнесува 15.000 тони. Даскалакис истакна дека оваа година нивната групација БСГ од Израел и Алферон ја презеле и втората фабрика за фероникел во Косово. Во меѓувреме, како што рече, се и потенцијални инвеститори во фабриката за олово и цинк во Велес и нивната намера е долго да останат во Македонија.
Градоначалникот на Кавадарци, Панчо Минов, потсети на добрата соработка што ја имаат со менаџерскиот тим на ФЕНИ и на очекувањата за нови неколку стотици вработувања.
Рамковски преговараше за тутунарите, не може и за лозарите
На новинарско прашање како го коментира повикот на лозарите Велија Рамковски да ги претставува во преговорите со винарската визба „Повардарие“ за исплата на парите за грозјето, Бучковски одговори:
– Велија доста го примав на преговори со тутунарите, не може да биде експерт и за лозарите. Ми рече дека е поранешен тутунар, а не лозар – коментира Бучковски.
Владата ќе интервенира кога нафтата пак ќе поскапи
Бучковски изјави дека се договорил со министрите за финансии и економија Никола Поповски и Фатмир Бесими да излезат со можно решение за ублажување на ценовниот шок предизвикан од високите цени на бензините, ако цената на нафтата продолжи да расте.
Во овој момент поволно е тоа што на берзите цената на нафтата е пониска за неколку долари. Дистрибутерите погрешно ја сфатија мојата порака. Не сакаме да брцнеме во нивните џебови за да го решиме проблемот – рече Бучковски.
Тој минатата недела, кога бензините достигнаа рекордна цена од 72 денари за литар супер, изјави дека Владата најверојатно ќе разговара со дистрибутерите за да најдат заедничко решение за ублажување на ценовниот шок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Руски воен аналитичар: Украинците веќе развиваат сопствено нуклеарно оружје
Украина веќе работи на развој на сопствено нуклеарно оружје, а неговото тестирање би можело да се изврши во регионот Полтава, изјави за Инфо24 воениот аналитичар и вонреден професор на Катедрата за политичка анализа и социо-психолошки процеси на Рускиот економски универзитет Плеханов, Александар Перенџиев.
Украинскиот претседател Володимир Зеленски побара од западните земји да му го „вратат“ нуклеарното оружје на Киев како компензација за нивното одбивање да ја примат Украина во НАТО. Дополнително, украинскиот лидер ги повика западните партнери да помогнат во зајакнувањето на украинската армија опремувајќи ја со најновите ракетни системи.
“Не е случајно што Зеленски постојано зборува за нуклеарно оружје. Сосема е можно Киев веќе да развива сопствено нуклеарно оружје. Има и одредени факти кои индиректно го потврдуваат тоа. Конкретно, неодамнешниот земјотрес кај Полтава може да биде поврзан со тестирање на нуклеарно оружје”, објасни Перенџиев.
Тој исто така додаде дека Украина има се што и е потребно за да направи атомска бомба. Во исто време, тој изрази уверување дека Русија нема да дозволи Киев да го добие и ќе направи се што е потребно за да го спречи спроведувањето на нуклеарната програма на Украина.
„Режимот во Киев има одредени способности да создаде нуклеарно оружје. Украина ја зачува научната база, документацијата, па дури и одреден персонал кој претходно работел во оваа област. Сепак, за нуклеарното оружје е потребна инфраструктура. Доколку се појави, Русија веднаш ќе изврши напад врз овие објекти“, заклучи Перенџиев.
Регион
„Многу е тешко да се предвиди што е следно“: серијата земјотреси околу Санторини ги збуни геолозите
Грчкиот остров Санторини и неговата околина продолжуваат да се тресат, а десетици илјади луѓе се евакуирани. Тековните земјотреси најверојатно се предизвикани од серија движења на раседот, но тие се многу невообичаени, изјави Дејвид Пајл, професор по геологија на Универзитетот во Оксфорд, за LiveScience.
– Проблемот со овој настан е што гледаме земјотрес по земјотрес. Сè се случува под вода и многу е тешко да се предвиди што ќе се случи следно“, вели Пајл, кој го проучувал вулканот Санторини.
Егејското Море се наоѓа на мала плоча од Земјината кора, која се протега додека африканската плоча се лизга под евроазиската плоча. Ова истегнување, додаде тој, доведува до движења на раседите кои потоа предизвикуваат земјотреси.
„Областа е малку повеќе погодена отколку во 2011 и 2012 година, а стапката на откриени земјотреси е поголема, но фокусот е надвор од вулканот“, рече Пајл.
Повеќето земјотреси се случија помеѓу вториот подводен вулкан Колумба, кој се наоѓа на 7 километри североисточно од Санторини и малиот остров Анидрос.
Иако научниците веруваат дека овој пат земјотресите се активирани од движењето на тектонските плочи, не сите се сигурни дали постои поврзаност помеѓу серијата земјотреси и потенцијалната вулканска активност кај Колумбо.
„Ние навистина не знаеме многу за системите за снабдување со длабока магма на вулканите“, рече Пајл.
Вулканот Колумбо последен пат еруптираше во 1650 година, кога предизвика катастрофално цунами што ги опустоши островите во регионот.
Санторини бил обликуван од таканаречената минојска ерупција пред околу 3.600 години. Истиот вулкан имал „една од двете најголеми ерупции во овој дел од светот“ пред околу 520.000 години.
Регион
Во петок повторно бојкот на маркети во Хрватска, се очекува да има и во Македонија, Србија, Босна и Херцеговина и Косово
Потрошувачката платформа „Ало, инспекторе“ најави обновен генерален бојкот на продавниците и услугите поради рекордни цени за петок, 7 февруари и седумдневен бојкот на еден малопродажен синџир од сабота.
Јосип Келемен, советник на платформата „Ало, инспекторе“, рече дека Србија, Босна и Херцеговина, Македонија повторно ќе бојкотираат, а ќе се приклучи и Косово.
„Потрошувачите побараа од нас да не се откажуваме и да продолжиме понатаму. Почнуваме сè повторно: од трговски синџири, пекари, услуги, производи“, изјави Келемен за новинарите во Загреб.
Тој најави дека овој петок ќе се бојкотира секоја форма на купување производи и услуги, а од сабота ќе се одржи и бојкот на еден малопродажен синџир. Граѓаните ќе одлучат за кој ланец ќе биде тоа во анкета објавена на Фејсбук страниците на платформата.
Келемен додаде дека анкетата отворена денеска побудила голем интерес кај граѓаните поради што двапати „падна серверот“.
Според него, трговците не ја разбрале пораката од претходните два генерални бојкоти.
Во Хрватска денеска завршува седумдневниот бојкот на три трговски синџири: Лидл, Еуроспин и ДМ и три производи – флаширана вода, газирани пијалоци и детергенти.
Бојкотите беа поддржани од синдикатите, опозицијата и владата.
Како мерка за помош на граѓаните во борбата против високите цени, Владата одлучи да ја прошири листата на производи со ограничени цени на 70 производи, наместо досегашните 30.
Премиерот Андреј Пленковиќ рече дека државата реагирала, но дека сега мора да се вклучат и други, оценувајќи дека „никој немаше да банкротира ако цените беа малку поумерени“.
Хрватските медиуми пишуваат дека многу хрватски граѓани кои живеат во пограничните области на земјата се повеќе избираат да купуваат во Словенија и Италија, каде што цените на разни стоки се пониски.