Свет
Увезувам батаци, не работам со мигранти
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-1585.jpeg)
Во Основниот суд во Скопје вчера по два дена пауза продолжи големиот судски процес за крумчарње мигранти. Беше сослушан сопственик на паркинг плац каде биле качувани мигрантите во камиони.
СЛУЧАЈ КРИУМЧАРЕЊЕ МИГРАНТИ
Во Основниот суд во Скопје вчера по два дена пауза продолжи големиот судски процес за крумчарње мигранти. Беше сослушан сопственик на паркинг плац каде биле качувани мигрантите во камиони.
Прв беше сослушан Неџмедин Сејдиу сопственик на паркингот Адриатику. Тој негира дека учествувал во некакви нелегални бизниси.
"Јас работем со батаци. Увезувам пилешко месо. Не сум работел со мигранти", тврдеше Сејдиу на судењето. Тој неколку пати повтори дека имал легален бизнис и се занимавал со увоз на пилеши стекови, батаци и други прехранбени продукти.
Сејдиу рече дека плацот Адриатику, не бил негов.
"Во мое присуство на плацот не биле качувани мигранти и не верувам дека таму се правени бункерите за камионите", изјави Сејдиу.
На вчерашното судење, беше сослушан и обвинетиот Златко Хаџипетрушев, возач од Велес кој е обвинет дека помагал во правењето на тајните бункери и во организирањето на шверцот на мигранти. Изјави дека е невин.
"Немам никаква врска со шверцот на мигранти, ниту пак сум правел бункери во камион. Јас му помогнав на Дејан Стамков оти го познавав од порано. Не знаев дека тој на овој начин ќе ја злоупотреби мојата добрина", кажа Хаџипетрушев.
Група од дваесет и осум лица се обвинети откако биле фатени на дело како пренесува 16 мигранти. Според доказите досега групата пренела над 30 -тина мигранти. Цената на транспортот била од 1000 до 1500 евра по човек. Најмногу биле предесувани луѓе од Албанија во Република Грција. (К.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.