Свет
Глобалниот договор против пушењето стапи на сила
Глобалната спогодба со која 191 членка на Светската здравствена организација (СЗО) се обврзуваат да ги одвраќаат младите од пушење и да им помагаат на возрасните да се откажат, стапи во сила денеска, и покрај силното лобирање на тутунската индустрија да не се ратификува Договорот.
Глобалната спогодба со која 191 членка на Светската здравствена организација (СЗО) се обврзуваат да ги одвраќаат младите од пушење и да им помагаат на возрасните да се откажат, стапи во сила денеска, и покрај силното лобирање на тутунската индустрија да не се ратификува Договорот. Спогодбата наречена Рамковна конвенција за контрола на тутунот им дава на членките тригодишен временски рок за примена на мерките – ставање маркици на предупредување на кутиите за цигари и петгодишен рок за забрана на промоција на тутунските производи и спонзорства на тутунската индустрија. СЗО истакнува дека овој прв Меѓународен договор за јавното здравје би можел да спаси милиони животи. “Ги повикувам сите земји да ги спроведат мерките со кои пушењето станува се помалку привлечно“, изјави генералниот директор на СЗО Ли Јонг-Вук. Тутунскиот чад убива околу 4,9 милиони лица годишно и претставува втора по ред причина за смрт што може да се спречи, тврдат од СЗО. ООН предупредуваат дека годишната стапка на смртност од болести предизвикани од тутунот – ракот на белите дробови и кардиоваскуларни болести , би можел да се зголеми на 10 милиони луѓе до 2020 година, со 70 процентна смртност во земјите во развој. Исто така препорачува воведување поголем данок на тутунските производи, борба против криумчарење на цигари и намалување на опасноста од изложување на тутунски чад. Договорот го одобрија 192 членки на Организацијата, а стапува во сила денеска, откако изминаа 90 дена од неговата ратификација во 40 држави. Спогодбата ќе има законска “тежина“ само во државите кои што ја ратификувале./Крај/хи/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кина им забранува на некои американски компании да тргуваат во земјата
Министерството за трговија на Кина денеска објави дека на некои американски компании ќе им забрани увоз и извоз на активности поврзани со Кина, вклучително и продажба на оружје на Тајван, и ќе им забрани да прават нови инвестиции во Кина.
Министерството го стави General Atomics Aeronautical Systems на својата листа на недоверливи ентитети бидејќи компанијата продавала оружје на Тајван, се вели во соопштението. Вклучена е и General Dynamics Land Systems.
Според државните медиуми, Boeing Defense, Space & Security е исто така на црната листа.
На директорите на сите три компании им е забранет влез во Кина, додека нивните работни дозволи ќе бидат укинати, како и статусот на посетител и престој, а сродните барања што ги поднесуваат нема да бидат одобрени, се вели во соопштението за печатот на министерството, како што информираат од новинската агенција Ксинхуа.
Кина, исто така, започна антидампинг истрага против одредени производители на хемикалии од Европската унија, САД, Јапонија и Тајван, објави во неделата Министерството за трговија.
Предметните хемикалии се „кополимеризиран параформалдехид“, кој може „делумно да го замени бакарот, цинкот, калајот, олово и други метални материјали“ и се користат во автомобилски делови, електрични апарати и индустриски машини.
Експертите ги гледаат мерките на кинеската влада како реакција на последните случувања во трговскиот спор со Западот. Меѓу другото, минатата недела американскиот претседател Џо Бајден воведе специјални царини од 100 отсто за увоз на електрични автомобили од Кина.
Свет
Израелски функционер: Израел не е вмешан во смртта на Раиси
Израел на никаков начин не е вмешан во смртта на иранскиот претседател Ебрахим Раиси и неговиот министер за надворешни работи Хосеин Амир Абдолахиан, изјави израелски претставник за новинската агенција Ројтерс.
„Тоа не бевме ние“, рече функционерот, кој сакаше да остане анонимен.
Во моментов сè укажува дека хеликоптерот се урнал поради лошите временски услови и слабата видливост, додава Ројтерс и објаснува: Иран и Израел се долгогодишни непријатели, а Израел силно се противи на развојот на нуклеарната програма на Техеран.
Иран, во различен степен, поддржал, финансирал и обучувал неколку групи низ регионот на Блискиот Исток, вклучувајќи ги Хамас во Газа, Хутите во Јемен, Хезболах во Либан и бројни други фракции со седиште во Сирија и Ирак.
Израел ретко официјално ги коментира своите активности надвор од своите граници, кои во последните месеци вклучуваат напади во Либан, Сирија и Иран.
Свет
(Видео) Новинар известува покрај остатоците од хеликоптерот во кој загина претседателот на Иран, багажот на патниците е расфрлан наоколу
Претседателот на Иран, Ебрахим Раиси загина во хеликоптерска несреќа, која се урна во неделата на северозападот на земјата, а спасувачките екипи ги лоцираа остатоците и ги пронајдоа телата рано утринава.
Покрај Раиси, загина и шефот на иранската дипломатија и уште неколку лица, а нивните тела се идентификуваат.
Иранската државна телевизија објави снимка на која се гледа како спасувачките екипи носат тело покриено со ќебе на носилки, а сега објавија снимка на која се гледа како новинар од иранска државна агенција стои покрај урнатините.
گزارشی از محل سانحه بالگرد حامل رئیس جمهور pic.twitter.com/uF2wk6yiaN
— خبرگزاری ایرنا (@IRNA_1313) May 20, 2024
На снимката можат да се видат работите на патниците што се расфрлани наоколу.
Државната новинска агенција ИРНА претходно објави дека покрај претседателот Раиси и министерот Амир-Абдолахиан, ајатолахот Мохамад Али Ал-е Хашем, имам за петочната молитва во градот Табриз и генералот Малек Рахмати, гувернер на иранската провинција Источен Азербејџан, биле во хеликоптерот.