Свет
Ќе има обвинение против Драган Човиќ за организиран криминал
Меѓународните обвинители во Специјалниот оддел за борба против организираниот криминал во Босна и Херцеговина, ќе подигнат деновиве обвинение против хрватскиот член на Претседателството на БиХ Драган Човиќ.
Меѓународните обвинители во Специјалниот оддел за борба против организираниот криминал во Босна и Херцеговина, ќе подигнат деновиве обвинение против хрватскиот член на Претседателството на БиХ Драган Човиќ. “Обвинението би требало да биде подигнато најдоцна до петок, 4 март”, потврдил извор од меѓународната заедница за сараевски “Дневни аваз“. Деталите на обвинението не се познати, но, Човиќ во неколку наврати се појавуваше пред Обвинителството во БиХ, за да одговара за активностите во врска со фирмата “Лијановиќи” од Широки Брег, која се сомничи за милионски затајување на даноци. Името на Човиќ се доведува и во врска со сомнителната приватизација на мостарски “Сокол”, поранешната фабрика за воени авиони на СФРЈ./крај/фн/ил/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.
Свет
Зеленски му го честиташе третиот премиерски мандат на Пленковиќ и му се заблагодари за поддршката на Украина
Претседателот на Украина, Володимир Зеленски, му го честиташе третиот мандат на хрватскиот премиер Андреј Пленковиќ и изрази благодарност за постојаната поддршка од Украина.
Зеленски на социјалната мрежа Икс напиша дека разговарал со Пленковиќ, кому му се заблагодарил и го потврдил доаѓањето на мировниот самит во Швајцарија.
„Разговаравме и за поддршката на Хрватска за почеток на пристапните преговори на Украина со Европската унија, како и за можноста Хрватска да се приклучи на декларацијата на Г7 од Вилнус за поддршка на Украина“, напиша Зеленски.
Свет
Повеќе од 226.000 домови во Тексас без струја по невремето
Повеќе од 226.000 домови и деловни објекти во Тексас и денеска се без струја откако невремето го погоди регионот минатата недела и викендот, според синоптичарите и PowerOutage.us.
Тоа е помалку од повеќе од 946.000 клиенти во Тексас, Луизијана и Мисисипи кои беа без струја во петокот наутро.
Покрај тоа, невремето на крајот на минатата недела во Тексас и другите држави долж брегот на Персискиот залив остави без струја во текот на викендот повеќе од 44.000 клиенти во Оклахома и Канзас, пренесува Ројтерс.