Свет
Забрането за Македонци
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-1930.jpeg)
Во огласите за вработување што ги објавува Агенцијата за државни службеници, не стои дека се забранети за Македонци туку дека "при селекцијата и вработувањето на кандидатите ќе се применува начелото на соодветна и правична застапеност на граѓаните ко
Во огласите за вработување што ги објавува Агенцијата за државни службеници, не стои дека се забранети за Македонци туку дека "при селекцијата и вработувањето на кандидатите ќе се применува начелото на соодветна и правична застапеност на граѓаните ко
Владата примила нови 22 државни службеници. По Рамковен. Од 22 тазе државни службеници, 21 се припадници на албанската етничка заедница. Со огласот се барале помлади соработници за стручни работи во Генералниот секретаријат на Владата. Македонските кандидати кои конкурирале на огласот, велат дека никаде јасно не стоело оти конкурирањето за Македонци е забрането.
Ова е само еден од веќе безбројните огласи за предизборни вработувања во државната администрација, во кои работа добиваат само припадниците на албанската етничка заедница. Огласите ги објавува Агенцијата за државни службеници, во нив јасно се прецизирани условите за образование, познавање на јазик и работното искуство. Во една реченица стои и дека "при селекцијата и вработувањето на кандидатите ќе се применува начелото на соодветна и правична застапеност на граѓаните кои припаѓаат на сите заедници". Тоа значи дека огласот се однесува само на "рамковни" кандидати.
Дали пред избори СДСМ-овскиот дел на Владата брза да ги исполни желбите на коалциониот партнер од албанската етничка заедница, за да биде сигурен дека нивните гласови нема да отидат со Опозицијата, во Владата не одговараат. Само објаснуваат дека морале да ги исполнат обврските од Рамковниот договор.
Во Министерството за финансии велат дека јавната администрација не растела. "Се вработуваат на местата кои се испразнети со природен одлив. Министерството за финансии ги одобрува вработувањата ако има обезбедени пари во Буџетот."
"Вест" веќе пишуваше за вработувањата по Рамковен во ЈП"Македонија пат", каде влегоа 30 припадници на албанската етничка заедница. Во Царинската управа треба да се примат уште 26 "рамковни" цариници. Истиот критериум беше услов за влез во Македонски пошти на над 200 луѓе. Списокот е подолг а се калкулира со околу 1.000 луѓе кои ќе добијат решенија во владини институции и јавни претпријатија, како предизборен залог.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Агенцијата на СЗО: Талкот во прав е веројатно канцероген
![](https://makfax.com.mk/wp-content/uploads/2024/07/bebeshka-pudra.jpg)
Агенцијата за рак на Светската здравствена организација (СЗО) денеска оцени дека талкот во прав е „веројатно канцероген“ за луѓето, но независен експерт вели дека тоа не треба да се сфати како нешто што служи како дефинитивен доказ.
Одлуката се заснова на „ограничени докази“ дека талкот во прав може да влијае на развојот на рак на јајниците кај жените, „доволно докази“ дека е поврзан со развој на рак кај стаорци и „силни механички докази“ дека постојат знаци на канцерогеност кај луѓето, објави Меѓународната агенција за истражување на ракот на СЗО (IARC) со седиште во Лион.
Талкот е природен минерал кој често се користи за правење бебешка пудра. Повеќето луѓе се изложени на талк во форма на бебешка пудра или козметика, се вели во соопштението на IARC.
Но, најголемата изложеност на талкот има во моментот кога се вади, преработува или се користи за правење други производи, се наведува во соопштението.
Можно е талкот во студиите да бил контаминиран
Треба да се напомене дека талкот е природен минерал кој се состои од магнезиум, силициум, калциум и кислород, а се карактеризира со благ земјен мирис. Не се раствора во вода, алкохоли или масла, што му дава посебни карактеристики и широка примена во козметиката.
Агенцијата во соопштението наведува дека постојат бројни студии кои постојано укажуваат на зголемена стапка на рак на јајниците кај жени кои користат или користеле талк во прав на гениталиите.
Во исто време, публикацијата не ја исклучува можноста дека талкот во некои студии бил контаминиран со азбест, кој е директна причина за рак.
Независен експерт: Ова не е убедлив доказ
Кевин Меконвеј, статистичар од британскиот Отворен универзитет, кој не бил вклучен во истражувањето, предупреди дека во случајот на проценката на IARC, „најочигледното толкување е всушност погрешно“. Тој посочува дека „целта на Агенцијата е да одговори на прашањето дали некоја супстанца има потенцијал да предизвика рак под услови кои не се специфицирани или специфицирани од IARC“.
Со оглед на тоа што спроведените студии беа набљудувачки, поради што не можеа да докажат причинско-последична врска, презентираните податоци не треба да се сфатат како нешто што може да послужи како дефинитивен доказ.
Најавата доаѓа само неколку недели откако американскиот фармацевтски и козметички гигант Џонсон и Џонсон се согласи да плати 700 милиони долари за конечно да ги решат обвинувањата дека ги заведувал клиентите за безбедноста на производите на компанијата базирани на талк.
Компанијата Џонсон и Џонсон не призна злоупотреба, иако го повлече производот од северноамериканскиот пазар во 2020 година.
Според резимето на студијата објавено во 2020 година, а студиите опфатиле 250.000 жени од Соединетите Држави, не била воспоставена статистичка врска помеѓу употребата на талк во прав на гениталиите на жените и ризикот од развој на рак на јајниците.
Ново предупредување од IARC: Акрилонитрилот е хемиско соединение кое е канцерогено за луѓето
Во петокот, IARC го класифицираше хемиското соединение акрилонитрил, кое се користи за производство на полимери, како „канцерогени за луѓето“ – највисокото ниво на предупредување на агенцијата.
Има „доволно докази“ кои го поврзуваат акрилонитрилот со развојот на рак на белите дробови.
Полимерите составени од акрилонитрил се користат за правење разни предмети – од влакна во облеката до теписи, пластика и други производи за широка потрошувачка.
Свет
Две лица се убиени, три ранети – хорор во САД за време на прославата на Денот на незавиноста
![](https://makfax.com.mk/wp-content/uploads/2022/11/amerika-sad.jpg)
Две лица загинаа, а тројца се ранети во напад што се случи за време на прославата на Денот на независноста во Хантингтон Бич, во американската сојузна држава Калифорнија, соопшти денеска локалната полиција.
Полицијата примила повик околу 23:15 часот во четвртокот за фатално пукање во округот Оринџ во Хантингтон Бич, објави USA Today.
Кога пристигнале на местото на инцидентот, полицајците пронашле „неколку жртви со тешки повреди“.
Полициската управа на Хантингтон Бич потврди дека две лица им подлегнале на повредите на местото на настанот и дека три се пренесени во болници со повреди кои не се опасни по живот.
Од полицијата додаваат дека досега е приведено едно лице.
Регион
Силен земјотрес го погоди Крит
![](https://makfax.com.mk/wp-content/uploads/2024/02/krit-830x0.jpg)
Земјотрес со јачина од 4,1 го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот бил на длабочина од 8 километри, додава EMSC.
Епицентарот на земјотресот бил на 64 километри југоисточно од најголемиот град на Крит, Ираклион.
Засега нема информации за евентуална материјална штета.