Свет
„Маѓар телеком“ вчера купи 9,9 отсто државни акции
Државата продаде пакет акции од „Телеком“ за 60 милиони евра
Државата продаде пакет акции од „Телеком“ за 60 милиони евра
Унгарски „Маѓар телеком“, според неофицијални информации, преку својата компанија-ќерка „Македонски телекомуникации“ вчера купи пакет од 9,9 отсто државни акции во телекомуникациската компанија. За пакетот акции ќе плати над 60 милиони евра. Продажбата на државните акции во „Телеком“ се реализира преку јавна берзанска аукција.
На Берзата беа понудени 9.488.040 акции, што претставува удел од 9,9 отсто. За пакетот имаше само еден заинтересиран купувач, односно „Маѓар телеком“, така што изостана очекуваното наддавање. Тргувањето заврши за десетина минути, а Унгарците понудија 389 денари за една акција, што претставува минимална цена. Дознаваме дека трансакцијата ја изврши брокерската куќа„Уни банка. Парите за купување на акциите треба да се уплатат најдоцна до четврток, кога во Централниот депозитар ќе се внесе името на новиот купувач на пакетот акции.
Елена Јакимовска-Петровска, извршен директор на Македонската берза, вели дека очекува најголемо интересирање во јавноста да предизвикаат т.н слободни акции. Станува збор за 5.295.090 акции или вкупен удел од 5,52 отсто, кои може да ги купи секој што сака. Овој пакет, како што нагласува Јакимовска-Петровска, е достапен за малите инвеститори. Она што е особено интересно, како што вели таа, е што по купувањето на слободните акции може да се изврши второ, односно трето тргување. Тоа во практика значи дека купувачот, без оглед на тоа колкав удел има, може акциите веднаш повторно да ги понуди на Берза, откако претходно ќе биде заведен како сопственик во Централниот депозитар.
Владата одлучи да се ослободи од својот удел во „Македонски телекомуникации“ за да се забрза процесот на либерализација на телекомуникацискиот пазар, под притисок на меѓународните финансиски институции. Најголемата опозициска партија вчера реагираше зошто Владата ги продава акциите 29 дена пред одржувањето на парламентарните избори и зошто се продава без пазарно утврдување на цената.
Премиерот Владо Бучковски, одговарајќи на овие прашања, изјави дека генерално, најголемиот проблем што го има Македонија во овој момент, во делот на либерализација на телекомуникациите е поради тоа што Договорот за продажба на „Телеком“, потпишан од Владата на ВМРО-ДПМНЕ, не е совршен и не одговара на европските стандарди. Бучковски истакна дека намерата на Владата е да се ослободи од акциите во „Телеком“ за да може државата да биде докрај објективна.
Што се однесува до цената, премиерот е категоричен дека неа ја формира Берзата. Тој не може да процени дали државата ќе ги продаде сите четири пакети.
„Би било идеално да ги продаде сите пакети. Нашата позиција ќе биде посилна кога ќе се продадат сите пакети одеднаш, отколку да се продаде само еден пакет“, изјави вчера премиерот Владо Бучковски, кој ја уверува јавноста дека парите од продажбата на државните акции нема да се искористат во предизборни цели.
Министерот за финансии, Никола Поповски, за „Утрински весник“ изјави дека средствата од продажбата на акциите ќе бидат приход на Буџетот, кои не се за потрошувачка, туку се приход за депозит. Според Поповски, Владата и Собранието ќе одлучат за што ќе се потрошат.
„Со оглед на тоа што нашите депозити се веќе прилично високи, ние од тие депозити не зависиме. И без нив, ние имаме депозити ако некој сака да троши“, вели министерот Поповски.
Владата реши да продаде 45 од вкупно 47 отсто акции колку што поседува во „Телеком“. Како што е познато, предвидени се четири пакети од по 9,9 отсто акции, што претставува удел од 39,6 отсто акции, и еден пакет од слободни акции од 5,52 отсто.
Денеска, утре и задутре на Берзата ќе се понудат по еден пакет акции од 9,9 отсто, а в петок ќе се продаваат пакетите кои евентуално нема да бидат продадени. Пакетот од 5,52 отсто слободни акции ќе се тргува на Берзата, почнувајќи од утре. Минималниот износ што се очекува да го инкасира државата од неколкудневната продажба на акциите во „Телеком“ е 275 милиони евра.
(В.Г.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Иран воведе санкции кон САД и Велика Британија поради поддршката кон Израел
Иранските власти денеска објавија дека воведуваат санкции против неколку американски и британски поединци и субјекти поради нивната поддршка на Израел во војната против палестинското движење Хамас во Појасот Газа.
Иранската дипломатија соопшти дека санкциите се однесуваат на седум Американци, меѓу кои и генералот Брајан Фентон, шеф на командата за специјални операции и вицеадмиралот Бред Купер, поранешен шеф на американските поморски сили на Блискиот Исток.
Од британските функционери и субјекти цел на санкциите се министерот за одбрана Грант Шапс и британската кралска морнарица во Црвеното Море.
Санкции беа најавени и против американските компании „Локид Мартин“ и „Шеврон“ и британските компании „Елбит системс“, „Паркер Мегит“ и „Рафаел УК“.
Иранското Министерство за надворешни работи додаде дека санкциите вклучуваат „блокирање на сметки и трансакции во иранскиот финансиски и банкарски систем, блокирање на средства под јурисдикција на Иран, како и забрана за издавање визи и влез на иранска територија“.
Влијанието на овие мерки врз поединци или субјекти, како и врз можните средства или трансакции со Иран, сепак, останува неизвесно.
Од почетокот на војната во Појасот Газа, предизвикана на 7 октомври со нападот на палестинското исламистичко движење Хамас на израелска територија, нагло се зголемија тензиите меѓу Израел од една страна и Иран и неговите сојузници, особено либанскиот Хезболах, од друга.
Ситуацијата се вжешти на 13 април, кога Иран изврши напад врз Израел, со 350 беспилотни летала и проектили, од кои повеќето беа пресретнати со помош на САД и други земји.
Иранските власти тогаш објавија дека дејствувале во „самоодбрана“ по смртоносниот напад што му се припишува на Израел врз иранскиот конзулат во Дамаск на 1 април.
Свет
Нетанјаху: Ако Евреите не се заштитат самите, никој нема да ги заштити
Евреите мора да бидат способни да се „одбранат“ бидејќи никој нема да ги заштити, изјави денеска израелскиот премиер Бенјамин Нетанјаху, додека се повеќе се креваат гласови против војната што Израел ја води во Појасот Газа.
„Ако треба да се браниме, ќе се браниме. Ако е можно да се мобилизираат „оние што не се Евреи“, тоа е добро. Но, ако не се заштитиме, никој нема да го направи тоа“, рече Нетанјаху.
Премиерот ова го изјави на приемот на преживеаните од нацистичкиот геноцид кои во недела ќе учествуваат на церемонијата на Денот на сеќавањето на Холокаустот во меморијалниот центар Јад Вашем.
Разорната војна што Израел ја започна во Појасот Газа како одмазда за нападот на палестинското движење Хамас на 7 октомври во Израел предизвикува зголемени критики ширум светот.
Осврнувајќи се на студентското движење во знак на солидарност со Палестинците во градовите на американските колеџи, Нетанјаху рече дека ги осудува „страшните демонстрации на антисемитските орди кои повикуваат на уништување на Израел и ги напаѓаат еврејските студенти и професори“.
Нетанјаху, исто така, се соочува со отворено меѓународно противење на неговата намера да започне голема офанзива врз градот Рафах, во јужниот дел на Појасот Газа.
Тоа е засолниште за еден и пол милион Палестинци, од кои огромното мнозинство се раселени поради војната, додека израелските власти сметаат дека градот е последното упориште на борците на Хамас.
Свет
Трамп: Погледнете ги Лондон и Париз, тие се непрепознатливи
Поранешниот американски претседател Доналд Трамп изјави за време на предизборниот митинг во Висконсин дека Лондон и Париз се „непрепознатливи“, пренесува „Politico“.
„Видовме што се случи кога Европа ги отвори вратите за џихад. Погледнете го Париз, погледнете го Лондон. Тие се непрепознатливи“, рече Трамп, кој ќе се кандидира за нов мандат во Белата куќа на претседателските избори во ноември годинава.
„Ќе влезам во многу проблеми со луѓето во Париз и луѓето во Лондон, но знаете што, тоа е факт. Тие се непрепознатливи и не можеме да дозволиме тоа да и се случи на нашата земја. Имаме неверојатна култура, традиција. Не можеме да дозволиме тоа да се случи овде и никогаш нема да дозволам да им се случи на Соединетите Американски Држави“, рече тој.
Трамп често ги критикуваше европските земји. Во декември 2015 година, набргу откако Париз беше погоден од смртоносен исламистички терористички напад, тој рече дека населбите во Париз и Лондон се толку опасни што полицијата одбила да оди таму. Во тоа време, Трамп го бранеше својот план „целосно да им забрани на муслиманите да влезат во САД“.
И покрај тоа што беше критикуван за тие забелешки, Трамп продолжи да ја брани својата позиција. „Вистинскиот Париз е различен од Градот на светлината за кој читате. Има области во Париз каде луѓето се толку радикализирани и толку злобни, што полицијата одбива да оди таму. Тие нема да одат таму. Тоа ќе се случи на нашата земја“, предупреди тој.
Во јануари 2016 година тој изјави дека животот во Брисел е како да живееш во „пекол“ поради недостаток на „асимилација“ на муслиманското население.