Свет
Болните може да избираат лек со доплата само на хартија
Пациентите сж уште не можат да избираат од која фармацевтска куќа ќе го користат лекот кој им го препишал лекарот, зашто во аптеките не функционира лекот со доплата.
Пациентите сж уште не можат да избираат од која фармацевтска куќа ќе го користат лекот кој им го препишал лекарот, зашто во аптеките не функционира лекот со доплата. Фондот за здравствено осигурување најави дека со воведување на референтните цени за лековите, системот со доплата ќе може да заживее околу 1 јули и тоа за поголемиот дел од лековите од позитивната листа. Но, и по половина месец од најавата, во практика нема ништо. Болните и натаму се принудени да се лекуваат само со препаратите кои Фондот за здравствено осигурување ги избрал како лекови со најповолна понуда на тендерот.
Во аптеките велат дека лекот со доплата не може да профункционира додека ФЗО не ги одредат референтните цени на лековите. Во Фондот не се согласуваат со ваквото образложение од аптеките и сметаат дека доколку сакаат, може да ја спроведуваат оваа новина. Системот со доплата е предвиден со законската регулатива и тој може да се применува за поголемиот дел од лековите од позитивната листа, објаснуваат во Фондот, од каде што додаваат дека референтните цени за најголемиот број лекови од примарната позитивна листа и нема потреба да се одредуваат кога тие се тендерските цени на лековите. За ваквата можност сами да почнат да ја применуваат оваа новина, во Фондот велат дека биле известени аптеките. Зошто не ја практикуваат не им е познато.
Во аптеките се категорични дека додека не добијат црно на бело од Фондот немаат намера да почнат со лекот со доплата.
Во Фондот признаваат дека сж уште работат на референтните цени на лековите. Не се одредени референтните цени на околу сто нови препарати кои со последната ревизија на позитивната листа, направена согласно со новите медицински протоколи, влегоа како понови генерации на препарати со најмногу докази за ефикасност во лекувањето, велат во Фондот. Иако Министерството за здравство уште во мај му ја даде позитивната листа на лекови на Фондот, за овие препарати сж уште се прават математики дали фондовската каса ќе може да ја издржи нивната набавка. Од Фондот велат дека анализа може да трае и една година. (Ј.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Милијарди долари од УСАИД се украдени
Американскиот претседател Доналд Трамп денеска повторно ја критикуваше американската Агенција за меѓународен развој (УСАИД) тврдејќи дека од таа агенција се украдени милијарди долари, јавува „Anadolu“.
„Изгледа дека се украдени милијарди долари од УСАИД и други агенции, а голем дел од нив одат на лажните медиуми како „исплата“ за производство на добри приказни за демократите“, напиша Трамп на Truth Social.
Неговата објава, според светските медиуми, дојде во време на дебата за медиумските организации кои добиваат владино финансирање што се интензивираше откако технолошкиот милијардер и шеф на Одделот за владина ефикасност (DOGE) Илон Маск критикуваше одредени медиуми за наводно примање плаќања од федерални институции.
Маск, кој беше назначен од Трамп да ја надгледува ефикасноста на владата, го коментираше трошењето на федералниот буџет во X, тврдејќи дека администрацијата на поранешниот претседател Џо Бајден обезбедила средства за одредени медиумски организации.
Маск посебно укажа на плаќањата преку агенции како УСАИД.
„Ова може да биде најголемиот скандал од сите нив, можеби најголемиот во историјата. Демократите не можат да се сокријат од овој. Преголем, премногу валкан“, напиша Трамп.
Свет
Унгарија објави дека размислува за повлекување од Светската здравствена организација
Кабинетот на унгарскиот премиер Виктор Орбан денеска соопшти дека земјата може да се повлече од Светската здравствена организација (СЗО).
Претседателот на Соединетите Американски Држави, Доналд Трамп нареди повлекување на САД од СЗО речиси веднаш по преземањето на функцијата на 20 јануари, а вчера и Аргентина најави повлекување од Светската здравствена организација.
Министерот задолжен за кабинетот на унгарскиот премиер, Гергељ Гуљаш денеска изјави за новинарите дека верува оти „доколку најмоќната земја во светот одлучи да ја напушти меѓународната организација, тогаш би било разумно унгарската влада да размисли“ дали треба да го преземе истиот чекор, пишува „Политико“.
„Можеби ќе дојдеме до заклучок дека не мораме да го правиме тоа, можеби ќе донесеме некоја друга одлука, се разбира, но дефинитивно вреди да се размислува за тоа“, рече Гуљаш, наведувајќи го како аргумент дека „најсилната демократија во светот ја напушта Светската здравствена организација по своја волја“.
Трамп и неговите сојузници ја обвинија Светската здравствена организација дека се меша во суверенитетот на земјите, дека е под несоодветно влијание од Кина и дека нејзиниот одговор на Ковид-19 е недоволно компетентен, сите тврдења што генералниот директор на СЗО Тедрос Аданом Гебрејесус ги отфрли во обраќањето до земјите-членки во понеделникот.
„Како агенција на ОН, СЗО е непристрасна и постои за да им служи на сите земји и на сите луѓе“, рече Тедрос.
Тој додаде дека кога земјите поставуваат барања кои ја надминуваат мисијата на Светската здравствена организација за поддршка на глобалното здравје, од СЗО велат „љубезно, не“, пренесува Танјуг.
Регион
Вонредна состојба на Санторини
На грчкиот остров Санторини е прогласена вонредна состојба поради зголемена сеизмичка активност која продолжува да го потресува популарниот остров во Егејското Море и соседните Аморгос, Анафи и Иос, а што поттикна многу жители и посетители да ја напуштат областа, пишува онлајн изданието „Катимерини“.
Вонредната состојба ќе важи до 3 март, соопштија властите за цивилна заштита.
Земјотресите продолжуваат да ја тресат областа, зголемувајќи го ризикот од сериозни одрони и паѓање на карпи.
Само во ноќта меѓу вторникот кон средата шест земјотреси со јачина од околу 4 степени се регистрирани во областа Санторини, по кои синоќа следеше посилен потрес со јачина од 5,2 степени јужно од Аморгос.