Свет
Зад микрофонот се крие проституција
																								
												
												
											Фолк пејачката Јасмина Мукаетова (24) ова лето вистински ќе ужива. Пред два месеци дипломира на Филозовскиот факултет, отсек педагогија и веќе ги пакува куферите за заслужен одмор во Грција.
ФОЛК ПЕЈАЧКАТА ЈАСМИНА МУКАЕТОВА ОТКРИВА:
Фолк пејачката Јасмина Мукаетова (24) ова лето вистински ќе ужива. Пред два месеци дипломира на Филозовскиот факултет, отсек педагогија и веќе ги пакува куферите за заслужен одмор во Грција. Таа 10 години е на естрадата и подеднакво плива и во забавната и во фолк музиката. Овие години, како што вели Мукаетова, беа доволни за да види и свати што се се случува на естрадата кај нас и на Балканот.
-Кога почнував знаев дека треба да ги исполнувам вокалните, визуелните и интелектуалните критериуми. Мислев дека тие се услов за да се биде естраден уметник! Но, денес за жал не можам да кажам дека сум горда на својата професија! Се појавија многу самонаречени естрадни уметници без талент и без образование. Немале време и интерес да се едуцираат па на каков било начин ја деградираат категоријата фолк пејачки и се ставаат во ист кош со зајачиците од "Плејбој"! Не сум за тоа да се настапува закопчан до грло, но мора да се има мера. Нормално е дека треба да има сексипил на сцената, ама повеќето од фолкерките на Балканот не ја распознаваат разликата помегу тоа што е вулгарно, а што секси. Чиста порнографија во спотовите што некои “пејачки” ја користат за да го анимираат, пред се машкиот дел од публиката. Некои од нив микрофонот и епитетот – фолк пејачка – го користат како маска зад која се крие проституцијата. Многу спонзоруши на тој начин се обидуваат да се вовлечат во високите кругови на нашето општество и да си најдат златни кокошки, вели Јасмина.
Јасмина е разочарана од тоа што на Балканот се уште не се ценат вистинските вредности, и предност и се дава на голотијата.
"Не ме чуди тоа што преку ноќ никнуваат нови естрадни фаци, кои единствено можат да отвораат уста на плејбек. Затоа на нас вистинските музичари единствено ни преостанува да се надеваме дека времињата ќе се сменат и секој ќе си го најде своето стадо. Дека микрофонот ке остане само на естрадните уметици. Останатите можеби ќе го добијат тоа што го заслужуваат – легализација на јавните куќи каде што, всушност, и припаѓаат", додава Јамина
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Регион
ЕУ: Црна Гора, Албанија, Украина и Молдавија постигнаа значителен напредок кон членство во ЕУ
														Црна Гора, Албанија, Украина и Молдавија постигнаа значителен напредок на својот пат кон ЕУ во изминатата година, додека другите земји-кандидатки ќе мора да инвестираат повеќе, изјави денес комесарката за проширување Марта Кос.
„Значителниот напредок постигнат досега од Црна Гора, Албанија, Молдавија и Украина на нивниот пат кон ЕУ покажува дека реформите се исплатуваат. Ова треба да послужи како силна мотивација за сите земји вклучени во процесот“, рече Кос, презентирајќи го извештајот за напредокот на земјите-кандидатки и потенцијални кандидатки пред Комитетот за надворешни работи на Европскиот парламент.
Кос нагласи дека проширувањето на Европската Унија би можело да стане реална можност со оглед на забрзаното темпо на конвергенција на некои земји. За да се случи проширувањето, земјите-кандидатки треба да се подготват да ги преземат одговорностите за членство, додека Европската Унија треба да се подготви за проширување, додаде Кос.
Кос нагласува дека следната година ќе биде „момент на вистината“ за сите земји-кандидатки, особено за оние со амбициозни планови за завршување на преговорите.
Фото: принтскрин
Свет
Гренланд го менува својот облик и се движи кон северозапад
														Додека климата бргу се менува, Гренланд, најголемиот остров во светот, буквално го менува својот облик. Неговата почва се извиткува, се движи и се крева како да дише со планетата.
Новите податоци од научниците покажуваат дека мразот што се насобрал и неговото постојано топење влијае не само на нивото на морето туку и на темелите на островот.
Во свет на кој сè повеќе му снемува мраз овие деформации би можеле да имаат длабоко влијание врз иднината на регионот, пишува „Сајан алерт“.
Според истражувањето спроведено од меѓународен тим научници предводен од Техничкиот универзитет во Данска (DTU), Гренланд физички се менува на начин што би можел да има последици за иднината на навигацијата во околните води. Во текот на 20 години научниците следеле 58 специфични точки на територијата на островот анализирајќи ги сателитските ГПС-мерења, кои откриле дека копнената маса на островот се движи кон северозапад со просечна брзина од два сантиметра годишно. Сепак, движењето не е униформно: на некои места Гренланд се шири, а на други се намалува.
„Севкупно, ова значи дека Гренланд станува малку помал, што би можело да се промени во иднина“, објаснува геофизичарот Данжал Лонгфорс Берг од ДТУ.
Фото: принтскрин
Свет
Систем на пробен период за земјите што во иднина ќе станат членки на ЕУ; ЕК во страв од тројански коњ на Русија во рамките на Унијата
														Европската комисија разгледува воведување систем на пробен период за земјите што во иднина ќе станат членки на Европската Унија, изјави комесарката за проширување на ЕУ, Марта Кос, во интервју за „Фајненшл тајмс“.
Според неа, овој механизам би се однесувал и на Украина и на Молдавија, како и на сите други земји што сè уште не се приклучиле на Унијата. Во текот на неколку години по пристапувањето во членството, на новите држави би можеле да им бидат ограничени правата, па дури и суспендирано членството, доколку не ги исполнат стандардите и обврските пропишани од Унијата.
„Новиот систем би овозможил континуирано следење на усогласеноста со европските стандарди за владеење на правото и функционирањето на институциите“, рече Кос нагласувајќи дека целта не е да се создадат двојни членки на ЕУ, туку да се заштитат кредибилитетот и стабилноста на европскиот проект.
Таа додаде дека во Брисел постои страв дека некои нови членки, доколку не поминат низ темелен процес на верификација по влезот, би можеле да станат тројански коњ на Русија во рамките на Унијата. Поради оваа причина, Европската комисија подготвува сет нови правила што би овозможиле привремено ограничување на правото на глас или финансиски средства во случај на сериозни отстапувања од европските вредности и политики.
Предлогот е дел од поширока реформа на процесот на проширување на ЕУ, која има цел да ја балансира геополитичката потреба за прием на нови земји со барањето за зачувување на функционалноста и единството на самата Унија, пренесуваат медиумите.
Фото: принтскрин

