Свет
Државни службеници и бизнисмен го оштетиле Буџетот со над милион евра
Државната комисија за спречување на корупцијата ќе поднесе иницијатива за казнено гонење на лица во Јавното правобранителство и во Министерството за транспорт и врски поради исплатената отштета од над милион евра на приватната фирма "Упа ентерпрајз Љупчо ДООЕЛ"
АНТИКОРУПЦИСКАТА КОМИСИЈА ПОСОЧУВА НА КРИМИНАЛ ВО ИСПЛАТЕНАТА ОТШТЕТА НА ФИРМАТА "УПА ЕНТЕРПРАЈЗ"
Државната комисија за спречување на корупцијата ќе поднесе иницијатива за казнено гонење на лица во Јавното правобранителство и во Министерството за транспорт и врски поради исплатената отштета од над милион евра на приватната фирма "Упа ентерпрајз Љупчо ДООЕЛ", за рушењето на дел од неговите објекти на улицата Пиринска број 43 и 45 во Скопје. Комисијата тврди дека има основано сомневање дека со ваква одлука е оштетен Буџетот на државата. Кривична одговорноет ќе се бара и од сите вмешани лица од фирмата "Упа ентерпрајз Љупчо ДООЕЛ", сопственост на бизнисменот Љупчо Палевски, како и од адвокатот – полномошник на фирмата во предметот. Предметот ќе се достави и до Врховниот суд и до РСС за да се испита одговорноста на судиите во предметот.
"Предизвикана е штета од големи размери на државниот буџет од 70.676.000,00 денари. Има основано сомнение во основата за досудување, висината и исплатата на надомест на штета на Упа ентерпрајз Љупчо ДООЕЛ, бидејки со пресудата на Врховниот суд од 14. 02. 2002 година се потврдува решението за укинување на одобрението за градење на овие објекти. Јавниот правобранител не вложил жалба против пресудата на Основниот суд Скопје 1, со што државата неосновано била задолжена да плати штета од 51.571.524,00 денари со камата. Во постапката јавниот правобранител не вложил никакво редовно или вонредно правно средство. Неговиот заменик на главната расправа не покажал никаква активност и не предложил никакво дејство за утврдување на фактичката состојба и за оспорување на тужбеното барање. Со тоа заменикот ја злоупотребил службената положба и не ја извршил службената должност. Во постапката не било направено ништо друго освен едно недоволно критички оценето вештачење, не е изведен и утврден ниту еден друг доказ"", се вели во соопштението на Комисијата.
Исплатата на досудената штета во вкупен износ од 70.676.000,00 која се состои од 51.571.524,00 денари штета и 19.104.476,00 денари камата или 1.149.203 евра, е извршена на сметката на адвокатот Славко Секулов, а не на фирмата Упа ентерпрајз Љупчо ДООЕЛ, информираше вчера Антикорупциската. (Е.З.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.