Свет
Не сум човек на Бучковски
Јавното правобранителство ги презеде сите законски мерки што се во негова надлежност во случаите „Бачило“ и „УПА Ентерпрајз“ и непотребно се крена прав во јавноста, а одговорност се бара на погрешно место, вели Миодраг Стевановиќ, поранешен заменик-правобранител.
ПОРАНЕШНИОТ ЗАМЕНИК-ПРАВОБРАНИТЕЛ СТЕВАНОВИЌ ТВРДИ
Стојанка Митреска
Јавното правобранителство ги презеде сите законски мерки што се во негова надлежност во случаите „Бачило“ и „УПА Ентерпрајз“ и непотребно се крена прав во јавноста, а одговорност се бара на погрешно место, вели Миодраг Стевановиќ, поранешен заменик-правобранител.
Тој, како што во минатата недела тврдеше Државната комисија за спречување на корупцијата, незаконски го испразнил буџетот за околу два милиони евра, поради тоа што не поднел жалба во двата случаи.
Стевановиќ тврди дека ниту бегал ниту има причина за такво нешто затоа што „чесно и професионално ги затворил двата случаи“.
– Во Скопје сум со моето семејство. Не знам кој и зошто ги измислува сите приказни во медиумите, па и тоа дека сум побегнал во Србија. Имам 18-годишно искуство и досега немало никакви замерки за моето работење. Не можам да разберам зошто се прави сето тоа кога и во случајот „Бачило“ и во случајот со Љупчо Палевски Јавното правобранителство ги презеде сите мерки пропишани со Законот за јавно правобранителство – одговара Стевановиќ.
Државната комисија за спречување на корупцијата, анализирајќи ги двата предмети што ги водел Стевановиќ, заклучи дека јавната правобранителка Зоја Лега – Станоевска и Стевановиќ со прст не мрднале за да го заштитат државниот имот. Претседателот на комисијата Михајло Маневски вели дека Јавното обвинителство треба казнено да гони функционери од правобранителството и од Министерството за транспорт и врски. Според него, Врховниот суд треба да го преиспита случајот со Палевски.
Стевановиќ е револтиран:
– Не можам да сфатам како може Маневски да го споменува моето име во тој контекст кога нема правосилна судска пресуда дека сум виновен. Немам забелешки на работата на комисијата, но треба да се внимава кога се во прашање вакви сериозни случаи. Почесен и попрофесионален човек од Станоевска досега немало во правобранителството. Ве уверувам дека ако Палевски не бил во право, државата немаше да му ја исплати отштетата. Правобранителката тоа немаше да го дозволи – вели Стевановиќ, нагласувајќи дека не било во негова надлежност да врши проверка на документацијата што му била доставена и во двата случаи.
МВР и Основниот суд требало да ја утврдат фактичката состојба.
– Јас одлучувам врз основа на документацијата што ми беше приложена. Ако вештакот утврдил дека бачилото било бомбардирано или дека на Палевски му била урната градбата, ако во тој случај државата направила штета, тогаш јасно е дека мора да плати – смета Стевановиќ.
Тој вчера ги демантираше и обвинувањата дека е близок пријател со Бучковски.
– Да му бев пријател на Бучковски, ќе ме назначеше на функцијата штом стана премиер. За заменик-правобранител бев назначен дури по една и пол година, а бев разрешен без образложение – тврди Стевановиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Папата Лав XIV на првата миса: Технологијата, моќта и задоволството се некаде поважни од верата
За време на првата миса, папата Лав XIV изрази жалење поради фактот што во многу делови од светот технологијата, парите, успехот, моќта и задоволството се повредни од христијанската вера, која, како што предупреди, на многу места се смета за апсурдна, наменета за слабите и за неинтелигентните.
Новиот папа истакна дека верниците често се изложени на потсмев, предизвици, презир – или во најдобар случај – само се толерирани и сожалувани.
Тој додаде дека Исус сè повеќе се сведува на некаков харизматичен лидер или суперхерој и предупреди дека тоа не се случува само меѓу неверниците, туку и меѓу крстените, кои, според него, го живеат својот живот во состојба на практичен атеизам.
Папата ја почна мисата со обраќање на англиски јазик велејќи како Господ направил чудесни дела.
„Додека денес славиме заедно, ве повикувам да ги прославиме чудата што Господ ги направи и благословите што тој продолжува да ги излева врз нас“, рече тој.
Папата истакна дека бил повикан да ја прифати оваа мисија од службата на свети Петар.
„Знам дека можам да сметам на секој од вас да оди со мене“, заклучи папата Лав XIV.
„Затоа што ние сме народот што Бог го избра како свој за да ги објави чудесните дела на оној што нè повика од темнината во својата прекрасна светлина“, додаде тој.
Свет
Русите и Украинците меѓусебно се обвинуваат за прекршување на примирјето на Путин
Русија и Украина денеска меѓусебно се обвинија дека го прекршиле тридневниот прекин на огнот еднострано прогласен од рускиот претседател Владимир Путин. Според податоците на украинскиот Генералштаб, во изминатите 24 часа на бојното поле имало речиси 200 судири.
Околу клучниот рударски град Покровское во источниот регион Донецк, Украина одби 71 руски напад, според извештајот за ситуацијата. Градовите во близина на борбената линија исто така беа гранатирани, рече тој.
Руските власти известија за напад со украинско беспилотно летало врз регионалната администрација во Белгород. Гувернерот Вјачеслав Гладков објави видео на „Телеграм“, на кое очигледно се гледаат последиците од нападот.
На снимката некои метални делови – веројатно остатоци од дрон – можеа да се видат на теренот, иако не беа видливи поголеми оштетувања на зградите. Нема загинати и повредени, изјави Гладков.
Информациите од линијата на фронтот не можеа да бидат независно проверени.
Прекинот на огнот, кој Путин рече дека го прогласил од хуманитарни причини, треба да заврши в сабота навечер. Тоа доаѓа во време кога Русија со голема парада на Црвениот плоштад во Москва ја одбележува 80-годишнината од победата над нацистите во Втората светска војна. Украина тврдеше дека примирјето е само привидно и повика да се продолжи за 30 дена.
Свет
(Фото/видео) Заврши Парадата на победата во Москва: првпат претставено ново оружје
Парадата по повод Денот на победата во Москва заврши. Траеше нешто помалку од два часа, а дроновите „Лансет“ и „Геран-2“ беа прикажани првпат. Според „Скај њуз“, на парадата присуствувале 11.500 припадници на руските вооружени сили.
Денес, во Москва се одржа голема Парада на победата по повод 80-годишнината од победата над фашизмот во Втората светска војна. На овој голем настан присуствуваа многубројни светски функционери.
На парадата присуствуваа повеќе од 11.500 војници од руското Министерство за одбрана и други безбедносни структури – ФСБ, Рускиот воен округ и Руската гарда, како и возила од други земји учеснички во војната.
За време на парадата гледачите имаа можност да видат повеќе од 130 единици воена опрема, ракетни системи „Искандер“, системи за воздушна одбрана, како и најнова технологија.
Прво, пешадиски парадни возила, како и кадети од воените училишта, поминаа покрај трибините, каде што седеа рускиот претседател Владимир Путин и 29 светски лидери.
На парадата учествуваа и Козаци, претставени од парадната единица на Кубанскиот козачки полк, воени извидници, деминери, пилоти, морнари, кадети од воени училишта и академии од цела Русија, полкот на Руските воздухопловни сили, како и академии за воено инженерство и други воени академии.
На парадата учествуваа и жени војници, од кои повеќето се наследнички на познати офицерски семејства.
Измами со превозот на ученици – пријава против ексдиректорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука,...
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и...
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот акведукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот што вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј-Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
Коцевски тврди дека истрагата за Кочани не е селективна, а можно е да биде проширена
Jавниот обвинител Љупчо Коцевски тврди дека нема никаква селективност во истрагата што се води за трагедијата во дискотеката „Пулс“ во...
Дурмиши ги предупреди трговците: Ако има енормно зголемување на цените, ќе има поригорозни мерки
Нови поригорозни мерки ќе бидат воведени доколку Државниот пазарен инспекторат утврди енормно зголемување на цените на производите по укинувањето на...
