Свет
Инспекција денеска на Говрлево
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-6992.jpeg)
Управата за заштита на културното наследство ја побарала од Скопската митрополија севкупната документација за земјиштето во Говрлево, кое заедно со пет црковни објекти и е продадено на цементарницата „Усје“.
ЌЕ СЕ ПОВЛЕЧЕ ЛИ КУПОПРОДАЖНИОТ
Управата за заштита на културното наследство ја побарала од Скопската митрополија севкупната документација за земјиштето во Говрлево, кое заедно со пет црковни објекти и е продадено на цементарницата „Усје“.
Инспекција на Управата денеска ќе замине во Говрлево, откако ќе ги консултира сите институции што имаат сознанија за овие објекти, за кои со новата територијална поделба не се знае под чии ингеренции потпаѓаат – на Градскиот завод за заштита на културното наследство или на Националниот конзерваторски центар.
– Тоа е неопходно бидејќи сега не знаеме точно ни за која територија станува збор – вели Јулија Тричковска од Управата за заштита.
Јавната расправа за продажбата на ридот над Говрлево на цементарницата „Усје“ деновиве добива на силина.
– Од аспект на заштита на културното наследство – состојбата е чиста. Објектите што се продадени со земјиштето не биле ставени под заштита на законот. Но, бидејќи се наоѓаат во близината на познато неолитско наоѓалиште и бидејќи земјиштето е нападнато за експлоатација од „Усје“, управата може да преземе иницијатива за прогласување на теренот за привремено наследство, со што во период од една година ќе се добие време за негово истражување. Во тој период на тој простор не ќе биде дозволено да се врши каква и да е деградација. Со оглед на резултатите од истражувањето, ќе се утврдат состојбата и натамошниот статус на теренот – вели Тричковска.
МПЦ досега веќе побарала истражување од Националниот конзерваторски центар за состојбата на објектите, кои подолг период биле изложени на последиците од минирањето на теренот што тука го врши „Усје“.
Поради нерегулираниот статус на продадените објекти како културно наследство, јавната расправа што ја поведе деновиве Говрлево, велат стручњаците, е повеќе морална категорија – треба ли црквата да го распродава својот имот или не. Особено затоа што процесот на денационализација тече, со што повеќе сакрални објекти за кои со децении се грижеше државата се вратија во сопственост на МПЦ.
– Продажбата на земјиштето со овие пет цркви е како продажба на органи, како да си продал дел од телото – вели археологот, проф. Виктор Лилчиќ.
Викендов во расправата се вклучи и МАНУ, чиј претседател Цветан Гроздановски побара утврдување на состојбата на теренот и дури и поништување на купопродажниот договор склучен меѓу МПЦ и цементарницата.
Ј. Ф. Св. Р.
Владиката Петар неинформиран
Владиката Петар не е доволно информиран за случајот „Говрлево“ и за продажбата на црковно земјиште и на манастири.
– Не би можел ништо поконкретно да кажам. Мислам дека ќе имаме синодска седница и, ако дотогаш бидат обезбедени аргументи или докази за целиот тој случај, ќе можам да дадам изјава. Уставот не дозволува да се продаваат црковните имоти ако е тоа беспредметно. Ако ситуацијата е таква да не може да се одржи тој имот, тогаш е нормално тој да се продаде – рече владиката Петар во изјавата дадена при отворањето на изложбата на графички листови деновиве во Прилеп.
Св. Р.
МАНУ нуди експертска помош
МАНУ предложи испраќање комисија во Говрлево.
– Бидејќи надлежноста е на Министерството за култура, тоа треба да испрати комисија на високи експерти од МАНУ на терен во Говрлево и да објави еден апел за вредноста на тие објекти. Ако се покаже потребно, апсолутно треба да се запре купопродажбата заради виши национални интереси, и историски и научни – рече академикот Цветан Грозданов, претседател на МАНУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.