Свет
Владиците ќе бараат одговорност од г.г.Стефан
Тие ќе бараат одговорност од сите замешани во случајот ако се потврди дека е прекршен Уставот на МПЦ
СЛУЧАЈ „ГОВРЛЕВО“
Тие ќе бараат одговорност од сите замешани во случајот ако се потврди дека е прекршен Уставот на МПЦ
Владиците од Синодот на Македонската православна црква ќе бараат од охридскиот и македонски архиепископ г.г. Стефан, чија надлежност е Скопската епархија, да им го објасни случајот со продажбата на црковниот имот во скопско Говрлево. Тие ќе бараат одговорност од сите замешани во случајот ако се потврди дека е прекршен Уставот на МПЦ, односно ако се обелоденат сомнежите дека се продадени цркви, манастири и други сакрални објекти без расправа во Синодот и без одобрение од архијерејскиот црковно-народен собор.
Ова го најавија владиците Агатангел и Петар во одделни изјави за јавноста, во кои побараа да се испита случајот и да се лоцира одговорноста за да се симне вината од целата македонска црква ако се докаже дека имало неканонски постапки на одредени црковни лица.
– Секој треба да сноси одговорност за грешките и за престапите што ги направил. Во јавноста се прави забуна кога се вели дека МПЦ отуѓила црковен имот. Имотот не го продала МПЦ, туку некој службеник или одговорен во Скопската епархија.
Да се обвинува МПЦ за случајот „Говрлево“ е како да се обвинува Собранието на Македонија за некоја одлука на Општината Битола. Денеска добив писмо со кое архиепископот не’ известува за својата посета на Романија. Ќе почекаме да се врати и очекуваме бргу потоа да заседава Синодот. Не знам дали на таа седница овој случај ќе биде точка на дневен ред, но и ако не е, јас ќе побарам да се стави, затоа што станува збор за случај што ги разбранува верниците и затоа мора да се расчисти – изјави вчера преспанско-пелагонискиот митрополит и австралиско-новозеландски администратор г. Петар.
Како што веќе беше објавено, Скопската епархија и грчките газди на цементарницата „Усје“ склучиле преддоговор за продажба на имот од 17.366 квадратни метри со манастирскиот комплекс со повеќе манастири, конаци и цркви за 200.000 евра.
Митрополитот Петар рече дека за случајот има реакции и во дијаспората. Македонците од прекуокеанските земји добиле погрешен впечаток дека некој во Македонија распродава црковен имот, а тоа ја поткопува битката на МПЦ за да ги задржи црквите и манастирите во овие земји.
– Сите црковни спорови што ги почнавме во Австралија и во Нов Зеланд беа за да ги задржиме црквите во наше владение и да спречиме тие да бидат продадени. Првата македонска црква во Австралија „Св. Ѓорѓи“, во центарот на Мелбурн, локалната црковна општина ја продаде за 710.000 австралиски долари. Сега таму има апартмани и така го изгубивме можеби најважниот историски објект за нашата црква во Австралија. Сакрален објект може да се продаде, но само во специјален случај – ако од некое место се иселени сите верници, па по нивно барање црквата да се продаде, а да се изгради нова таму каде што отселиле луѓето. Но, Говрлево не е таков случај – објасни г. Петар.
Поглаварот г.г. Стефан ја објасни зделката како обид да се спасат оштетените објекти од разурнување поради минирање на ридот за потребите на „Усје“ и да се обезбеди нивно преместување на побезбедно место.
„Тоа што сакавме да го направиме е следново: да ги тргнеме срамот и стравот од самиот манастир и на сета негова околина. Побаравме да се дислоцираат веќе распуканите и неупотребливи за богослужба и за молитва објекти. Конакот е во многу незавидна состојба, самата црква е многу оштетена. Прифативме да се дислоцираат тие објекти во најблиска близина на селото Говрлево, каде што новиот манастир ‘Свети Трифун’ би бил пак во функција на жителите на Говрлево“, изјави г.г. Стефан пред да замине за Романија.
Слично беше објаснувањето на прота Коста Станоевски, секретар на Скопската епархија и директен учесник во продажбата, кој изјави дека медиумите ја извртеле целата работа, бидејќи црквата не го продала земјиштето, туку само учествувала „во дислокација на манастирот и црквите“. Под дислокација тој подразбира дека цементарницата ќе изгради нов манастир во селото Соње, како замена за стариот манастир „Свети Трифун“, стар шест века. Станоевски купопродажниот преддоговор не го разбира како отуѓување на земјиштето и објектите за навек. Вели дека во иднина влезот во манастирот за обичните граѓани нема да биде забранет.
– Не се работи за продажба, туку за замена. Медиумите и црквата не ги гледаат работите со исти очи – изјави тој.
Сепак, црковни извори тврдат дека дури и да бил оправдан договорот на Епархијата со „Усје“, тоа не ги ослободува одговорните од вината што го прекршиле Уставот и што не ја почитувале канонската процедура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД.
Изјавата на Јенс-Фредерик Нилсен, дадена на заедничка прес-конференција со данската премиерка, е најсилната порака од полуавтономната данска територија откако американскиот претседател Доналд Трамп го обнови својот план за нејзина анексија, објави Би-би-си.
Трамп тврди дека САД треба да го „поседуваат“ Гренланд за да се одбранат од Русија и Кина.
Белата куќа предложи купување на островот, но не ја исклучи можноста за употреба на сила за негово анексија. Данска е членка на НАТО, а премиерката Мете Фредериксен предупреди дека воената акција би значела крај на трансатлантската одбранбена алијанса.
Локацијата на Гренланд помеѓу Северна Америка и Арктикот го прави идеален за системи за рано предупредување од ракети и за следење на бродови во регионот, и покрај тоа што е најретко населено подрачје во светот. Трамп постојано повторува дека Гренланд е клучен за националната безбедност на САД, тврдејќи без докази дека е „покриен со руски и кинески бродови насекаде“.
САД веќе имаат повеќе од 100 војници трајно стационирани во базата Питуфик во северозападен Гренланд, објект што го управуваат од Втората светска војна. Според постојните договори со Данска, САД имаат овластување да донесат колку војници сакаат во Гренланд. Но, Трамп им рече на новинарите во Вашингтон минатата недела дека договорот за закуп не е доволен – САД „мора да имаат сопственост“ и „НАТО мора да го разбере тоа“.
На прес-конференција во Копенхаген, Фредериксен го осуди „целосно неприфатливиот притисок од нашиот најблизок сојузник“ и предупреди дека „многу индикации се дека најпредизвикувачкиот дел е пред нас“. Премиерот на Гренланд рече дека се соочуваат со „геополитичка криза“, но дека позицијата на островот е јасна.
„Ако треба да избираме помеѓу САД и Данска тука и сега, ние ја избираме Данска“, рече тој.
„Едно нешто мора да им биде јасно на сите. Гренланд не сака да биде во сопственост на САД. Гренланд не сака да биде управуван од САД. Гренланд не сака да биде дел од САД.“, додаде тој.
Европа
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени на „несоодветно допирање, навреди и понижување во атмосфера на контрола и постојано вознемирување“. Обвинувањата беа објавени по тригодишна истрага, објавува „Гардијан“.
Жените, куќна помошничка и физиотерапевт вработени во вилите на Иглесијас во Доминиканската Република и на Бахамите, тврдат дека наводните напади се случиле во 2021 година.
Тригодишна истрага
Обвинувањата произлегуваат од заедничка истрага на шпанскиот портал elDiario.es и телевизиската мрежа Univision Noticias, кои собраа сведоштва од 15 поранешни вработени кои работеле за 82-годишниот пејач помеѓу крајот на 1990-тите и 2023 година.
„Интервјуата ги опишуваат условите за изолација на жените, работните спорови, хиерархиската структура на персоналот и напнатата атмосфера создадена од избувливата природа на Иглесијас“, се вели во својот извештај на elDiario.es.
„Двете жени кои го пријавија сексуалниот напад беа интервјуирани повеќе пати во период од повеќе од една година и нивните искази останаа конзистентни. Нивните искази беа поткрепени со обемни документарни докази, како што се фотографии, дневници на повици, пораки на WhatsApp, визи, медицински извештаи и други документи.“
Детали за сведочењето
Една од жените, идентификувана под псевдонимот Ребека за да се заштити нејзиниот идентитет, изјави дека Иглесијас, тогаш 77-годишен, често ја канел во својата соба на крајот од работниот ден. Таа тврдеше дека потоа сексуално ја злоупотребил без нејзина согласност. „Ме користеше речиси секоја вечер“, изјави таа за elDiario.es и Univision Noticias. „Се чувствував како предмет, како роб“.
Според Ребека, нападите обично се случувале во присуство и со учество на друг вработен кај Иглесијас, кој бил нејзин претпоставен.
Друга жена, позната под псевдонимот Лаура, изјави дека Иглесијас ја бакнувал и ги допирал нејзините гради без нејзина дозвола. „Бевме на плажа и тој дојде до мене и ме допре“, рече таа, додавајќи дека сличен инцидент се случил покрај базенот во вилата на пејачот во Пунта Кана.
Двете жени рекоа дека работниците биле подложени на напната и контролирачка атмосфера и зборуваа за тоа како Иглесијас „ја нормализирал злоупотребата“. Ребека рече: „Таа куќа треба да се нарече куќа на ужаси затоа што е кошмар – нешто навистина ужасно“.
Поднесена жалба и реакции
ElDiario.es објави дека две жени поднеле формална жалба до обвинителите во највисокиот кривичен суд во Шпанија, обвинувајќи го Иглесијас за трговија со луѓе и сексуален напад.
Новинарите што го истражуваат случајот постојано се обидуваат да го контактираат Иглесијас и неговиот адвокат, но не добиле одговор. Сепак, жената што Ребека ја идентификуваше како нејзин претпоставен во вилата во Пунта Кана ги отфрли обвинувањата како бесмислени.
Таа рече дека чувствува само „благодарност, восхит и почит кон големиот уметник и човечко суштество каков што е тој“, опишувајќи го како „скромен, дарежлив, вистински господин и голем почитувач на сите жени“.
Шпанската министерка за труд Јоланда Дијаз го нарече сведочењето на жените „ужасно“, велејќи дека тие опишале „сексуален напад и ситуација на ропство“.
Од друга страна, Изабел Дијаз Ајусо, претседателка на мадридскиот регион, застана во одбрана на Иглесијас. Таа рече дека нејзината администрација нема да ги послуша повиците да му се одземат почестите на пејачот. „Мадридскиот регион никогаш нема да придонесе за дискредитирање на уметник, а уште помалку кога станува збор за најуниверзалниот од сите пејачи: Хулио Иглесијас“, напиша таа на социјалната мрежа Икс.
Регион
(Видео) Вучиќ се појави во изборниот рекламен спот на Орбан заедно со лидерите на европската десница
Српскиот претседател Александар Вучиќ се приклучи на изборната кампања на унгарскиот премиер Виктор Орбан преку учество во промотивен спот.
Во видеото, покрај Вучиќ се појавуваат уште десет политичари, меѓу кои и премиерите на неколку земји и крајно десничарските лидери од Германија и Франција, објавува порталот Нова.рс.
Thank you for your support! @MorawieckiM, @RobSchneider, @GiorgiaMeloni, @predsednikrs, @MLP_officiel, @matteosalvinimi, @AndrejBabis, @JMilei, @Alice_Weidel, @Santi_ABASCAL, @netanyahu, @herbert_kickl pic.twitter.com/7JI021IgRq
— Orbán Viktor (@PM_ViktorOrban) January 11, 2026
Во видеото за изборите, кои беа распишани денеска за 12 април, Орбан е поддржан од премиерите на Италија, Чешка и Израел – Џорџа Мелони, Андреј Бабиш и Бенјамин Нетанјаху. Меѓу политичарите се и крајно десничарските опозициски лидери: копретседателката на Алтернатива за Германија (AfD) Алис Вајдел, лидерката на Националниот собир во францускиот парламент Марин Ле Пен, претседателот на шпанската партија Вокс, Сантијаго Абаскал Конде, и претседателот на Партијата на слободата на Австрија, Херберт Кикл.
Вучиќ во видеото вели: „Се надевам дека следните избори ќе значат многу за сите нас, што значи дека ќе бидеме сведоци на уште една победа за Фидес“.
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...
(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста
Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...
Зеленски се обиде да го назначи поранешниот премиер за министер за енергетика, парламентот го одби
Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...
Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите
Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...
Каја Калас: Историјата е полна со примери за паѓање на режими, но прашањето е што следува потоа
Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...
Времето утре – сончево со мала до умерена облачност, максималната температура до 10 степени
Времето утре ќе биде сончево со мала до умерена облачност. Ќе дува слаб до умерен ветер од западен и северозападен...
Јордан Апостолски, Наташа Бошкова и Сашо Георгиевски кандидати за судии во Европскиот суд за човекови права
Владата на денешната 141 седница беше информирана за текот на постапката за номинирање кандидати за позицијата судија во Европскиот суд...
Утрешното судење за пожарот во „Пулс“ е одложено за 26 јануари
Судењето за пожарот во „Пулс“ што требаше да се одржи утре е одложено за 26 јануари, соопшти Кривичниот суд. Расправата...
Бугарски државјанин протеран од земјава, кај него се пронајдени боксирач и транспарент со навредлива содржина
Полицијата уапси бугарски државјанин на Граничен премин Деве Баир, кај него се пронајдени боксирач и транспарент со навредлива содржина. Според...
МНР апелира македонските државјани да го напуштат Иран во прва можна прилика
Министерството за надворешни работи апелира сите македонски државјани што се наоѓаат во Иран да ја напуштат земјата поради влошената состојба....
Обвинителството бара притвор за лицето што ја искрши влезната врата на бугарската Амбасада
Основното јавно обвинителство Скопје поведе постапка против 55-годишник осомничен за кривично дело – Оштетување туѓи предмети од член 243 став...
Техничката влада мора да остане, велат од СДСМ
Техничката влада мора да остане. Таа е единствена шанса, единствен обид за некакви минимални услови за фер избори, велат од...
Со паричка во погача, голем број семејства вечерва ќе ја дочекаат Старата Нова година
Според Јулијанскиот календар, по кој се водат православните христијани, вечер се дочекува православната нова година, кај народот позната уште како...
Во Кавадарци се води истрага за два случаи на сексуално насилство врз деца
Кавадаречкото Обвинителство споведува истрага за два одвоени случаи во кои има сомненија за силување на дете кое не наполнило 15...
Словачките лидери едногласни: Крај на воената помош за Украина
Највисоките словачки функционери – претседателот Петер Пелегрини, премиерот Роберт Фицо и претседателот на парламентот Рихард Раши – потврдија единство околу...
Претседателката на Молдавија: На референдум би гласала за обединување со Романија
Претседателката на Молдавија, Маја Санду, изјави дека би гласала за обединување со Романија доколку тоа прашање некогаш се најде на...
Германија предупредува: Плановите на Трамп за Гренланд може да го загрозат НАТО
Германскиот министер за надворешни работи Јохан Вадефул изјави дека сојузниците во НАТО мора да соработуваат кога станува збор за безбедноста...
Конгресмен предлага закон за анексија на Гренланд
Републиканскиот конгресмен Ренди Фајн предложи закон до американскиот Конгрес со кој на САД би им се овозможила анексија на Гренланд...
18-годишникот кој усмрти жена во Капиштец избега од државата, МВР распиша потерница
Министерството за внатрешни работи распиша меѓународна потерница по 18-годишникот кој прегази жена во Скопје и избега од местото на настанот....
