Свет
Блокирана сметката на општината Куманово
Поради експропријација на земјиште во населбата Зелен Рид во Куманово, кое требало да биде наменето за изградба на училиште, веќе цела недела е блокирана сметка на кумановската општина. Се работи за 15 милиони денари, од кои 11 милиони веќе се прелеани.
ЕКСПРОПРИЈАЦИЈА СТАРА 24 ГОДИНИ
Поради експропријација на земјиште во населбата Зелен Рид во Куманово, кое требало да биде наменето за изградба на училиште, веќе цела недела е блокирана сметка на кумановската општина. Се работи за 15 милиони денари, од кои 11 милиони веќе се прелеани.
Локалната самоуправа тврди дека и покрај блокадата, општината нормално функционира, меѓутоа можно е да се закочат поголемите инвестиции. Сметката е блокирана од 31 јули.
– Освен парите што ги добиваме по основа на ДДВ, други средства не можеме да користиме до целосното исполнување на судското решение, по што ќе се деблокира сметката – вели Виктор Божиновски, секретар на општината Куманово.
Се работи за експропријација на земјиште од 1982 година, а според Божиновски, поради неажурноста на судството, ваквото решение дури сега станало извршно. Постапката, вели тој, траела цели 24 години, решението дури сега станало извршно и било доставено до Народната банка. Со експропријацијата, имотот во тоа време требало да стане училиште.
– Нема никаква логика во судското решение. Чудно е по која основа општината можела да е задолжена со таква работа, бидејќи државата ја барала експропријацијата, особено министерството за образование, а била предвидена изградба на училиште. Тоа не се изгради, земјиштето е се уште празно и во сопственост на РМ – вели Божиновски.
Блокадата може да доведе и до застој на проекти што се изработуваат од страна на локалната самоуправа.
– Тука е пред се изградбата на речното корито и на булеварот 3 МУБ, кој е во изградба и се прави со пари од локалната самоуправа. Ќе има само мало одложување, поради големата сума, која е предмет на извршувањето – вели Божиновски.
И покрај блокираната сметка, сите вработени во општината зеле плата, а локалните власти сметаат дека тие како најголема општина ќе ги надминеле ваквите проблеми.
М. М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.