Свет
Ќе се „чешлаат“ старите концесии кај Рашче и се забрануваат нови

Инспекторите од Министерството за економија денеска на терен, додека пак од екологија – молчат
Инспекторите од Министерството за економија денеска на терен, додека пак од екологија – молчат
Државата нема да дава нови концесии за ископувања во заштитените зони кај изворите во Рашче. Воедно, државата ќе ги преиспита и сите досега издадени концесии за експлоатација на минерални суровини, но и за води, издадени на локации што се во некоја од трите заштитените зони околу изворите. Ова е одлука на вчерашната седница на Владата, по неодамнешните реакции од ресорот за екологија за можно загадување на изворите.
Владата воедно го задолжи Министерството за економија да го раскине договорот за концесија со „Шаза транс“ од тетовското село Слатино. Владата ќе формира работна група во која ќе влезат претставници од министерствата за економија, за животна средина и просторно планирање, за земјоделство, шумарство и водостопанство, за култура и од Министерството за транспорт и врски, која ќе треба да ги преиспита доделените концесии на приватната фирма „РОТИКО Далибор и други“ од Скопје, која доби право за користење на водата, и на „Не на“ ЈТД од тетовското село Јегуновце.
Оваа комисија воедно ќе треба да ги утврди и можностите за штетното влијанија во експлоатацијата на минерални суровини од овие концесии врз изворот Рашче.
Дознаваме дека денеска инспекторите од Министерството за економија ќе излезат на терен за да ја утврдат фактичката состојба и последиците од веќе издадените концесии во загадувањето на водите на изворите.
– Ако анализата покаже дека реално постојат штетни последици од ископувањето, ќе бидат забранети сите рударски активности во заштитените зони – категоричен е Фатмир Бесими, министерот за економија.
По спроведувањето на неопходните дејствија, работната група треба да и’ предложи на Владата можни решенија за евентуално одземање на веќе доделените концесии или за продолжување со работа на постојните доделени концесии.
Од овие извори со вода за пиење се снабдуваат околу 600.000 жители на Скопје и уште стотина населени места што гравитираат околу главниот град.
Слободан Содик
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Рубио: Европа и Украина ќе бидат вклучени во вистински мировни преговори

Американскиот државен секретар Марко Рубио во интервју за Си-би-ес изјави дека Украина и Европа ќе бидат вклучени во какви било вистински преговори со цел да се стави крај на војната меѓу Русија и Украина.
Рубио ја минимизираше европската загриженост дека тие би можеле да бидат исклучени од претстојните мировни преговори меѓу Русија и САД, кои ќе се одржат во Саудиска Арабија во наредните денови. Тој нагласи дека преговарачкиот процес се уште не е започнат сериозно, но доколку разговорите продолжат, ќе бидат вклучени Украина и европските земји.
Рубио потсети дека американскиот претседател Доналд Трамп разговарал со рускиот претседател Владимир Путин минатата недела. За време на тој разговор, Путин изрази интерес за мир, додека Трамп јасно стави до знаење дека сака траен договор што го обезбедува суверенитетот на Украина.
„На крајот на краиштата, ако ова се вистински преговори – а ние сè уште не сме во тој момент – Украина ќе мора да биде вклучена бидејќи таа е нападната, а Европејците ќе мора да учествуваат бидејќи тие се оние кои воведоа санкции кон Путин и Русија“, рече Рубио.
„Еден телефонски повик не носи мир“, додаде тој, истакнувајќи дека следните неколку недели ќе бидат клучни за проценка на сериозноста на овие разговори.
На прашањето дали разговарал за укинување на санкциите кон Русија за време на телефонскиот разговор со рускиот министер за надворешни работи Сергеј Лавров во саботата, Рубио одби да даде јасен одговор. Но, рече дека разговарале за тешките услови под кои работи американската амбасада во Москва.
Тој додаде дека функционалните амбасади во двете земји се клучни за напредок во мировниот процес.
Регион
Снегот направи хаос во Србија: сообраќајните незгоди создаваат километарски сообраќаен метеж

Снегот во делови од Србија предизвика хаос на патиштата. Сообраќајот се одвива отежнато, а во текот на ноќта и претпладнето се евидентирани повеќе сообраќајни несреќи.
Најкритична е состојбата во моментов во Полимската Котлина и во Нова Варош, каде поради преостанатиот снег на коловозот, сообраќајот на оваа делница се одвива многу отежнато и многу бавно, а во моментов се формираат километарски редици.
View this post on Instagram
Според Јавното претпријатие „Патишта Србија“, поради неповолните временски услови, сообраќајот за товарни возила на таа делница од патот е во прекин.
Поради врнежи од снег и лизгави површини, МВР апелира до сите возачи да возат со посебна грижа и да ги почитуваат правилата.
Од ЈП „Патишта Србија“ известуваат дека поради снег сообраќајот се одвива отежнато и на патниот правец Бистрица – Борова Глава.
„Поради неповолни временски услови, во сила е прекин на сообраќајот за товарните возила. Ги советуваме сите учесници во сообраќајот, заради сопствена безбедност и безбедноста на другите учесници во сообраќајот, да ги почитуваат сообраќајните прописи и да ја приспособат брзината на движење на условите на патот“, се вели во соопштението на Јавното претпријатие „Патишта на Србија“.
Свет
Ерусалим пост: Портпаролот на Хамас вели дека нападот на 7 октомври бил „историски успех“

Висок функционер на Хамас го нарече нападот на 7 октомври „историски успех“ на форумот организиран вчера од катарскиот медиум Ал Џезира, пишува „Ерусалим пост“.
„7-ми октомври е историски успех во кој стотици луѓе успеаја да ја уништат и расклопат дивизијата Газа на ИДФ“, рече Осама Хамдан, оградувајќи се од моменталната ситуација во Газа, пишува израелскиот медиум. „Победата на Хамас е можност бидејќи поразот на Израел е можен, но и предизвик – има ли подготвеност и сериозност за таква битка?“
Според „Ерусалим пост“, Хамдан на форумот исто така рекол дека Хамас не барал помош од Хезболах во војната, туку дека поранешниот лидер на Хезболах, Хасан Насралах, им понудил воена помош. Хамдан прикажа и фотографија од ситуација во која силите на ИДФ беа поразени од Хамас, тврдејќи дека тоа е доказ дека Израел може да биде нападнат кога и да посака Хамас.
На прашањето дали Хамас би се согласил да ја подели власта со која било друга терористичка група во Појасот Газа, Хамдан цврсто одговори – „Не“.