Свет
Кисела Вода засмрде на кисела зелка
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-4331.jpeg)
Веќе три дена во населбите Усје, Кисела Вода, 11 Октомври и во Припор се чувствувала непријатна и задушлива миризба на кисела зелка, а, како што велат жителите, некои од нив почувствувале и дека ги печат очите.
СЕ БАРА ЗАГАДУВАЧОТ НА ВОЗДУХОТ ВО НАСЕЛБИТЕ
Гоце Трпковски
Веќе три дена во населбите Усје, Кисела Вода, 11 Октомври и во Припор се чувствувала непријатна и задушлива миризба на кисела зелка, а, како што велат жителите, некои од нив почувствувале и дека ги печат очите. Тие ја преплавиле со поплаки општината Кисела Вода и се сомневаат дека се случила хаварија во цементарницата „Усје“, која е во непосредна близина на овие населби. Од државниот инспекторат за животна средина, пак, велат дека направиле увид во цементарницата и дека таму се било во ред. Тие продолжуваат да го бараат загадувачот.
Луѓето револтирано раскажуваат дека состојбата станала неподнослива.
– На овие високи температури мораме да ги затвориме сите прозорци, а миризбата повторно е присутна. Чувствуваме и главоболки од неа – вели Цветан Крстев од 11 Октомври.
Од општината Кисела Вода, од каде што исто така се сомневаат дека фабриката „Усје“ го загадила воздухот, најавуваат и кривични пријави против надлежните инспектори ако не им презентираат вистински податоци за количеството на гасови што го испушта фабриката.
– Не може некој да остварува профит за сметка на здравјето на луѓето. Нормално е дека инструментите во цементарницата нема да покажат прекумерно загадување, затоа бараме реални резултати. Ако инспекторот Славчо Ристов, кој е задолжен да ја следи работата на фабриката, не ни ги прикаже резултатите од мерењата за 15, 16 и за 17 август, ќе поднесеме кривична пријава против него – најави Тони Чуповски, шеф на кабинетот на градоначалникот Џорџе Арсов.
Инспекторот Ристов тие три дена бил на годишен одмор, а испитувања на теренот вршеле инспекторите Дарко Блинков и Иван Камењарски. Тие велат дека во цементарницата и во повеќе други индустриски објекти во околината не нашле ништо, но дека продолжуваат да го бараат загадувачот.
– Имаше многу поплаки на граѓани од Кисела Вода за непријатна миризба и дека се паркирале пет камиони полни со сечкана гума пред цементарницата „Усје“. Од нашиот увид, кој го потпишаа и одговорните од фабриката, се гледа дека максимално дозволеното загадување не е надминато, ниту има нови количества гума. Камионите носеле петрол-кокс, што се користи во производството. Во кругот на поранешната стакларница направивме увид во повеќе фирми – отпад за старо железо, мала ливница, печатница за билборди и други. Потоа бевме и во фабриката „ОХИС“, но таа не работеше. Дежурниот таму ни кажа дека таа работи само во прва смена и тоа минимално. Во нејзиниот круг не се чувствуваше миризба на кисела зелка. Ќе продолжиме со увидите, а кога ќе го најдеме загадувачот ќе ги известиме граѓаните – одговараат инспекторите.
Тие велат дека контактирале со надлежните за животна средина од општината Кисела Вода и се договориле наскоро тие да ги добиваат истите извештаи што стасуваат и во Државниот инспекторат за животна средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.