Свет
Галеријата „Остен“ продадена како градежен материјал за 50.000 денари
Скопската фирма „Горица трејд“ го купила деловниот простор на „Остен“ за 1.000 евра иако за истиот повеќе од една година плаќа кирија од 1.500 евра
ВО СТЕЧАЈНАТА ПОСТАПКА НА „НОВА МАКЕДОНИЈА“
Скопската фирма „Горица трејд“ го купила деловниот простор на „Остен“ за 1.000 евра иако за истиот повеќе од една година плаќа кирија од 1.500 евра
Зградата на галеријата „Остен“ во комплексот на Старата железничка станица во Скопје, со површина од 450 квадратни метри, е продадена за 50.000 денари, но не како деловен простор, туку како градежен материјал. Продажбата е извршена во рамките на стечајната постапка на НИП „Нова Македонија“. Се проценува дека овој објект вреди над два милиона евра.
Зградата, каде што до скоро се одржуваше најголемата Светска галерија на карикатури и како таква беше дел од комплексот на Старата железничка станица, воопшто не била евидентирана во Катастарот. На тоа место се води некаков објект од привремен карактер, а не дуќан. Целиот случај е дополнително усложнет бидејќи за истиот простор, во јули минатата година, за секој случај бил склучен и договор за закуп без определен временски рок, односно „се’ до завршување на стечајот“. НИП „Нова Македонија“ во стечај зградата и ја дала под закуп на фирмата „Горица трејд“ по цена од 1.500 евра месечно, што е за 500 евра повеќе од купопродажната цена на градежниот материјал вграден во објектот.
„Горица трејд“ редовно си ја плаќа киријата, иако е сопственик на градежниот материјал со кој е изграден објектот, и воопшто не побарала намалување на месечниот надоместок од стечајната управничка Ангелина Гогушевска.
Адвокати, упатени во стечајните постапки, велат дека ако државата не си ги побара назад објектот и земјиштето, „Горица трејд“ има право по три години да бара од Катастарот да ја впише како нивен сопственик, под услов редовно да си ја плаќа киријата.
– Нешто слично се случи со многу објекти досега. Ова сценарио не може да се одработи без знаење и без логистичка поддршка од извршната власт зашто објектите на фирми во стечај не може да се издаваат на рок подолг од шест месеци – сметаат тие.
Стечајната управничка Гогушевска тврди дека овој деловен простор доживеал ваква судбина поради неодговорност, негрижа и незаинтересираност на државата. Таа го потпишала договорот за продажба на градежниот материјал вграден во објектот, но вели дека не можела да го стори тоа без одобрение од Одборот на доверители. Член на Одборот е и заменик-јавниот правобранител на Македонија, кој воопшто не реагирал на склучувањето на купопродажниот договор и на договорот за закуп.
Дознаваме дека пред спорната продажба постоела иницијатива од Одборот на доверители објектот да му припадне на Музејот на град Скопје, кој со него сочинува природна градежна целина. За ова навреме биле информирани и поранешните министри за финансии и за култура Благоја Стефановски и Никола Поповски, но тие не покажале интерес за оваа иницијатива.
– Истакнувам дека не го продадовме објектот туку градежниот материјал што е вграден во него зашто деловниот центар и не можеме да го продадеме. Тој не беше дел од имотот на НИП „Нова Македонија“, туку е сопственост на државата. Освен тоа купопродажниот договор не е основа со кој сегашниот корисник на просторот го зема во владение – објаснува Гогушевска.
Од средината на минатиот месец во некогашната галерија „Остен“ е сместен „Центарот за кожа“, една од продавниците на скопската фирма „Горица трејд“.
Слободан Содик
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Блиска сојузничка на Орбан ги плаши Унгарците со влезот на Украина во ЕУ: објави снимка од маж врзан во багажник
Унгарската опозиција го осуди видеото објавено од Александра Сенткираљи, блиска сојузничка на премиерот Виктор Орбан.
Сенткираљи објави видео на „Фејсбук“ на кое се гледа маж врзан во багажникот на автомобил, додека Сенткираљи зборува за наводното зголемување на заканите поврзани со трговија со луѓе, шверц со дрога и трговија со органи доколку Украина се приклучи на Европската Унија.
Подоцна се дозна дека човекот на видеото е вработен во канцеларијата на унгарскиот премиер.
Until yesterday, Fidesz Party had only one well-known female politician. But no longer.
Alexandra Szentkirályi was someone you could either like or dislike. You could agree with her or criticize her.
One thing is certain: as of today, Alexandra Szentkirályi has no place in… pic.twitter.com/MeA99i3QyD— Magyar Péter (Ne féljetek) (@magyarpeter102) June 14, 2025
Ференц Геленчер, пратеник од опозицијата од партијата Моментум, изрази негодување поради видеото и најави дека ќе поднесе полициска пријава против Сенткираљи. Тој тврди дека лагите што би можеле да го загрозат јавниот ред, да шират опасни шпекулации или да сугерираат закани за јавната безбедност се кривични дела.
„Како некој може да биде толку глупав за вака да напаѓа земја во која живеат и Унгарци?“, рече Геленчер повикувајќи ја Сенткираљи да го избрише видеото.
Сенткираљи му беше портпаролка на Орбан од 2020 до 2024 година. Минатата година таа објави дека ќе се кандидира за градоначалник на Будимпешта како претставник на владејачката партија, но подоцна ја повлече својата кандидатура во корист на друг технички кандидат поддржан од Орбан.
Орбан неодамна повтори дека Украина не треба да биде примена во Европската Унија тврдејќи дека земјата е домаќин на измамници што ги лажат Унгарците и заработуваат пари наводно дејствувајќи од украинска територија. „Украина е опасна земја“, нагласи Орбан.
Свет
Русија: Подготвени сме да посредуваме меѓу Израел и Иран
Русија сè уште е подготвена да дејствува како посредник во конфликтот меѓу Израел и Иран, а претходните предлози на Москва за складирање ирански ураниум во Русија остануваат на маса, објави денес Кремљ.
„Претходните предлози на Русија за решение на конфликтот се сè уште на маса, но меѓусебните напади меѓу двете земји ја комплицираа ситуацијата“, изјави портпаролот на Кремљ, Дмитриј Песков.
Пред повеќе од три години Русија почна целосна инвазија на Украина и ги отфрла сите предлози за прекин на огнот, и украински и американски.
Претседателот на САД, Доналд Трамп, вчера во интервју за „Еј-би-си њуз“ изјави дека е отворен за можноста рускиот претседател Владимир Путин да ја преземе улогата на посредник меѓу Израел и Иран.
Францускиот претседател Емануел Макрон јасно ја отфрли таквата идеја.
„Не верувам дека Русија, која моментно е вклучена во конфликт со висок интензитет и со години ја игнорира Повелбата на ОН, може да биде посредник“, рече Макрон.
Кина исто така упати повик за дипломатија. Таа ги повика Израел и Иран да преземат итни мерки за смирување на тензиите по израелските напади на иранска територија и одговорот на Техеран со лансирањето ракети во израелски области.
„Ги повикуваме сите страни да преземат итни мерки за смирување на тензиите што е можно побргу, да спречат понатамошна нестабилност во регионот и да создадат услови за враќање на дијалогот и преговорите за решавање на разликите“, изјави портпаролот на кинеското Министерство за надворешни работи, Гуо Џијакун.
Свет
Израелски министер утрово им се закани на граѓаните на Техеран, сега вели: Не мислев така
Израелскиот министер за одбрана Израел Кац изјави денес околу 11.30 часот дека „Израел нема намера физички да им наштети на жителите на Техеран“. Ова е обид да се ублажат заканите што беа упатени утрово и вчера до жителите на иранската престолнина, објави „Ројтерс“.
„Сакам да го разјаснам очигледното: нема намера физички да им се наштети на жителите на Техеран, како што убиствениот диктатор им прави на жителите на Израел“, рече министерот Кац во соопштението.
Сепак, тој додаде дека „народот на Техеран ќе мора да ја плати цената на диктатурата и да ги евакуира областите во кои ќе биде потребно да се извршат напади врз режимски цели и безбедносна инфраструктура во Техеран“.
Што рече тој утрово, а што вчера?
Оваа изјава доаѓа само неколку часа откога Кац јавно изјави дека „народот на Техеран ќе ја плати цената, и тоа набргу“ нарекувајќи го иранскиот врховен лидер кукавички убиец, кој напаѓа израелски цивили за да ги спречи акциите на ИДФ.
Еден ден претходно тој отиде чекор понатаму велејќи: „Ако Хамнеи продолжи да лансира ракети врз израелски цивили – Техеран ќе гори“.
Се зголемува цената на бензините и на дизелот
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Иранскиот парламент демантира дека земјата се повлекува од договорот за неширење нуклеарно оружје
Иранскиот парламент денес негира дека разгледува закон за повлекување на Техеран од договорот за неширење нуклеарно оружје (ННП) како форма...
Иран се повлекува од договорот за неширење нуклеарно оружје
Портпаролот на иранското Министерство за надворешни работи, Есмаил Багеј, денес изјави дека иранскиот парламент подготвува закон за повлекување од договорот...
„За „аудито“ на Филипче од 130.000 евра – повластен третман, за автомобилите на Мирчевски – кривичен прогон“, ВМРО-ДПМНЕ бара Обвинителството да отвори постапка
„ЈО е селективно во однос на постапките за аудито од 130 000 евра поклон на Венко Филипче од фирмата Зобек...
„Вината за Кочани е во врвот на МВР“, СДСМ бара оставки од Тошковски и од Јанев и кривична одговорност
„Речиси четири месеци, Мицкоски и Тошковски се обидуваа да ја сокријат вистината за Кочани и да ги заштитат полициските функционери...
Серија земјотреси почувствувани во Охрид
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Поранешен израелски дипломат: Трамп може да му се јави на Нетанјаху и да му каже – доста е
Алон Пинкас, поранешен израелски дипломат и советник на двајца премиери, изјави дека американскиот претседател Доналд Трамп има моќ да го...
Клучното прашање е каде Иран скрил 400 килограми збогатен ураниум, вели експерт
По израелските воздушни напади врз иранските нуклеарни постројки, поранешниот заменик-генерален директор на Меѓународната агенција за атомска енергија (МААЕ), Оли Хејнонен,...
Аналитичар: Иранските ракети ги пробиваат сите слоеви на израелската воздушна одбрана
Континуираните ирански ракетни напади врз Израел покажуваат дека силите на Техеран можат да се прегрупираат дури и откако Израел уби...
Израелскиот министер за одбрана се закани: „Граѓаните на Техеран ќе ја платат цената, и тоа набргу“
Израелскиот министер за одбрана Израел Кац денес повторно му се закани на Иран, велејќи дека „народот на Техеран ќе ја...
(Фото) Шок и страв во Тел Авив по жестокиот ирански напад
Улиците на Тел Авив утрово беа покриени со урнатини, со сцени на страв, вознемиреност и хаос по најновиот бран ирански...
Иранските медиуми: Ајатолахот Хамнеи се крие во бункер северно од Техеран
Неколку часа откако Израел ги започна нападите врз Техеран во раните утрински часови во петокот, врховниот лидер на Иран Али...
Израел: Го нападнавме седиштето на елитната единица на Иранската гарда во Техеран
Израелската војска објави дека нејзините борбени авиони извршиле напад врз седиштето на Кудс силите во Техеран, тврдејќи дека таму се...
Иран: Не сакаме да преговараме за прекин на огнот додека сме под израелски напади
Иран им соопшти на посредниците Катар и Оман дека не е отворен за преговори за прекин на огнот додека е...
(Видео) Четворица мртви, десетици повредени во ракетните напади врз Израел во текот на ноќта
Четири лица – две жени и двајца мажи – беа убиени во најновите ракетни напади врз централен Израел, потврдија службите...
Макрон ја отфрла идејата на Трамп за Путин да биде посредник во мирот меѓу Иран и Израел
Францускиот претседател Емануел Макрон синоќа изјави дека Русија нема кредибилитет да посредува во конфликтот меѓу Израел и Иран како што...
(Видео) Иранците масовно бегаат од Техеран: „Ова не е моја војна“
По израелските напади врз Техеран вчера, многу жители се обидуваат да избегаат од градот и да побараат засолниште во пооддалечени...
Ердоган повика на итно запирање на конфликтот меѓу Израел и Иран
Турскиот претседател Реџеп Таип Ердоган денеска телефонски разговарал со американскиот претседател Доналд Трамп, и повикал на „итна акција“ за да...
Иран попладнево започна нов бран ракетни напади врз цели во Израел
Иран попладнево започна нов бран ракетни напади врз цели во Израел, објави иранската новинска агенција Фарс. Во Тел Авив и...
Алиу: Aко влезете во чекална на Онкологија тоа личи на се, само не на Клиника која треба да која треба да лекува такви пациенти
Министерот за здравство Азир Алиу, на денешната прес-конференција најави дека ќе се дисперзираат базичните услуги за онколошките пациенти низ државава,...
