Свет
И судијата Костовски се прогласи за чист во случајот „УПА“
Имав големи притисоци за побрзо да го завршам случајот „УПА Ентерпрајс“, се огласи вчера судијата Дејан Костовски, кој одлучил дека на Љупчо Палевски треба да му бидат доделени еден милион евра отштета за урнати објекти.
ЌЕ СЕ НАЈДЕ ЛИВИНОВНИКОТ ЗА СПОРНАТА ОТШТЕТА?
Мери Јордановска
Имав големи притисоци за побрзо да го завршам случајот „УПА Ентерпрајс“, се огласи вчера судијата Дејан Костовски, кој одлучил дека на Љупчо Палевски треба да му бидат доделени еден милион евра отштета за урнати објекти. Врховниот суд завчера одлучи дека целиот случај бил незаконски затоа што тужбата била неуредна, а вештаците ја утврдувале само висината на отштетата без да се земе предвид пресудата на Врховниот суд од 2002 година во која се вели дека објектите биле дивоградби.
– Таа пресуда јас ја немав. Не знам зошто, но не ми беше доставена. Јас се раководев од пресудата на Врховниот суд од 2000 година во која се поништува решението за рушење на објектите. Тука се отвора основа за барање отштета. Додека го водев случајот имав големи притисоци од Палевски за побрзо да го завршам. Колку што знам Палевски и раководните лица од правобранителството беа во постојан контакт и тие немаа ништо против мојата одлука – вели Костовски, кој денеска детално ќе се изјасни во јавноста за овој случај.
Со тоа се уште останува нејасно како е можно низ правните институции да се изгуби пресуда од Врховниот суд, кое ја немало ниту јавното правобранителство.
– Требало да знаат. Кога се поништува едно решение, се носи друго. Да се јавеле ќе им кажевме дека постои пресуда од Врховниот суд – вели претседателот на судот Дане Илиев.
Судијата Костовски моментално живее во Љубљана, а како што вели, од функцијата бил разрешен без негово знаење.
– Републичкиот судски совет вели дека ме разреши по мое барање, а јас барање не поднесов. Единствено што барав е да ми мирува функцијата додека сум во Љубљана каде што работи мојата сопруга – вели тој.
Според него, Врховниот суд со последното соопштение му сугерира на Основниот суд како тој да одлучи по барањето за повторување на постапката за случајот „УПА“, што го поднесе Јавното правобранителство.
За овој случај, Државната комисија за спречување на корупцијата досега се изјасни дека обвинителството треба казнено да гони функционери од правобранителството (Зоја-Лега Станојевска и Миодраг Стевановиќ) и од Министерството за транспорт и врски (додека министер беше Душко Кадиевски од ВМРО-ДПМНЕ).
Засега, од обвинителството има само молк по однос на кривичната одговорност. Обвинителот Александар Прчевски тврди дека станува збор за предмети што не може да се завршат за два дена и дека се работи на случаите.
Запрена постапката за разрешување на Зоја Лега?
Решението за разрешување на јавната правобранителка Зоја Лега-Станојевска е запрено, дознава „Време“. Причините за запирање на постапката на јавната правобранителка засега се непознати.
Разрешувањето на Лега-Станојевска не беше објавено ниту во последниот број на „Службен весник“, и покрај тоа што во истиот број беа објавени сите други разрешувања од истата седница на Владата.
Според Законот за јавно правобранителство, Владата го предлага и го разрешува јавниот правобранител. Владата на првата седница ја разреши Лега-Станојевска, но потоа решението било запрено од непознати причини. Таа, откако беше разрешена не се појавува во правобранителството, но се уште нема добиено решение за нејзино разрешување.
Прчевски и Маневски како куче и мачка
Со Михајло Маневски вчера се гледав како мачка и куче, изјави јавниот обвинител Александар Прчевски, по вчерашниот состанок во Академијата за обука на судии и обвинители.
– Маневски ми велеше дека јас сум бил олицетворение на партиските интереси. Ако е така, зошто јас не станав министер за правда? – рече Прчевски, за кого Владата на последната седница поднесе предлог да биде разрешен.
Според него, тој предлог е неоснован и паушален и докажува дека Владата се однесува несериозно кон институцијата јавен обвинител.
За случајот „Раштански Лозја“ Прчевски вели дека обвинителството поднело барање за заштита на законитоста до Врховниот суд.
– Тој случај е чист. Прашајте го Дане Илиев зошто му седи во фиока нашето барање. Ги отепаа луѓето како пилци! – рече Прчевски.
Тој тврди дека е неправедно обвинет за неповедувањето кривична одговорност против вмешаните во аферите што ги отвори антикорупциската комисија, бидејќи за тоа одлучувале заменик-обвинителите што ги воделе случаите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Нема да има палестинска држава
Израелскиот премиер Бенјамин Нетанјаху денес изјави дека „нема да има палестинска држава“ на церемонијата на потпишување на голем проект за понатамошна изградба на населби на Западниот Брег, објави агенцијата Франс-прес.
„Ќе го одржиме нашето ветување: нема да има палестинска држава, ова место ни припаѓа нам“, рече Нетанјаху за време на посетата на населбата Маале Адумим на Западниот Брег.
„Ќе го зачуваме нашето наследство, нашата земја и нашата безбедност. Ќе го удвоиме населението на градот“, продолжи тој.
Минатиот месец, Израел одобри клучен проект за изградба на 3.400 станбени единици на Западниот Брег, кој ОН и неколку странски лидери го осудија како преполовување на територијата на можна идна палестинска држава и поткопување на можноста за решение со две држави. Проектот, е познат како Е1.
Израелскиот министер за финансии од крајната десница, Безалел Смотрих, повика на забрзување на проектот и на анексијата на Западниот Брег, како одговор на најавите од неколку земји за нивната намера да ја признаат Државата Палестина.
фото: принтскрин
Свет
Заменик-шефот на Стејт департментот: Ќе им ги одбиеме визите на луѓето што се потсмеваат на смртта на Кирк
Американскиот Стејт департмент ќе „преземе соодветни мерки“ против странците во САД кои „ја слават, одобруваат или се потсмеваат“ на смртта на Чарли Кирк, изјави денес заменик-државниот секретар Крис Ландау.
Ландау посочи дека тие мерки би можеле да вклучуваат укинување на визите. Администрацијата беше агресивна во одземањето на визите, особено на студентите поврзани со протестите против војната во Газа.
In light of yesterday’s horrific assassination of a leading political figure, I want to underscore that foreigners who glorify violence and hatred are not welcome visitors to our country. I have been disgusted to see some on social media praising, rationalizing, or making light…
— Christopher Landau (@DeputySecState) September 11, 2025
„Со оглед на вчерашното ужасно убиство на истакнат политички лидер, сакам да нагласам дека странците кои го величаат насилството и омразата не се добредојдени посетители во нашата земја“, напиша Ландау во објава на својот официјален Икс профил.
„Згрозен сум кога гледам како некои на социјалните мрежи го слават, оправдуваат или се потсмеваат на овој настан и им наложив на нашите конзуларни службеници да преземат соодветни мерки“, рече тој. „Слободно известете ми за ваквите коментари од странци за да може Стејт департментот да го заштити американскиот народ.“
Si alguien conoce el nombre de la bruja, le quitamos la visa. De inmediato. Aunque dudo que tenga visa. pic.twitter.com/8KRf2AQQES
— Christopher Landau (@DeputySecState) September 11, 2025
Ландау рече дека ќе им наложи на конзуларните службеници, кои донесуваат одлуки за визи, да ги следат коментарите на неговата објава.
Како одговор на друга објава во која беше истакнат уште еден пост за пукањето, Ландау рече дека доколку некој го знае името на авторката, „веднаш ќе ѝ ја поништиме визата. Иако се сомневам дека воопшто има виза.“
фото: принтскрин
Регион
(Видео) Албанија постави бот со вештачка интелигенција за министер
Новата министерка на Албанија задолжена за јавни тендери нема да биде поткупувана, нема да можат да и се закануваат или да биде наговарана. Тоа е затоа што Диела, како што ја нарекуваат, е бот генериран од вештачка интелигенција.
Премиерот Еди Рама, кој го започнува својот четврти мандат, во четврток изјави дека Диела, што на албански значи Сонце, ќе ги управува и ќе ги доделува сите јавни тендери на кои владата ангажира приватни компании за разни проекти.
„Диела е првиот член на кабинетот кој не е физички присутен, туку е виртуелно создаден од вештачка интелигенција“, рече Рама, претставувајќи го својот нов кабинет.
Таа ќе ја претвори Албанија во „земја каде што јавните тендери се 100 проценти ослободени од корупција“.
Јавните тендери долго време се извор на корупција во земјата, за која експертите велат дека е седиште на банди кои сакаат да перат пари од шверц со дрога и оружје низ целиот свет, и каде што корупцијата се вовлекла во коридорите на моќта. Таквата слика го отежна пристапувањето на Албанија кон ЕУ, што Рама сака да го постигне до 2030 година. Политичките аналитичари го сметаат ова за амбициозно.
Владата не објасни дали Диела ќе биде следена од луѓе или како ќе се елиминира ризикот од можна манипулација. Диела беше претставена претходно оваа година како виртуелен асистент со вештачка интелигенција на платформата e-Albania за добивање државни документи.
Многумина не ѝ веруваат. „Дури и Диела ќе биде корумпирана во Албанија“, коментираше еден корисник на Фејсбук. „Кражбите ќе продолжат, а Диела ќе биде виновна“, додаде друг. Новиот парламент, избран во мај, треба да започне со работа во петок.
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
Охриѓанец паднал од третиот кат на зградата во која престојувал
Вчера во 19:38 часот во СВР Охрид е пријавено дека К.Д.(53) од Охрид паднал од третиот кат од зградата каде...
Сомнителни, незаконски и астрономски скапи набавки правело МНР за време на Бујар Османи, велат од „Вреди“
Сомнителни, незаконски и астрономски скапи набавки правел МНР за време на Бујар Османи, велат од „Вреди“. „Документите до кои дојдовме...
Последните зборови на Чарли Кирк пред атентатот: Куршум го погоди соработникот на Трамп додека зборуваше за насилство
Сѐ уште е во бегство осомничениот за атентатот на Чарли Кирк, младиот конзервативен активист, кој беше застрелан во вратот додека говореше...
Дождот не помогна многу – чадот од „Дрисла“ и утрово не стивнува, затрупувањето продолжува
Дождот засега не помогна многу во гаснењето на пожарот на депонијата „Дрисла“, чиј чад што се чувствува во воздухот во...
Шабан Салиу објави кандидатура за градоначалник на Шуто Оризари
Претседателот на Демократските сили на Ромите (ДСР), Шабан Салиу, синоќа ја промовира својата кандидатура за градоначалник на општина Шуто Оризари....
Нападот во Катар не беше мудар потег, му рекол Трамп на Нетанјаху
Американскиот претседател Доналд Трамп му рекол на израелскиот премиер Бенјамин Нетанјаху дека неговата одлука да изврши воздушни напади врз припадници...
Локални избори: на полноќ завршува јавниот увид во Избирачкиот список
На полноќ завршува увидот во Избирачкиот список, којшто граѓаните од 23 август можат да го проверат и да поднесат барања...
(Видео) Расправија за време на минутата молк за Кирк во Претставничкиот дом
За време на минутата молк за Чарли Кирк во американскиот Претставнички дом избувна жестока расправија. „Ве молам, станете за момент...
Сојузникот на Трамп убиен во атентат, ФБИ приведе осомничен, па го пушти
Чaрли Кирк (31), влијателен десничарски активист, близок до американскиот претседател Доналд Трамп и извршен директор на организацијата Turning Point USA...
Променливо облачно време, попладне со пороен дожд и грмежи
Времето денес ќе биде променливо облачно, попладне нестабилно со локален пороен дожд и грмежи. Наместа ќе има услови за изолирана...
