Свет
Сопственикот на „Фи-ком", по измамата со станови, уапсен во Скопје
Против Никола Николиќ ќе биде поднесена кривична пријава поради измама Сопственикот на „Фи-ком", претпријатие кое се занимава со изведување станбено-деловни објекти, Никола Николиќ (34), е уапсен во Скопје во стан на адвокат каде што со себе ги криел и документите на измамените граѓани.
Против Никола Николиќ ќе биде поднесена кривична пријава поради измама
Сопственикот на „Фи-ком", претпријатие кое се занимава со изведување станбено-деловни објекти, Никола Николиќ (34), е уапсен во Скопје во стан на адвокат каде што со себе ги криел и документите на измамените граѓани. Неофицијално дознаваме дека Николиќ бил пронајден во станот на скопскиот адвокат Арбен Гоља.
За газдата на „Фи-ком" се шпекулираше дека по направената измама со продажба на еден стан на повеќе сопственици, ја напуштил земјава, но полицијата информира дека во синхронизирана акција вчера во раните утрински часови Николиќ е пронајден во Скопје и веднаш е лишен од слобода. Истрагата на полицијата утврдила дека тој продавал исти станбено-деловни објекти на две или на три лица, кои потоа без согласност на идните сопственици ги дал под хипотека во Еуростандард банка заради добивање кредит. Досега се утврдени 13 вакви случаи во комплексите „Антигона 1" и „Антигона 2", на подрачје на Кисела Вода во Скопје. Против Николиќ ќе биде понесена кривична пријава до Основното Јавно Обвинителство во Скопје поради измама.
„Бидејќи постојат сознанија дека Николиќ на ваков начин има измамено и други граѓани, МВР презема активности за нивно расчистување и документирање по што против него ќе биде поднесена соодветна кривична пријава", информираат од полицијата.
Заради расчистување на сите вакви измами, МВР ги известува сите оштетени граѓани од страна на фирмата „Фи-ком" да ги пријават измамите во најблиската полициска станица или во Одделението за економски криминал при СВР Скопје.
Аферата со „Фи-ком" се обелодени откако група измамени граѓани се обратија до Општина Кисела Вода, барајќи информации дали „Фи-ком" има платено комуналии за становите во зградите „Антигона 1" и „Антигона 2" на улицата „Иван Козаров" број 42. Измамените граѓани бараа помош, обвинувајќи дека нивниот стан им бил продаван и на четворица други граѓани.
Во целиот случај се споменува и името на нотарот Боривое Стојкоски, кој ја извршил заверката на потписите на договорите на „Фи-ком" за здружување средства. За овој случај се заинтересира и Министерството за правда, кое ги разгледува документите заверени кај нотарот, по што деновиве ќе одлучи дали ќе биде поведена постапка против нотарот.
Во јавноста беше спомната и Еуростандард банка, која на измамничката фирма ч одобрила кредит од 1,5 милион евра. Од банката тогаш соопштија дека во своето работење со сите свои комитенти постапуваат исклучиво во согласност со законските прописи и акти на банката. (Д.Т.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.