Свет
Груевски решен да се пресмета со митаџиите во Царината
Смените во царинската управа нема да запрат се додека не се искорени корупцијата меѓу цариниците, категоричен е премиерот Никола Груевски.
ПРЕМИЕРОТ ТВРДИ ДЕКА НЕ БИЛ ПРЕДУПРЕДЕН ЗА СМЕНИТЕ
Смените во царинската управа нема да запрат се додека не се искорени корупцијата меѓу цариниците, категоричен е премиерот Никола Груевски. Тој тврди дека никој од високите претставници од Европската Унија не го предупредил да не прави кадровски промени, иако само пред неколку дена холандската влада најави дека ќе ја стопира помошта за Царината поради тоа што биле сменети раководните луѓе во институцијата, одговорни за проектите поврзани со ЕУ.
– Јас не велам дека некои од луѓето што досега работеле таму не се експерти, но и новоназначените лица се експерти. Но, како ќе одговорат експертите на фактот што дозволиле речиси 80 отсто од тие што внесуваат стока во Македонија да платат мито. За какви експерти тогаш станува збор – изјави Груевски завчеравечер.
Извори од Царината, сепак, тврдат дека Холанѓаните веќе некое време биле лути оти поради смената на луѓето со кои соработувале е нарушена реализацијата на твининг-проектот што тие го финансираат. Некои до нив контактирале со старите кадри на кои им соопштиле дека нема да продолжат да соработуваат додека конечно не се среди работата во институцијата.
Премиерот и актуелниот в.д. директор Томе Тасевски уверуваат дека односите со Холанѓаните се во ред. Груевски е категоричен дека моментно е важно Царината да се ослободи од стегите на корупцијата, бидејќи, како што вели, доколку и понатаму добива информации дека цариниците земаат мито, истата судбина ги чека и новоназначените луѓе.
Во чистката на вториот ешалон на царинската управа настрадаа пет управници, седум помошници на директори, шест началници, 15 шефа на филијали и други службеници.
Холандската царина помагаше во обучување кадри од домашната за преориентирање на институцијата кон европски начин на работење, особено во спроведувањето на процедурите за заштита на интелектуалната сопственост и за потекло на стоките. Странците за реализација на програмата веќе вложија четири милиони евра.
А. К. М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.