Свет
Кумановскиот комбинат работи според системот тргни-застани
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2656.jpeg)
Вчера Регионалната дирекција на Управата за јавни приходи од Штип го извести Бордот директори на Тутунскиот комбинат “Боро Петрушевски – Папучар° од Куманово дека привремено ја деблокира сметката на комбинатот што беше блокирана пред дваесетина дена.
Многу игри околу работата на “Боро Петрушевски-Папучар° од Куманово
Сметката на комбинатот е деблокирана сў до 10 август 2005 година, кога следува нова блокада
СТОЛЕ БОЖИНОВСКИ
КУМАНОВО – Вчера Регионалната дирекција на Управата за јавни приходи од Штип го извести Бордот директори на Тутунскиот комбинат “Боро Петрушевски – Папучар° од Куманово дека привремено ја деблокира сметката на комбинатот што беше блокирана пред дваесетина дена. Деблокадата на сметката ќе важи до 10 август 2005 година, пишува во решението на УЈП.
Вчера во Куманово никому не му беше јасно од што ќе зависи дали и до кога кумановскиот тутунски комбинат ќе се соочува со блокади на сметката, што претставуваат попречување на производството и на програмата за рестартирање на фирмата од страна на нејзиниот нов сопственик Василис Морфопулос преку неговата компанија †БИД холдинг лимититти од Њујорк, регистрирана на Кипар.
Првиот човек на Бордот директори на тутунскиот комбинат, Виктор Бен Кнан, вчера одржа прес-конференција на која на новинарите им врачи решение на Апелациониот суд во Скопје со кое се поништува решението на Основниот суд Скопје 1, со кое пак регистрацијата на кумановскиот тутунски комбинат во судскиот регистар се прогласува за неважечка врз основа на тужба поднесена од поранешниот Управен одбор на комбинатот на чело со тогашниот претседател Данило Јаневски.
Веднаш по донесувањето на ова решение на првостепениот суд следуваше блокада на сметката на комбинатот и запирање на процесот на производството. “Погоните не работат 20 дена со што на фирмата во старт Ј е нанесена голема материјална штета, бидејќи не е реализирано планираното производство од 28 тони цигари. Очигледно, некому во Куманово и во поширокото опкружување не му е во интерес кумановскиот тутунски комбинат да застане на нозе°, рече Пуниша Лучиќ, еден од членовите на Бордот директори. Тој дообјасни дека главната причина за блокирање на финансиската сметка на комбинатот не се т.н. пинг-понг игри на правосудните органи со носење неиздржани судски пресуди и нивно поништување, туку станува збор за договори и преговори со надлежните министерства на владата за начинот на репрограмирање на долговите спрема државата и спрема другите доверители. Најновото решение на Министерството за финансии преку Управата за јавни приходи за деблокада на сметката е токму резултат на договорот за преговори околу долговите што ќе се вршат интензивно до 10 август, а за тоа време ќе продолжи процесот на производството и ќе се создаваат услови за исплата на заостанатите и тековните плати на работниците, беше речено вчера во кумановскиот тутунски комбинат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Бајден за дебатата: Не го слушав мојот персонал, за малку ќе заспиев на сцената
![](https://makfax.com.mk/wp-content/uploads/2024/02/bajden.jpg)
Американскиот претседател Џо Бајден го обвини „џет-легот“ за неговите лоши перформанси во минатонеделната дебата на Си-Ен-Ен.
Тој им рече на новинарите дека „не бил многу паметен“ бидејќи „неколку пати патувал низ светот“ пред дебатата.
Бајден беше катастрофа на дебатата. За време на рочиштето, тој даде низа некохерентни и збунувачки одговори на прашања. Застана и не ги доврши речениците, пишува медиумот.
„Не го слушав мојот персонал… а потоа за малку ќе заспиев на сцената“, призна тој.
81-годишниот Бајден последен пат се врати од своето патување на 15 јуни, што е речиси две недели пред дебатата на 27 јуни, пишува Би-Би-Си.
Изјавите на Бајден доаѓаат во време кога во Демократската партија се појави загриженост за неговите ментални способности.
Конгресменот од Тексас, Лојд Догет, стана првиот актуелен демократски пратеник кој го повика Бајден да се повлече од трката за втор претседателски мандат. „Се надевам дека ќе ја донесе болната и тешка одлука да се пензионира“, изјави вчера Догет.
„Тоа не е изговор, тоа е објаснување“, рече Бајден за време на вчерашната посета на Вирџинија, осврнувајќи се на неговите патувања. Тој се извини за настапот и истакна дека му е исклучително важно да победи на изборите. Бајден отпатува во Европа двапати во текот на две недели во јуни.
Белата куќа претходно објави дека Бајден се борел со настинка на денот на дебатата. Сепак, претседателот во вчерашното обраќање не спомена никаква болест. Портпаролката на Белата куќа рече дека Бајден не зема никакви лекови пред дебатата.
Бајден помина шест дена во Кемп Дејвид, подготвувајќи се за неговата дебата против Трамп. „Њујорк тајмс“, повикувајќи се на неименуван извор запознаен со распоредот на Бајден, објави дека неговите денови започнуваат во 11:00 часот и дека тој има време за дремење секој ден.
Весникот исто така објави дека Бајден бил толку исцрпен од патувањето што неговите подготовки за дебата биле скратени за два дена за да му се овозможи време да се одмори во неговата куќа на плажа.
Возраста на Бајден стана едно од главните прашања на овие избори, при што гласачите во повеќе анкети велат дека мислат дека претседателот е премногу стар за да биде ефективен. Бајден вети дека ќе остане во трката, и покрај зголемениот притисок да се откаже. Тој во петок треба да даде интервју за „ABC News“ што е негово прво интервју по дебатата.
Европа
Огромна количина оружје пристигнува во Украина од Америка
![](https://makfax.com.mk/wp-content/uploads/2024/07/raketi-ukraina.jpg)
Соединетите Држави ќе испратат на Украина нов пакет воена помош во вредност од дури 2,3 милијарди долари, потврди денеска американскиот секретар за одбрана Лојд Остин. Пакетот ќе вклучува клучни системи за противвоздушна одбрана, како и противтенковско оружје. Тоа е еден од највредните пакети за воена помош од почетокот на војната.
Потврдата за новиот пакет воена помош доаѓа во време кога ослабените и побројни украински сили се обидуваат да ја задржат руската офанзива, при што Русите во последно време често освојуваат села во источна Украина.
„САД наскоро ќе објават пакет воена помош во вредност од над 2,3 милијарди долари“, рече Остин на почетокот на средбата со неговиот украински колега Рустем Умеров.
„Пакетот ќе вклучува противвоздушни одбранбени системи за пресретнување на ракети, противтенковско оружје и разновидна критично потребна муниција. Сето ова ќе дојде од американските резерви“, рече Остин.
„Новиот пакет помош ќе им овозможи на САД да испратат повеќе противвоздушни ракети Патриот и НАСАМС, кои ќе бидат испратени по итна постапка“, додаде тој.
Умеров му се заблагодари на Остин за помошта, велејќи дека „благодарение на помошта на сојузниците, ќе ја запреме Русија и нејзината агресија“.
Америка е клучен сојузник на Украина во одбраната од руската агресија која трае речиси 2,5 години. Од почетокот на војната, САД испратија оружје и друга воена опрема во вредност од 51 милијарда долари.
Регион
(Видео) Паднати дрвја, скршени клупи, водопади: невремето го опустоши Белград
![](https://makfax.com.mk/wp-content/uploads/2024/07/nevreme-dozd.jpg)
Белград денеска повторно го зафати силно невреме.
Според локалните медиуми, градските улици се поплавени, паднаа многу дрвја, а многу возила се оштетени.
Невремето собори огромни дрвја и во близина на Музејот на Југославија.
Поради пороите заглавија многу возила. Градоначалникот на Белград, Александар Шапиќ, изјави дека суперќелиските бури стануваат реалност.
„Мораме да ги прифатиме новите временски услови. Суперќелиските бури стануваат наша реалност. Имавме дури и среќа во споредба со регионот и светот. Загреб беше целосно уништен. Количеството на врнежи беше околу 55 литри на метар квадратен. Максималната е околу 60 литри. Ова е количината што вообичаено паѓа за еден месец“, изјави Шапиќ.
Градоначалникот на Белград истакна дека канализацијата не може да прими поголемо количество дожд и дека тоа е проблем и во многу побогатите области и градови.
„Имавме над 250 интервенции од нашите комунални претпријатија, 1.500 работници постојано се на терен, состојбата во градот се стабилизира“, додаде тој.
Дождот буквално предизвика колапс во Белград и делови од градот. Најлошо беше во општините Раковица и Чукарица. Во првиот буквално е создаден водопад, како што може да се види на видеата од социјалните мрежи, додека во Чукарица е снимен гејзер.
Градот беше целосно блокиран, а претходно невремето ги зафати и Рума, Нови Сад и Инџија.