Свет
Пациентите чекаат тендер за да испитаат крв
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-4371.jpeg)
На скопските клиники недостигаат реагенси неопходни за лабораториските испитувања, се жалат пациентите. Се кубури со тумор-маркери, тестови за хормонски испитувања и со реагенси за поспецифични анализи на крвта.
НЕМА РЕАГЕНСИ ВО КЛИНИЧКИОТ ЦЕНТАР
На скопските клиники недостигаат реагенси неопходни за лабораториските испитувања, се жалат пациентите. Се кубури со тумор-маркери, тестови за хормонски испитувања и со реагенси за поспецифични анализи на крвта. Се користат резервите од остеосинтетички материјал – плочки, шрафови, кои се неопходни во случаи на скршеници на екстремитетите. Во Управата на Клиничкиот центар потврдуваат дека недостигаат одредени реагенси зашто при набавките мора да се почитуваат законските процедури и затоа доцнат тендерите.
Скопјанец, кој пред неколку месеци се оперирал од карцином на дебелото црево, не можел да направи редовна контрола.
– Ми рекоа дека моментно нема тумор-маркери. Јас не можам да чекам и затоа си отидов во приватна лабораторија. Но таму морав да платам полна цена на услугата, а не партиципација како во јавното здравство – тврди пациентот.
Директорот на Клиничкиот центар Андреја Арсовски објаснува дека доцнат донесувањето и усвојувањето на плановите. Доцни и спроведувањето на тендерите.
– Ако не сакате криминално да се набавува, мора да ги почитуваме тендерските процедури, кои се во тек. Некои набавки порано се вршеле со ексклузивитет – преку директна спогодба. Ние така не сакаме да работиме. Зголемен е и бројот на биохемиски услуги, кој го надминува планираниот обем на работа во првите шест месеци. Но, основните испитувања во лабораториите се прават. Коментарот дека Клинички заличува на селска болница, каде се упатуваат најголем број пациенти од целата земја, е делумно вистинит. За жал, во некои делови ќе станеме и селска болница. Но некогаш недостигот е “вештачки” и се актуализира поради одредени интереси – тврди директорот Арсовски.
Тој потврдува дека на некои клиники нема материјали за лабораториски испитувања.
– Не недостигаат сите, туку само некои реагенси. Набавуваме она што е ургентно. Испитување на хормони, на пример, не е од итен карактер. За тумор-маркерите постои заблуда дека ако ги нема – не може да се дијагностицира карцином. Оваа болест веродостојно се потврдува со други методи, како што е биопсија. И за ова испитување нема еден дел од реагенсите. Уште една заблуда е за анализа на хемостаза на крвта. Се знае дека оваа анализа мора да се прави кај пациенти кај кои постои какво било сомневање дека им е нарушена циркулација на крвта. Кај други болни таа не се прави- објаснува Арсовски.
Тој се надева дека во јули снабдувањето во Клиничкиот центар ќе се нормализира.
Неодамна Управата на центарот го одби предлогот на Фондот за здравство секоја клиника одделно да се финансира. Раководството предложило централизирано финансирање на оваа институција, која брои околу 20 клиники – Фондот да префрла пари на клиничкиот центар, а оттаму ќесето да се одврзува за секоја клиника одделно.
– Посебното финансирање на клиниките би предизвикало распад на Клиничкиот центар – предупреди Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Хорор во Америка, регистрирани неколку напади на ајкули
![](https://makfax.com.mk/wp-content/uploads/2024/07/Screenshot-2024-07-05-145108.jpg)
Три лица се повредени во напади на ајкула во Тексас и Флорида, соопштија денеска официјални лица.
Ајкула каснала за стапало млад човек недалеку од плажата на Флорида и тој бил пренесен во болница, јави Си-ен-ен.
Во Тексас група од четири лица наишле на ајкула додека пливале во океанот веднаш до брегот на островот Јужен Падре.
Ајкулата каснала двајца од нив, а уште едно лице од групата било повредено додека се обидувало да им помогне. Двете лица, кои биле каснати од ајкула, биле пренесени во болница во Браунсвил.
„Појавата на ајкули не е вообичаена во Тексас“, велат локалните власти.
Според податоците на Меѓународната организација за следење напади на ајкули, Тексас имал само 10 напади на ајкули од 2012 година. Најмногу имало на Флорида, дури 259, потоа на Хаваи – 76, Јужна Каролина – 45, а 31 напад на ајкула е забележан во Северна Каролина и 29 во Калифорнија.
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.
Европа
Кир Стармер официјално назначен за нов премиер на Обединетото Кралство
![](https://makfax.com.mk/wp-content/uploads/2024/07/Screenshot-2024-07-05-141137.jpg)
Британскиот крал Чарлс денеска му го довери мандатот за формирање на новата влада на Велика Британија на лидерот на Лабуристичката партија, Кир Стармер, по убедливата победа на неговата партија на парламентарните избори.
Назначувањето на Стармер за премиер беше потврдено од Бакингемската палата.
„Кралот го прими уважениот Кир Стармер и побара од него да формира нова влада. Стармер ја прифати понудата“, соопшти Бакингемската палата, пренесува „Гардијан“.
По Бакингемската палата, Стармер се упати кон Даунинг стрит, каде што се наоѓа седиштето на британската влада. На општите избори во ОК, Лабуристичката партија освои 410 од 650 места во долниот дом, со што стави крај на 14-годишната влада предводена од конзервативците.
Претходно денеска, сега веќе поранешниот премиер Риши Сунак му поднесе оставка на кралот Чарлс.