Агенцијата во последните денови од декември експресно и кршејќи ја законската регулатива го донесе Правилникот за методологијата за пресметување на годишниот надоместок за надзор на пазарот за електронски комуникации

АГЕНЦИЈАТА ЗА ЕЛЕКТРОНСКИ КОМУНИКАЦИИ СЕ СЕТИ НА КРАЈОТ НА ГОДИНАТА

Агенцијата во последните денови од декември експресно и кршејќи ја законската регулатива го донесе Правилникот за методологијата за пресметување на годишниот надоместок за надзор на пазарот за електронски комуникации каде што потенцира дека на

Телеком, "Т-Мобиле Македонија", "Космофон" и сите останатите оператори и даватели на комуникациски услуги на Агенцијата за електронски комуникации ќе и платат надзор на пазарот и за 2006 година. Агенцијата во последните денови од декември експресно и кршејќи ја законската регулатива го донесе Правилникот за методологијата за пресметување на годишниот надоместок за надзор на пазарот за електронски комуникации.

Правилникот е објавен во "Службен весник" на 30 декември и веќе од 31 декември стапи во сила. Во него се потенцира дека надоместокот за надзор на пазарот за 2006 година ќе се наплати согласно овој правилник.

Според неофицијалните податоци, станува збор за надоместок што, согласно Законот за електронските комуникации, кој се применува речиси две години, изнесува повеќе милиони евра. Но, не можеше да се наплати зашто регулаторната Агенција не го носеше Правилникот. Наводно, само од "Македонски телекомуникации" и "Т-Мобиле Македонија" Агенцијата треба да наплати околу 1,8 милиони евра, а ако се земе предвид и надоместокот од "Космофон" и од останатите компании, вкупниот износ ќе надмине 2-3 милиони евра. Агенцијата во текот на ноември до поголемите компании испратила фактури на износ од по 250 илјади евра, што е во согласност со концесиските договори, а не со постојниот Закон, велат извори на "Вест".

Согласно Законот, Агенцијата имаше обврска пред да го донесе Правилникот, да го стави на јавна расправа, и тоа во период што не смее да биде пократок од 15 дена. Но таа ја избегна постапката за да има основа да го наплати надзорот и за претходната година.

Нацрт-верзијата на Правилникот Агенцијата ја усвои по само седум дена јавна расправа.

Според методологијата, компаниите се делат на пет групи и најдоцна до 31 март секоја година на сметката на Агенцијата треба да го уплатат надоместокот. Висината на надоместокот ќе зависи од приходите што компаниите претходно ги пријавиле во Агенцијата. Највисок годишен надоместок 0,5 отсто од годишниот приход ќе плаќаат компаниите од петтата група, односно оние оператори чиј вкупен годишен приход е над 500 милиони денари. Во првата група се компаниите чиј приход е до еден милион денари годишно и тие ќе плаќаат најнизок надоместок – 0,1 отсто од пријавениот износ.

Доколку Агенцијата се сомнева дека компанијата не го пријавила реално остварениот годишен приход, има право на трошок на компанијата да изврши процена на истиот. Ако проценетиот вкупен приход значително отстапува од пријавениот вкупен приход, при наплата на годиш