Свет
Купувачот на фабриката за оружје со непозната адреса
„Сувенир-Олимпик“ сега преименувана како „Сувенир-Индустри“, која во купопродажниот договор за фабриката за оружје се наведува како купувач на „Сувенир“ од Самоков, не се наоѓала на адресата Илинденска број 52 во Скопје, како што е наведено во договорот.
СЛУЧАЈ „ПРОДАЖБА НА СУВЕНИР“
Александар Божиновски
„Сувенир-Олимпик“ сега преименувана како „Сувенир-Индустри“, која во купопродажниот договор за фабриката за оружје се наведува како купувач на „Сувенир“ од Самоков, не се наоѓала на адресата Илинденска број 52 во Скопје, како што е наведено во договорот.
Ова се гледа од решението на Централниот регистар за регистрирање на фирмата издадено на 6 јануари лани, околу еден месец пред да биде склучен купопродажниот договор. На документот е наведен единствениот матичен број (ЕМБ) 6060722, за кој, како што ни потврди Управата за јавни приходи, е на Преспанско-пелагониската епархија.
Документот ни беше доставен од синдикалниот одбор на поранешните вработени на „Сувенир“, кои веќе една година бараат поништување на продажбата на фабриката. „Сувенир“, купен од грчкиот државјанин Василиос Пападопулос, сопственик на „Олимпик-Индустри“ од Кукуш, се уште не работи.
Интересно е тоа што, според Никола Стојанов од Централниот регистар, токму „Сувенир-Олимпик“ била првата фирма што била заведена во оваа новооснована институција.
На решението е наведена и адресата на фирмата „Сувенир-Олимпик“ – Илинденска број 52.
Станува збор за куќа во која се уште не се вселил наводниот купувач. Куќата имала неколку стана, а единствена фирма таму била „Ади трејд“ чија адреса е 52/1.
– Знам дека требаше да се вселат во еден од становите, но тоа не се случи. Жената што им го продаваше станот пред нецел месец се исели од таму, но станот се уште е празен – вели Ангелко Петров, сопственик на „Ади трејд“.
Како се случило да се регистрира фирма на адреса на стан што не бил во нивна сопственост и со погрешен ЕМБ се очекува да утврди истрагата што ја водат МВР и Министерството за одбрана.
Од Централниот регистар завчера ни потврдија дека грчкиот сопственик го променил името на фирмата.
– Фирмата „Сувенир-Олимпик“ го сменила името во „Сувенир-Индустри“ и како таква ја имаме во евиденцијата. Поради ова од УЈП ви рекле дека нема даночен обврзник со име „Сувенир-Олимпик“. Новоименуваната фирма има седиште на булеварот Илинденска број 52 – ни рече Никола Стојанов од Централниот регистар.
Стојанов вчера беше недостапен на мобилниот телефон. Од Централниот регистар ни рекоа дека е на пат. Од него сакавме коментар за документот што ни го доставија од Синдикалниот одбор.
Останува нејасно како грчкиот сопственик ги уплатил 500-те илјади евра за купување на „Сувенир“, ако неговата фирма во Скопје „Сувенир-Олимпик“ не била регистрирана како даночен обврзник во Управата за јавни приходи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Поплави и лизгање на земјиштето во Индонезија, најмалку 27 загинати
Индонезиските спасувачи трагаат по патници заробени во минибус затрупан во кал по поројните поплави и лизгање на земјиштето кои ги погодија неколку локации во Северна Суматра, при што загинаа најмалку 27 лица, изјави официјален претставник во четвртокот.
Поројните дождови кои паѓаат во провинцијата од минатата недела предизвикаа огромни поплави и лизгање на земјиштето во четири различни области, соопшти индонезиската агенција за катастрофи.
Во лизгање на земјиштето во село во Дели Серданг во средата загинаа седум, а беа повредени 20 лица, изјави за Ројтерс портпаролот на полицијата во Северна Суматра, Хади Вахјуди.
Спасувачите трагаат по исчезнати лица, вклучително и заробени во минибус и други возила на ридскиот меѓупровинциски пат погоден од лизгање на земјиштето, рече портпаролот.
На друго место, спасувачите пронајдоа 20 мртви луѓе за време на потрагата што започна во текот на викендот. Се уште се трага по двете исчезнати лица.
Обилните дождови предизвикаа поплави и во главниот град на провинцијата Медан, што го одложи гласањето за регионални избори во некои избирачки места.
Во Индонезија на крајот на годината се очекуваат екстремни временски услови, со зголемени количеството на врнежи низ тропскиот архипелаг, предупреди локалната метеоролошка агенција.
Европа
Поранешен шеф на МИ6: Европа е во војна со Русија
Европа во моментов не е во предвоена ситуација, туку во војна против Русија, изјави вчера за Скај њуз поранешниот директор на британската разузнавачка служба МИ6 Сер Ричард Дирлав.
„Мислам дека треба да се соочиме со фактот дека Русите мислат дека се во војна со нас“, рече Дирлав.
Неговата изјава доаѓа неколку дена откако полскиот премиер Доналд Туск предупреди дека Русија, во контекст на нејзината војна во Украина, може да ескалира на ниво на „глобален конфликт“.
Според Дирлав, конфликтот веќе ги преминал границите на Украина.
„Доналд Туск тоа го нарекува предвоена ситуација. Мислам дека греши. Мислам дека тоа е вистинска војна“.
Дирлав додаде дека Русија води хибридна војна против Европа на повеќе фронтови, вклучувајќи саботажа и „многу агресивни потези“. Директорите на разузнавањето во Европа, САД и Велика Британија ја окарактеризираа Русија како „непредвидлива“, рече тој.
Руските специјални служби се поврзани со саботажа низ Европа, вклучувајќи сајбер напади, шпионажа и мешање во изборите. Откако Финска влезе во НАТО во 2023 година, таа се пожали на интензивирање на руските хибридни напади на нејзината граница.
Како што расте руската агресија, западната коалиција се соочува со можност за поделба бидејќи претстојната инаугурација на американскиот претседател Доналд Трамп сигнализира промена во поддршката на Вашингтон за Европа, НАТО и Украина.
Западните земји сега се во „многу опасна ситуација“, рече Дирлав.
Додека Дирлав истакна дека би било пожелно Западот да преговара со Кремљ, тој предупреди дека рускиот претседател Владимир Путин најверојатно нема да соработува.
Европа
Пред заминувањето, Бајден планира да испрати уште еден голем пакет воена помош за Украина
Администрацијата на американскиот претседател Џо Бајден подготвува пакет оружје за Украина во вредност од 725 милиони долари, изјавија денеска двајца американски претставници, додека претседателот во заминување се обидува да ја зајакне владата во Киев пред да ја напушти функцијата во јануари.
Според официјален претставник запознаен со планот, администрацијата на Бајден планира да обезбеди различни противтенковски системи од американските резерви за да го запре напредувањето на руските трупи, вклучувајќи мини, беспилотни летала, ракети Стингер и муниција за ракетниот систем HIMARS, објави Ројтерс.
Пакетот, исто така, се очекува да вклучува касетна муниција што вообичаено се наоѓа во ракетите со водени состави за повеќекратно лансирање (GMLRS) кои ги испалуваат HIMARS лансерите, се вели во известувањето што го видел Ројтерс.
Официјалното известување за пакетот оружје до Конгресот би можело да дојде уште во понеделник, рече еден официјален претставник. Содржината и големината на пакетот би можеле да се променат во наредните денови пред очекуваниот потпис на Бајден.
Голем руски напад врз украинските електрани, експлозии низ целата земја
Експлозии утрово одекнаа во украинските градови Одеса, Кропивницки, Харков, Ривне и Луцк, објавија украинските медиуми Зеркало Тижња и Суспилне, наведувајќи...
Шефот на германското разузнавање: НАТО може да го активира членот 5 поради руските саботажи
Руската саботажа на западни цели на крајот може да го поттикне НАТО да размисли за повикување на клаузулата за заемна...
Маск го критикуваше начинот на кој функционира Европската унија
Илон Маск ја критикуваше Европската комисија, нарекувајќи го телото „недемократско“, што е последна во серијата негови јавни критики на институциите...
Филипче за новото раководство: нова визија за позитивни промени во СДСМ
Новиот состав на Централниот одбор на Социјалдемократскиот сојуз вечерва ја одржа првата седница на којашто беше избрано партиското раководство „Вечерва...
Трендафилов: Со мизерни плати работниците имаат пари само за билет во еден правец, и тоа надвор од Македонија
Главна причина поради која има недостиг на работна сила во земјата се ниските плати и злоупотребите што ги прават газдите...
Дурмиши сака минималната плата да биде 600 евра, но ќе преговара за 450 на почетокот на декември
Во буџетот има пари за зголемување на минималната плата и во декември, како што бара Синдикатот, покрај законското зголемување од...
Tаравари колабирал и бил пренесен во болница
Министерот за здравство Арбен Таравари објави дека колабирал и завршил во болница откога вчера се споделуваше информација дека доживеал срцев...
Една година од убиството на Вања
Денес, се навршува една година од убиството на 14-годишната Вања Ѓорчевска од Скопје. Во тек е судскиот процес, кој треба...
„Влен“ јавно ги прашува ДУИ и Ахмети: Зошто сета оваа носталгија за Груевски?
„На Блерим Ќосето Беџети сите дела му излегуваат на мејдан! Срамот почна да го обзема, а сега се обидува да...
Заев е единствениот политичар од Западен Балкан што Меркел го споменала во мемоарите, пишува германски новинар
Поранешниот македонски премиер Зоран Заев е единствениот жив политичар од Балканот кого поранешната германска канцеларка Ангела Меркел експлицитно го споменува...
Медведев: Мојата тажна шега изгледа се претвора во застрашувачка реалност
Поранешниот руски претседател и актуелен заменик-шеф на рускиот совет за безбедност Дмитриј Медведев испрати предупредување до САД во објава на...
Телата на девојките што починаа од сомнително труење во Лаос пристигнаа во Австралија
Семејствата на двете австралиски тинејџерки кои починаа од сомнително труење со метанол во Лаос, ја коментираа веста дека осум лица...
Еден ден по несреќата во Црвеното Море, пронајдени пет преживеани
Египетските спасувачи пронајдоа четири тела и пет преживеани вчера, за време на потрагата во Црвеното Море, еден ден откако потона...
Макрон гледа шанса за стабилност во Либан во договорот за прекин на огнот
Францускиот претседател Емануел Макрон го опиша договорот за прекин на огнот меѓу Израел и либанската милиција Хезболах како можност за...
Првите часови од примирјето меѓу Израел и Хезболах: жестоко бомбардирање до последен момент
Прекинот на огнот меѓу Израел и либанската милиција Хезболах стапи на сила во раните утрински часови во средата, но му...
(Видео) Филипче до Сиљановска: Огромен ризик е спојувањето на безбедносните агенции
Претседателот на Социјалдемократскиот сојуз на Македонија, Венко Филипче, денеска оствари средба со претседателката на Република Северна Македонија, Гордана Сиљановска Давкова....
Во аптека ќе се оди само со електронски рецепт, хартиените рецепти ќе бидат целосно исфрлени од употреба во јуни следната година
Место со непотребна документација, од јуни следната година матичните лекари ќе имаат повеќе време да се посветат на пациентите оти...
Сиљановска-Давкова им посака успешна работа на новите членови на Комисијата за помилување
Денеска во Кабинетот на претседателката Гордана Сиљановска-Давкова се одржа конститутивна седница на новиот состав на Комисијата за помилување, откако Давкова донесе...
Петар е тежок 2 килограма и 350 грама: 61-годишната мајка, која се породи на ГАК, имала замрзната јајце-клетка
Во светот на медицината повеќе не постојат граници и македонската медицина може да се мери со онаа во светот, изјави...
Раде Штекли бара лично обезбедување, ќе им плаќа 3.000 евра: не е пресудна етничката припадност ниту, пак, полот
Раде Трајковски-Штекли на својот инстаграм-профил објави оглас за вработување лично обезбедување. Бара четворица обезбедувачи, кои мора да имаат воено или...
