Свет
Полицајци и цариници уапсени за мито

На граничните премини Меџитлија, Богородица, Деве Баир и Табановце беа уапсени 26 полицајци и девет цариници, но бројот на приведените лица не е конечен, велат во МВР
ПОЛИЦИСКА АКЦИЈА НА ГРАНИЧНИТЕ ПРЕМИНИ
На граничните премини Меџитлија, Богородица, Деве Баир и Табановце беа уапсени 26 полицајци и девет цариници, но бројот на приведените лица не е конечен, велат во МВР
Најмалку 35 лица меѓу кои полицајци и цариници од четири македонски гранични премини и тројца угостителски работници, вчера рано изутрината беа приведени од страна на полицијата под обвинение дека примиле поткуп. Тројцата угостители се обвинети за помагање во кривичното дело. Според првичните информации на МВР, не станува збор за организирана мрежа, туку за поединечни случаи на земање поткуп.
Во полициската акција, во која учествуваа 400 полицајци, до вчера напладне беа приведени 26 полицајци, девет цариници и тројца угостители. Во антикорупциската мрежа најмногу полицајци беа фатени на граничниот премин Богородица – 13 полицајци се осомничени дека зеле поткуп. На граничниот премин Меџитлија беа уапсени шест полицајци. Шест цариници и седум полицајци се од Деве Баир, а на ГП „Табановце“ биле откриени тројца поткупливи цариници. Тројцата угостителски работници биле посредници во кривичното дело. Подмитувачот ги оставал парите во нивните кафеани, а потоа парите ги земале полицајците или цариниците.
Во Крива Паланка вчера специјални единици на МВР од Одделот за спречување на организираниот криминал ги претресуваа становите на осомничените полицајци и цариници вработени на Деве Баир. Маскираните припадници на МВР се забележуваа на неколку локации во градот и тоа на улицата Маршал Тито кај блокот на станбени згради во кои живеат повеќе гранични службеници, во населбата Баглак, кај мотелот „Македонија“, кај новата бензинска пумпа „Макпетрол“, на излезот од градот и на други места.
Вчера имаше зголемен број полицајци низ Крива Паланка, а поради полициската акција беше отежнат и сообраќајот на главната улица. Кривопаланчани беа затекнати од големата полициска акција, која се случуваше сред бел ден. Тие ги следеа заинтересирано активностите на специјалните единици, не знаејќи за што станува збор.
Во акцијата беа опфатени и граничните премини на македонско-косовската граница, но според МВР, таму не бил откриен ниту еден случај на поткуп.
Сите уапсени биле претресени, а бил извршен и претрес во нивните службени простории, во домовите и во нивните автомобили. Осомничените од вчера се суспендирани од работа. Приведените не соработувале меѓусебно.
– Приведените подолго беа следени, а случаите против нив се документирани. Апсењата се резултат на претходно спроведени активности за утврдување на кривичното дело поткуп, а бројот на приведените лица не е конечен, изјави �
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско кој беше хоспитализиран поради пневмонија, во писмо повика на прекин на војните и дипломатски решенија за конфликтите.
Во писмото до весникот „Кориере дела сера“, папата рече дека неговата долга болест му помогнала да стане уште појасна „апсурдноста на војната“ и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите, велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска Бакингемската палата потврди дека кралот Чарлс ќе се сретне со папата Франциско меѓу 7 и 10 април, и покрај болеста на католичкиот водач.
Папата (88) беше примен во римската болница Гемели на 14 февруари со тешка респираторна инфекција и оттогаш не е виден во јавноста, пренесува Танјуг.
Регион
Во хрватскиот Сабор едноминутно молчење за загинатите во Македонија

Хрватскиот Сабор денеска со едноминутно молчење им оддаде почит на 59-те лица кои завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието Гордан Јандроковиќ.
Во пожарот што завчера избувна во „Пулс“ во Кочани, загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп-Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека „многу елементи“ од мировниот договор во Украина се веќе договорени со неговиот руски колега.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.