Свет
„Изгрев“ заложен за кредит од четири милиони евра без согласност од МПЦ
Прекршен е законот, зашто кредитот е земен без согласност од содружниците во фирмата, меѓу кои е и МПЦ, утврдиле странските ревизори
РЕВИЗИЈА ВО СТРУШКАТА ФИРМА „МИЛАДИНОВИ“
Прекршен е законот, зашто кредитот е земен без согласност од содружниците во фирмата, меѓу кои е и МПЦ, утврдиле странските ревизори
Хотелот „Изгрев“ кај Струга е ставен под хипотека за банкарски кредит од четири милиони евра без согласност од Македонската православна црква – еден од сопствениците на објектот, покажа ревизијата во фирмата „Миладинови“.
Кредитот, во два наврата, е земен од германската ЛХБ банка од Франкфурт, за него гарантирала словенечката фирма „Енгротуш“, а го подигнала струшката фирма „Миладинови“ во која, освен браќата Димитар и Ѓорѓи Миладинов, содружник е и МПЦ. Ревизорите утврдиле дека е прекршен Законот за трговските друштва, зашто ниту за кредитот ниту за хипотеката на хотелот нема согласност од содружниците во друштвото „Миладинови“.
Дознаваме дека ЛХБ банка повела истрага против одговорното лице што го одобрило кредитот без да побара одлука за согласност за задолжување на фирмата „Миладинови“ пред банката. Кредитот се’ уште не е вратен.
Во МПЦ вчера потврдија дека никогаш не дале согласност за задолжување на фирмата со кредит пред ниедна странска банка. МПЦ во 2001 година за околу 500.000 евра купила 59 отсто од акциите на хотелот, кој е во непосредна близина на црковниот комплекс Калишта. Купувањето го извршил струмичкиот митрополит Наум. Хотелот набрзо отишол во стечај поради долговите, кои исто така изнесувале половина милион евра. Објектот со лицитација го купила фирмата „Миладинов“ за 850.000 евра.
Неодамна Димитар Миладинов потврди дека како основач на фирмата се јавува и МПЦ, но рече дека таа не учествувала со никаков влог во нејзиното работење.
– Нема црковни пари во друштвото, ниту е префрлен некаков имот врз некој друг. Не гледаме причина за поврзување на злоупотребите со МПЦ. Ова се заткулисни афери со цел да и’ се направи штета на МПЦ – изјави тогаш Димитар Миладинов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.