Свет
Судството е под притисок на МВР
На фалбите за
реформските успеси во правосудството, вчера на состанокот на Советот за реформи
во правосудството професор Гордан Калајџиев од Правниот факултет предупреди
дека во моментов судството е под голем притисок и оти брзите реформски решенија
може да доведат до неконзистентност.
СОВЕТ ЗА РЕФОРМИ ВО ПРАВОСУДСТВОТО
На фалбите за
реформските успеси во правосудството, вчера на состанокот на Советот за реформи
во правосудството професор Гордан Калајџиев од Правниот факултет предупреди
дека во моментов судството е под голем притисок и оти брзите реформски решенија
може да доведат до неконзистентност. Тој вели дека актуелниот силен притисок на
МВР врз судиите не смее да доведе до тоа правната држава да се претвори во
полициска. Калајџиев додава дека се прават неконзистентни реформи во полицијата,
судството и во Обвинителството, па резултатот од тоа е некои нивни надлежности
да се испреплетуваат.
Министерот за правда Михајло Маневски и Бекир Исени, претседател на Судскиот
совет, кои генерално оценија дека реформите одат добро, по кој знае кој пат
апелираа до Собранието да ги избере останатите пет негови членови. "Пред
Судскиот совет претстои огромна работа која е определена со рокови со Законот
за судовите, Законот за судски совет и други закони од оваа област",
потсети Маневски. На тема состојба во казнено-поправните установи, пак, најави
изградба на дом – болница во затворот "Идризово", за наркозависниците
и за лица со инфективни болести.
Народниот правобранител Иџет Мемети, пак, смета дека паралелното постапување по
Законот за полагање правосуден испит и по Законот за Академија на обука на
судии и јавни обвинители како да го закочува системот. Во иднина, вели тој,
треба да се води сметка како ќе функционира Академијата и да се направи добра
анализа во однос на функционирањето на овој паралелен систем.
Исени има забелешка на актуелниот Закон за стечај и рече дека придонесува некои
стечаи да траат и по десет години. "Ако сакаме тие стечаи кратко да траат,
треба да се измени тој закон", предложи Исени. (С.К.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин за ракетата „Орешник“: „Моќта на масовниот удар е споредлива со нуклеарно оружје“
Рускиот претседател Владимир Путин изјави дека ракетата „Орешник“ има моќ што може да се спореди со нуклеарно оружје.
Тој на самитот на Организацијата за колективна безбедност (CSTO) во Астана објасни дека ракетата, чии елементи на удар достигнуваат температура од 4.000 степени, може да погоди високозаштитени објекти, дури и оние што се наоѓаат на големи длабочини, и сè што е во епицентарот на експлозиите се претвора во прашина, објави „РИА новости“.
Москва веќе има на располагање неколку ракети „Орешник“ и почна со големо производство на напредниот вооружен систем, додаде тој.
Свет
Во Германија уапсен лекар: осомничен за убиство на осум пациенти
Лекарот што годинава беше уапсен во Берлин е осомничен дека намерно убил осум од своите пациенти, а во некои случаи се обидел да ги прикрие доказите со палење, според истражителите.
Неименуваниот лекар, кој бил член на тимот за палијативна нега, во моментот на апсењето бил осомничен дека убил четворица постари пациенти во јуни и јули, а потоа се обидел да ги запали нивните станови, пренесуваат медиумите во регионот.
Полицијата и Обвинителството денеска соопштија дека се појавиле дополнителни случаи кога ги прегледале досиејата на пациентите и извршиле форензички прегледи на осомничените жртви, од кои две биле ексхумирани.
Тој првично беше уапсен под сомнение за убиство од небрежност, подметнување пожар и обид за палење. Обвинителите рекоа дека сега ги третираат случаите како убиства бидејќи се чини дека осомничениот немал друг мотив, освен да ги убие пациентите, според написите.
Тој е осомничен дека во јануари му дал смртоносна мешавина на лекови на 70-годишен старец. На почетокот на април следната жртва била 61-годишна жена. Неколку недели подоцна тој наводно убил 83-годишен старец.
Во четвртиот случај во јуни тој наводно убил 70-годишна жена во нејзиниот стан, а потоа го запалил. Пожарникарите успеале да спречат пожарот да се прошири на другиот дел од зградата, пишуваат медиумите во регионот.
Свет
На Германија ќе ѝ требаат дополнителни 288.000 странски работници секоја година до 2040
На германскиот пазар на труд се очекува да му бидат потребни 288.000 странски работници годишно до 2040, според новото истражување објавено оваа недела.
Анализата, спроведена за Фондацијата „Бертелсман“, покажува дека сегашното ниво на миграција на странски работници е значително помало од потребното.
Сузане Шулц, експерт за миграција во Фондацијата, изјави за ДПА дека треба да се отстранат бариерите и да се подобрат условите за мигрантите за да се задоволи растечката побарувачка. Друга проекција, заснована на малку понеповолно сценарио, сугерира дека Германија ќе има потреба од 368.000 странски работници годишно до 2040 година.
Според оваа проекција, од 2041 до 2060 година побарувачката се очекува благо да се намали на речиси 270.000 работници годишно благодарение на позитивните ефекти од претходната имиграција.
Според студијата, без нова имиграција, се очекува германската работна сила да се намали од 46,4 милиони на 41,9 милион работници до 2040 година, што е пад од речиси 10 отсто поради демографските промени.
Ова ќе се разликува од регион до регион. Истражувањето покажа дека работната сила во Северна Рајна-Вестфалија, најнаселената покраина во Германија, ќе се намали 10 отсто, што се смета за умерено.
Повеќе ќе бидат погодени државите како Тирингија, Саксонија-Анхалт и Сар. Дури и во економски силните региони, како Баварија, Баден-Виртемберг и Хесен, се очекува значителен недостиг на работна сила без прилив на странски работници.