Свет
Над 700 тужби против Македонија чекаат правда во Стразбур
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3117.jpeg)
Само за три месеци од 2007 година судот
во Стразбур досудил две пресуди на штета на државата, а
една од тужбите против Македонија била отфрлена како неоснована
СПОРЕД ЕВРОПСКИОТ СУД ЗА ЧОВЕКОВИ ПРАВА
Само за три месеци од 2007 година судот
во Стразбур досудил две пресуди на штета на државата, а
една од тужбите против Македонија била отфрлена како неоснована
Над 700 тужби против Македонија годинава чекаат судска разврска пред
Европскиот суд за човекови права во Стразбур. Се очекува тужбите да бидат
разгледани до крајот на 2007 година. Иако голем дел од тие тужби ќе бидат
отфрлени, најчесто поради нецелосна документација, сепак, статистиката покажува
дека расте бројот на пресуди против државата пред судот во Стразбур.
Македонски државјани се’ почесто ја тужат државата во Стразбур за кршење на
човековите права, незадоволни што македонските судови со години не можат да
донесат правосилна одлука. Најновата анализа на Европскиот суд покажува дека за
годинава има 726 тужби во кои е тужена државата Македонија. Само за три месеци
од 2007 година судот во Стразбур досудил две пресуди на штета на државата, а
една од тужбите против Македонија била отфрлена како неоснована.
Според судијката Маргарита Цаца-Николовска, судија во Европскиот суд, бројката
на тужби против Македонија е голема ако се земе предвид бројот на жители во
државата.
Во минатата година судот во Стразбур пресудил дури 8 случаи против Македонија.
Ако се споредат податоците со изминатите осум години, тогаш ќе се утврди дека
лани биле донесени над 60 отсто од сите пресуди против Македонија.
Првата пресуда против државата била донесена во 2001 година. Во наредната
година имало еден случај на спогодбена одлука меѓу државата и тужителот.
Оттогаш дури три години Македонија не загубила ниту една тужба пред судот во
Стразбур. Во 2005 година Европскиот суд четири пати и’ пресуди на бавната
правда на македонските судови. Двојно повеќе пресуди Македонија загуби лани.
Според македонскиот Хелсиншки комитет, загубените пресуди во 2006 година
Владата на Македонија ќе ја чинат околу 90.000 евра.
БАВНОТО СУДСТВО ЈА ПРАЗНИ ДРЖАВНАТА
КАСА
Најчеста причина поради која македонските граѓани се одлучуваат да ја тужат
сопствената држава е неефикасноста на судскиот систем. Бавното судство е
рак-рана поради која се губат предмети во Стразбур, тврдат и во државниот
Управен инспекторат.
– Најчесто апликантите од Македонија се жалат на должината на судските
постапки, но има тужби и по други повреди на Европската конвенција за човекови
права – вели судијката Маргарита Цаца-Николовска.
Во Хелсиншкиот комитет на Македонија велат дека одолжувањето на судските
постапки во Македонија најчесто е поради бавноста во одлучувањето на Врховниот
суд. Во Комитетот тврдат дека основните проблеми се пасивноста на органите на
судската власт, лошата организација на судството, пинг-понг со судските
предмети, неажурност и други проблеми.
– Европскиот суд нема утврдено точно колку време е потребно да помине пред
донесување конечна судска одлука за една постапка да се води како судење во
неразумен рок. Судот, сепак, има воспоставено стандарди во делот на повреда на
правото на судење во разумен рок, кое е условено од вкупното траење на
постапката – вели Јелена Јовановска-Брезоска, надворешна соработничка на
Комитетот.
СЕ ЧЕКА ОДЛУКА ЗА ТУЖБИ ОД
2001 ГОДИНА
Доказ дека и Европскиот суд за човекови права во Стразбур долго време ги решава
процесите против државите е фактот што пред судот во моментов се одлучува за
тужби од 2003 и 2004 година, но има и голем број преостанати предмети од 2001
година.
Двата предмета против Македонија за кои годинава беше одлучено потекнуваат од
2001 година. Во првиот случај, Европскиот суд за човекови права во Стразбур ја
осуди Македонија на парична казна од над 12.000 евра за полицискиот ќотек врз
штипјанецот Јашар Перушан, што се случил пред седум години. Во вториот случај,
пензионерот Томислав Доцевски (74) од Куманово доби спор против државата
бидејќи Врховниот суд на Македонија осум години одлучувал дали тој може да
добие поголема пензија од онаа што му ја доделил Фондот за пензиско и
инвалидско осигурување. Судот во Стразбур нему му досуди 3.600 евра за
нематеријална отштета, а остатокот од неговите барања биле отфрлени.
Се очекува бројот на тужби против Македонија да расте во наредните години.
Александар Манасиев
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.