Свет
На Гркот му го продале и селото Самоков
Точно 120.000 квадратни метри од околината на фабриката за оружје
„Сувенир“ од Самоков, во кои безмалку влегува и самото село, му биле дадени на
Василиос Пападопулос, грчкиот бизнисмен што лани ја купи фирмата за 500.000
евра.
НЕВЕРОЈАТНА РАСПРОДАЖБА НА „СУВЕНИР“
Точно 120.000 квадратни метри од околината на фабриката за оружје
„Сувенир“ од Самоков, во кои безмалку влегува и самото село, му биле дадени на
Василиос Пападопулос, грчкиот бизнисмен што лани ја купи фирмата за 500.000
евра.
Драган Филиповски, новиот стечаен управник на „Сувенир во стечај“ бил шокиран
кога деновиве му стигнало писмо од Пападопулос, во кое тој бара ова земјиште да
му биде впишано како негова сопственост во катастарските документи.
– Не ни помислувам на такво нешто. Не е моја работа јас да му го впишувам
земјиштето. Но, факт е дека во купопродажниот договор стои дека му се дава на
инвеститорот ова земјиште. Среќна околност е што за да го добие во владение,
стои во договорот, треба да се добие согласност од Владата. Не пишува од кое
министерство треба да се добие согласност – вели Филиповски.
Тој објаснува дека станува збор за огромна парцела, пасишта и шуми во околината
на фабриката што се сопственост на државата. Земјиштето, како и целото Порече,
изобилува со преубава природа, полна со дивеч. Кога „Време“ беше во Самоков,
забележавме дека во близината на фабриката се направени и неколку рибници.
Стечајниот управник е убеден дека Владата нема никогаш да се согласи да му ги
даде тие 120.000 квадратни метри на Пападопулос. Филиповски смета дека станува
збор за ненамерна грешка на неговиот претходник, како и на Одборот на
доверители.
Тодор Пашоски, неговиот претходник, е во притвор. Според полицијата, само тој и
проценителот Коста Ацески се одговорни за „Сувенир“. Во ова ретко кој од
поранешните вработени верува.
– Давањето на земјиштето е направено само од незнаење, не верувам дека станува
збор за криминал – смета стечајниот управник.
И додека Пападопулос го бара во владение ова земјиште, пред околу две недели,
како што не информираа поранешните вработени, ги испратил дома четириесетината
работници што ги реновирале халите на фабриката.
Неговата одлука беше донесена по средбата со вицепремиерот Зоран Ставревски.
Неофицијално, од Владата велат дека ставањето катанец на фабриката нема никаква
врска со средбата меѓу Ставревски и Пападопулос.
Во меѓувреме, стечајниот управник Филиповски се обидува да ги собере сите
доверители на „Сувенир“.
– Конечно ќе се собереме денеска во 14 часот. Од нивните одлуки ќе зависат
моите понатамошни потези – информира Филиповски.
Сегашниот стечаен управник, за разлика од неговиот претходник, нема намера да
ангажира ревизорска куќа, која ќе треба да утврди дали се почитувани клаузулите
од купопродажниот договор.
– Сметам дека можам да предложам раскинување на договорот, бидејќи е очигледно
дека фабриката не работи и не можат да се ангажираат 120 работници до крајот на
минатата година, како што беше предвидено во договорот. Ако на инвеститорот ова
не му се допаѓа, нека си ангажира и плати ревизорска куќа – дециден е
Филиповски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.