Свет
Рудникот приватен, рудата државна
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3412.jpeg)
Компанијата „Индо минерали“
бара да ја купи флотацијата и тврди дека таа ќе биде неупотреблива ако Владата
му ја продаде на друг сопственик
Компанијата „Индо минерали“
бара да ја купи флотацијата и тврди дека таа ќе биде неупотреблива ако Владата
му ја продаде на друг сопственик
Компанијата „Индо минерали и метали“ (ИММ), која е
сопственик на целиот рудник Тораница, освен на флотацијата, бара од Владата да
им го продаде и тој сегмент за да почнат со производство. Во ИММ велат дека се
подготвени да платат два милиона долари за флотацијата, колку што изнесува и
нејзиниот хипотекарен долг. – Проблемот се провлекува една година и Владата
треба што поскоро да го реши за да почнеме производство – вели генералниот менаџер
Апхој Прасад Мухарџи.
Според имотниот лист, флотацијата е под хипотека на Алмако банка, а државата се
јавува како нејзин продавач. Досега се распишани три јавни огласи од кои
последниот, со одлука на Основниот суд во Куманово, е запрен по барање на ИММ.
И покрај тоа што оваа компанија на вториот оглас ја уплатила целата сума од два
милиона долари, стечајниот управник им ги вратил парите, со образложение дека
уплатата е задоцнета. Во меѓувреме тој поднесол и тужба за раскинување на
купопродажниот договор за рудникот, што според ИММ е правно неиздржано.
– Целиот имот на Тораница е наша сопственост. Според купопродажбениот договор,
треба да склучиме посебен договор за флотацијата со хипотекарниот доверител.
Според договорот за концесија, должни сме да почнеме со експлоатација во рок од
шест месеци по потпишување на договорот за флотацијата. Меѓутоа тоа до денес не
е направено, иако нашиот бизнис-план веќе е прифатен од Владата. Поради тоа
цела година и’ се прави штета на компанијата и на регионот, бидејќи не можат да
се вработат нови 200 работници во флотацијата – вели Мухарџи.
Од ИММ тврдат дека флотацијата ќе биде неупотреблива ако му се даде на друг
сопственик, бидејќи овој објект е нераскинлив дел од целиот процес на
производство и не може да функционира одвоено.
– Најголем проблем е што јаловиштето е сопственост на ИММ, така што отпадните и
опасните материи од флотацијата нема каде да се складираат. И водата и струјата
се дел од рудникот, а и физички е неизводливо да се изврши дотур на рудата во
флотацијата од страна на друг сопственик – вели менаџерскиот тим.
Од ИММ се надеваат дека Владата и премиерот Груевски наскоро ќе им одговорат на
нивниот предлог за купување на овој објект. Тие во Злетово и во Тораница досега
инвестираа над шест милиони долари, како и 8,6 милиони долари за тешка рударска
опрема, која ќе почне да пристигнува од наредниот месец. Со зголемување на
нивното производство вкупните инвестиции ќе ја надминат бројката од 20 милиони
долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.