Свет
Исчезнала целата електронска комуникација на Бучковски
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2308.jpeg)
Никаде во Владата ја нема електронската комуникација што Владо Бучковски ја
водел како премиер.
ГО НЕМА МЕЈЛ-СЕРВЕРОТ НА
ПРЕТХОДНАТА ВЛАДА
Сунчица Стојановска
Никаде во Владата ја нема електронската комуникација што Владо Бучковски ја
водел како премиер. Не само што ги нема службените мејлови што Бучковски ги
испраќал и ги добивал како претседател на владата туку се исчезнати и фајлови,
мејл-серверот и хард-дисковите, велат владини извори.
Министерството за внатрешни работи повело постапка за овој случај.
– За историјата на секоја држава е важна комуникацијата што ја води кабинетот
на нејзиниот премиер. За ваква работа треба да се бара не само кривична туку и
политичка одговорност – велат во Владата.
Исчезнувањето на мејл-серверот било забележано веднаш откако Никола Груевски ја
презеде премиерската функција.
– Има две мрежи, едната е на претседателот на Владата, другата на Генералниот
секретаријат. Го нема само домејнот на премиерот. Со втората мрежа се е во ред
– велат владини извори.
Во кабинетот на Груевски веднаш забележале дека го нема серверот. Новата влада
првите неколку недели од мандатот се обидувала да го воспостави системот.
– Сега мрежата на премиерот функционира одлично. Но, нема ништо од
комуникацијата што четири години се водела на ниво на кабинет на претседател на
влада. Тоа е недозволиво за една држава – велат во Владата.
Бучковски е вчудовиден од ваквите тврдења.
– Првпат слушам. Ме изненадува од каде сега вакво нешто, девет месеци по
примопредавањето на кабинетот. Јас бев премиер 18 месеци, а не четири години. И
не се занимавав со техничките работи, тоа го прават други служби – ни изјави
Бучковски.
Пред него на премиерската функција беше Хари Костов.
По електронски пат понекогаш неофицијално и официјално се комуницира и со
претседатели и со премиери на други држави. Има земји во светот што ги снимаат
дури и телефонските разговори на државниот врв и ги преслушуваат по неколку
години, кога за тоа ќе се укаже потреба. Во Владата велат дека тоа не е
практика и во Македонија.
Во Државниот архив се чуваат единствено пишани документи.
Истрагата треба да покаже како е можно целиот сервер во Владата да исчезне,
дали е тоа сторено намерно или станува збор за технички проблем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.