Свет
Еленовски ги менува комисиите за јавни набавки како чорапи
Министерството за одбрана го мести најдобриот понудувач на тендерот за нафтени
деривати, масло и антифриз, зделка тешка околу 7 милиони денари, се сомневаат
претставници на фирми, учеснички на јавниот повик чии понуди беа отворени во
минатиот вторник, на 29 мај.
ГО МЕСТИ ЛИ МО ТЕНДЕРОТ ЗА НАФТЕНИ
ДЕРИВАТИ?
Министерството за одбрана го мести најдобриот понудувач на тендерот за нафтени
деривати, масло и антифриз, зделка тешка околу 7 милиони денари, се сомневаат
претставници на фирми, учеснички на јавниот повик чии понуди беа отворени во
минатиот вторник, на 29 мај. Дознаваме дека на самиот ден кога требало да се
отворат понудите на фирмите, министерот за одбрана Лазе Еленовски го сменил
составот на комисијата за јавни набавки иако нејзините членови биле избрани
само една недела пред тоа. Токму поради ваквите „сомнителни активности на
министерот“, како што велат нашите извори, доцнело и отворањето на понудите –
требало да почне во 10 часот, а тоа се случило дури половина час подоцна, што е
спротивно на Законот за јавни набавки.
Еленовски, како што може да се види и од документацијата што ја поседува
„Време“, во рок од една недела донел две решенија за формирање комисија за
јавни набавки на нафтени деривати – едното на 22 мај, а другото на 29 мај, на
денот на отворањето на понудите. Во Министерството за одбрана потврдуваат дека
Еленовски ги потпишал двете решенија и за многу кратко време направил промени
во комисијата. Но, тврдат дека постапил согласно со законот бидејќи имал право
да ги назначува членовите на комисијата. Во постапката на министерот, како што
не уверуваат во МО, нема ништо незаконско, ниту пак има задни намери – местење на
јавните набавки што биле предмет на јавниот повик одржан во минатата недела.
Надлежните објаснуваат дека кога ќе заврши процената на понудите и кога јавно
ќе биде обелоденет најповолниот понудувач, ќе се докаже дека ниту Еленовски,
ниту кој било во надлежното министерство имал намера да го намести тендерот.
На прашањето на „Време“ зошто министерот бил принуден во последен момент да го
смени составот на комисијата, која немала спроведено ниту една набавка, и да го
задоцни отворањето на понудите, одговорните во МО само креваат раменици. И се
повикуваат на законското право на министерот да менува и да назначува членови
на комисиите за јавни набавки. Освен за нафтени деривати, оваа комисија има
задача да ги спроведува постапките за јавни набавки на гуми, моторни и товарни
возила, резервни делови за моторни возила, противпожарна опрема и одржување
моторни возила.
– Не знаеме што се случувало во Министерството за одбрана и што правел
министерот со комисиите за јавни набавки, но факт е дека отворањето на нашите
понуди доцнеше половина час. Да беше обратна ситуацијата, да доцнеше нашиот
претставник макар и десет минути, немаше да му биде дозволено да присуствува на
отворањето, ниту пак ќе беше разгледана нашата понуда – велат во една скопска
фирма што учествува на тендерот, но нејзиниот претставник инсистираше на
анонимност додека не бидат обелоденети резултатите од јавниот повик.
Токму поради овие причини нашите соговорници засега не го соопштуваат
идентитетот, но велат дека сите нивни забелешки ќе ги напишат во жалбите до
второстепена владина комисија откако ќе биде затворен тендерот.
Еден човек
за две комисии
Зоран Диновски, од Секторот за логистика и недвижности, кој е назначен за
заменик-претседател на комисијата за јавни набавки, е претседател и на комисијата
за градежништво, реагираат нашите извори. Диновски во комисијата за јавни
набавки што била избрана на 22 мај, на која не и било судено да почне да
работи, бил избран за заменик-член, а за една недела бил назначен за
заменик-претседател.
– Не се сомневаме во стручноста на Диновски, но има конфликт на интереси со тоа
што тој води две комисии. Зарем не можеше министерот да најде друг човек за
комисијата за јавни набавки. Па, нели е срамота во околу 9.000 вработени во МО
и во АРМ да не се најде друго стручно лице – реагираат претставници на фирми
учеснички на тендерот за нафтени деривати, гуми…
Во МО за ваквите забелешки велат дека се тенденциозни затоа што министерот
сакал за заменик-претседател на комисијата за јавни набавки да назначи стручен
човек со искуство бидејќи станувало збор за многу сложена проблематика и
одговорна работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот...
Понижувани сме и навредувани, стравуваме дека прозивките ќе преминат во лични напади, реагираат Даштевски и уште петмина од ДИК
Претседателот на Државната изборна комисија (ДИК), Александар Даштевски, и членовите Радица Ристеска, Оливер Ристовски, Борис Кондарко, Бобан Стојаноски и Абдуш...
Рама до Бугарија: Ја блокирате Северна Македонија за да покажете дома колку сте силни, политиката е антиевропска
Албанскиот премиер Еди Рама упати критики до официјална Софија и до сите ЕУ-членки што користат билатерални прашања за блокади на...
Кривичен суд го добил барањето од Палевски за адвокат
Кривичниот суд го добил барањето од Истражниот затвор „Скопје“ во Шуто Оризари за ангажирање адвокат што ќе го застапува осомничениот...
Екстрадиран Бесим Красниќи
Министерството за внатрешни работи ја известува јавноста дека полициски службеници од Секторот за меѓународна полициска соработка при МВР и Единицата...
„Европскиот фронт“: Ниту една влада не може да го раскине договорот со конзорциумот „Бехтел и Енка“
„Европскиот фронт“ смета дека е неприфатлив и невозможен чин раскинувањето на договорот со „Бехтел и Енка“. „Ниедна влада не може...
Грчкиот министер: Договорот од Преспа е текст со огромни проблеми, лага е дека сум учествувал во изготвувањето
Грчкиот министер за надворешни работи, Јоргос Герапетритис, негира дека тој или неговата правна канцеларија го подготвиле или учествувале во изготвувањето...
Пронашле граната од Првата светска војна и ја однеле во Полициската станица Берово
Регионалниот ЦУК Штип известува дека, вчера, во 12.30 часот, во станицата на Полициската станица Берово беше донесено неексплодирано убојно средство,...
Извикал „Робо, дај ми рака“, па пукал кон словачкиот премиер – кој е човекот што стои зад атентатот на Фицо
Словачкиот премиер Роберт Фицо, кој беше застрелан во средата, сѐ уште е во тешка состојба. Според словачките медиуми, се очекува тој...
(Видео) Напад на синагога во Франција, полицијата го уби напаѓачот
Француската полиција уби вооружен маж, кој се обиде да запали синагога во северозападниот град Руан, соопшти францускиот министер за внатрешни...
Орбан: Фицо е меѓу животот и смртта
Словачкиот премиер Роберт Фицо е меѓу животот и смртта два дена по атентатот што ја шокира Европа, изјави унгарскиот премиер...
(Видео) Огромно невреме во Хјустон, четворица мртви, градот во мрак: „Не излегувајте“
Силна бура со урагански ветрови го зафати Хјустон вчера, однесе најмалку четири животи, искрши прозорци на облакодери и остави 800.000...
Моќната сестра на Ким Џонг-ун за испраќањето оружје во Русија: Тоа е фикција
Ким Јо Јонг, моќната сестра на севернокорејскиот лидер Ким Џонг-ун, повторно негира дека разменилe оружје со Русија, објави државната новинска...
(Видео) Украинците ги нападнаа Крим и два руски града, одекнуваат експлозии, избувнуваат пожари
Пристанишниот град Севастопол на окупираниот Крим е нападнат трета ноќ по ред. Десетици беспилотни летала го нападнаа Севастопол и блискиот...
Управен оформи предмети за седумте тужби на „Европскиот фронт“ против решенијата на ДИК
Управниот суд оформи седум предмети за поднесените тужби од „Европскиот фронт“, кои се против одлуката на Државната изборна комисија (ДИК)...
Демири не кажа дали договорците од Токсикологија се стручни: „Тоа прашање требаше да го поставите лани“
Министерот за здравство, Илир Демири не кажа дали осумнаесетте договорци од Токсикологија се стручни, туку рече дека бил загрижен за 18-те...
Разговорите помеѓу ВМРО-ДПМНЕ и Вреди за составот на новата Влада ќе продолжат и во наредниот период
Денес се одржа работна средба помеѓу работните групи на ВМРО-ДПМНЕ и коалицијата Вреди во просториите на седиштето на ВМРО-ДПМНЕ. Од...
Мицкоски: Во моментот ВМРО-ДПМНЕ има консолидирано точно 61 пратеник
При денешното обраќање во рамки на Самитот Македонија 2025 којшто се одржува во хотел Мериот во Скопје претседателот на ВМРО-ДПМНЕ...
Ахмети најнеомилен, а Димитриевски ги надмина Мицкоски и Ковачевски по популарност, според последните анкети
Според објавената анкета на Центарот за aнкетни истражувања на Меѓународниот републикански институт, Максим Димитриевски е политичарот за кој 48 отсто...
Германските компании ги испорачаа своите желби до новата влада: „Бизнис-климата е добра, но недостигот на стручни кадри е најголем ризик за инвестирање
Бизнис-климата во земјата е добра или многу добра, но има тренд на благо намалување на планираните инвестиции, а една од...
