Свет
Контрадикторности ја кријат вистината за „Хард-рок“
Нејаснотии, нелогичности и мистерии го следат петочниот инцидент во
скопската дискотека „Хард-рок“.
Нејаснотии, нелогичности и мистерии го следат петочниот инцидент во
скопската дискотека „Хард-рок“. Во Министерството за внатрешни работи велат
дека и натаму трагаат по групата од петнаесетина момчиња кои претепаа двајца
полициски инспектори од Одделот за организиран криминал пред дискотеката
преполна со гости. Инспекторите, откако беа сослушани во полициската станица
„Бит-пазар“, поради тешките повредите биле хоспитализирани, но веднаш потоа се
пуштени дома. Од болница излегоа и двајцата повредени од обезбедувањето на
агенцијата „Лупус“, за кои полицијата тврди дека се обиделе да ја раздвојат
разбеснетата толпа. Од Градската болница информираат дека полесно повредениот
веднаш бил пуштен дома, додека другиот кој имал контузии на главата, градниот
кош и тилот, на свој ризик вчераутро излегол од болница. Мотивите за инцидентот
се’ уште не се познати.
Секторот за внатрешна контрола при МВР вчера цел ден ги „чешлаше“ касетите од
видеокамерите на дискотеката, кои би требало да помогнат при идентификување на
учесниците во инцидентот и натамошно расветлување на случајот. Засега
единствено се знае дека кривична пријава ќе биде поднесена против еден од
двајцата инспектори, кој пукаше во подот од дискотеката, доведувајќи ги во
опасност животите на останатите учесници во инцидентот. На двајцата инспектори
им е извршена анализа на крвта, која треба да покаже дали и колку биле под
дејство на алкохол, а се врши и испитување на седумте чаури пронајдени во
дискотеката и надвор од неа.
Околу петочната тепачка се испреплетуваат бројни контрадикторности и
нејаснотии. Молк владее кај сите оние што би можеле да имаат некакви сознанија
за инцидентот. Во меѓувреме, во недостиг од официјални информации, се шпекулира
дека настанот има политичка заднина. Многумина ги изненади тоа што полицијата
веднаш организираше прес-конференција на која избрзани ја лоцираше вината за
инцидентот кај своите инспектори, додека за другите учесници нема никакви
информации. Тоа се поврзува, пак, со блискоста на опкружувањето на премиерот со
агенцијата „Лупус“.
Според други, пак, причините за инцидентот биле банални. Тие тврдат дека
двајцата инспектори, кои не биле на должност, најверојатно под дејство на
алкохол, се скарале со тројца гости во дискотеката. Караницата прераснала во
тепачка, па кога инспекторите се упатиле кон излезот на клубот за да ги
избегнат ударите, едниот од нив бил совладан. Тогаш другиот инспектор пукал во
земја, по што куршумите се одбиле и едниот од нив завршил во ногата на еден од
обезбедувачите од агенцијата „Лупус“. Набргу во припомош на тројцата гости им
дошле десетина другари, кои се вклучиле во тепачката. Очевидци тврдат дека се’
се случувало со голема брзина. На влезот на дискотеката настанал општ хаос, во
кој не се знаело кој кого удира и тепа.
Иако се шпекилира дека во тепачката имало најмногу припадници од агенцијата
„Лупус“, ваквите информации не може никој да ги потврди. Во текот на вчерашниот
ден неколкупати се обидовме да контактираме со одговорните лица во агенцијата,
оттаму никој не сакаше да ни даде објаснување за она што се случувало ноќта
спроти саботата. Сепак, постојат одредени сомнежи дека во инцидентот
учествувале обезбедувачи, но и полицајци кои прекувремено работат за приватни
агенции за обезбедување.
Од МВР се категорични во отфрлањето на ваквите обвинувања. „МВР ќе ги
санкционира своите вработени кои употребиле оружје на јавно место и со тоа го
загрозиле животот на невини луѓе. Сите информации што ги имаме укажуваат дека
зад овој случај се крие банална расправија и дека нема никаква политичка
заднина. Во исто време, полицијата се обидува да го открие идентитетот на
тројцата кои првично учествувале во тепачката со двајцата инспектори“, велат во
МВР.
Министерката за внатрешни работи Гордана Јанкулоска вчера најави дека ги
очекува во најскоро време резултатите од истрагата во врска со тепачката што се случи завчера кај дискотеката „Хард-рок“. Во инцидентот, според министерката, учествувале
двајца полициски инспектори од Одделението за организиран криминал и поголема
група засега неидентификувани граѓани. „По резултатите, ќе имаме појасна слика
кој е виновен за настанот. Во текот на денов ќе бидат
разгледани снимките од внатрешните камери на обезбедувањето на дискотеката и во
зависност од тоа што ќе покажат, Министерството ќе излезе со дополнителни
информации“, рече вчера Јанкулоска. (Д.Т.-Г.А.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.