Свет
Поранешен државен секретар осомничен за матните зделки со М48
Поранешен државен секретар и шеф на Секторот за финансии и управување со
ресурси на Министерството за одбрана е осомничен за продажбата на 30.000 пушки
од моделот М48, потврдуваат извори од Министерството за одбрана.
ИСТРАГА ЗА ПРОДАЖБАТА НА
ПАРТИЗАНСКАТА ПУШКА
Поранешен државен секретар и шеф на Секторот за финансии и управување со
ресурси на Министерството за одбрана е осомничен за продажбата на 30.000 пушки
од моделот М48, потврдуваат извори од Министерството за одбрана. Лазе
Еленовски, министерот за одбрана, неодамна потврди дека е почната интерна
истрага за овој случај. Од МВР велат дека се уште не биле вклучени во
предистражните дејства за овој случај.
Продажбата на 30.000 нови парчиња од моделите М48 и М48А на американската
компанија „Мичел Маузер“ била направена некаде во 2002 година. Зделката стана
сомнителна откако сопственикот на американската компанија Дон Мичел за „Време“
изјави дека платил само 40 долари за пушка, а од друга страна ова оружје како
екстравагантно го продава за 1.000 долари од парче. Сомнежите уште повеќе се
зголемија и кога во МО го пронајдоа досието и открија дека на него има печат
„строгодоверливо“, иако се работи за оружје што нашата армија одамна не го
користи. Досието беше отворено по барање на „Време“.
Дополнително, Александар Генчов, советникот на Еленовски, соопшти дека всушност
пушките му биле продадени на посредникот, скопската фирма „Микеи
интернационал“, за 25 долари од парче, и тоа не за пари туку за компензација во
куршуми. Како што објасни Генчов, во досието има неколку анекси за стара и нова
муниција. Куршумите му биле испорачувани на МО до 2006 година. Сомневањата се
дека на ваков начин е намалена вредноста на продаденото оружје на 10 долари од
пушка.
Од МО немаше потврда, ниту демант дали се продадени уште пушки од резервите на
АРМ, за кои неофицијално дознаваме дека изнесуваат околу 120.000 пушки. Мичел,
пак, е упорен во намерата да ги купи сите М48 што МО е подготвено да ги
продаде.
Дознаваме дека во МО, по написите во „Време“, стигнале реакции од поранешни
македонски офицери на ЈНА, кои донеле документи во кои стоело дека купиле дел
од пушките. Нив во периодот 1989/90 година им било дозволено од тогашното
раководство на ЈНА да ги купат М48 како ловечко оружје. Им биле закинувани рати
од платите, вкупно 100 долари за пушка, но оружјето никогаш не го добиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.