Свет
11 години затвор за дилање 19 килограми хероин
"Обвинетиот Исмет Нухи е виновен за кривично дело неовластено
производство и пуштање во промет на наркотична дрога – 18, 950 килограми хероин
и Судот му изрекува затворска казна од 11 години", е пресудата која вчера
беше изречена во Основниот суд 1 во Скопје.
ПРВА ПРЕСУДА ВО НОВАТА СУДНИЦА ЗА СУДЕЊЕ СЛУЧАИ ОД ОРГАНИЗИРАН КРИМИНАЛ
"Обвинетиот Исмет Нухи е виновен за кривично дело неовластено
производство и пуштање во промет на наркотична дрога – 18, 950 килограми хероин
и Судот му изрекува затворска казна од 11 години", е пресудата која вчера
беше изречена во Основниот суд 1 во Скопје. Ова е прва пресуда изречена во
новата специјализирана судница за случи од организиран криминал.
За Нухи ова е втора пресуда. Тој бил осуден во отсуство на 12 години затвор. По
три години бегство, во април годинава полицијата го уапси и, по негово барање,
постапката е повторена. За истото дело на затворски казни од по десет години се
осудени Генци Фејзула и Петрит Ѓика, на седум години е осуден Јонуз Мазреку, а
на Алија Реаџаи, кој е во бегство и се бара со потерница, му е изречена 12-годишна
затворска казна.
Според обвинението, на 12 декември 2004 година осудениот Фејзула, заедно со
осудениот Алија од Истанбул, Турција, од непознати лица купиле 18 килограми и
950 грама хероин. Дрогата била донесена во Скопје и ја чувал Нухи. Била спакувана
во 38 пакувања во картонска кутија. Неколку дена подоцна Фејзула и Мазреку, кои
се албански државјани, дошле во Скопје и заедно со Алија и Нухи се договарале
за преземање на дрогата за да биде продадена во Албанија. Сите се нашле на
паркинг на скопско Кале каде што Нухи и Ѓика хероинот го ставиле во товарно
возило – фургон, и тоа 17 пакувања во резервната гума и 21 пакет во специјално
направен бункер. Ѓика заминал со фургонот, а Фејзула и Мазреку со
"мерцедес". Биле фатени на излез од Скопје.
Целата операција ја следела полицијата кој применила посебни истражни мерки на
следење и снимање на групата дилери.
Во текот на судењето Нухи се бранел со молчење. Во завршен збор неговиот
адвокат побарал ослободителна пресуда оти тој, наводно, бил соработник на полицијата
и уфрлен човек во организираната група. Еден од осудените, кој во случајот е
сведок, го препознал Нухи во судница на видеолента.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.