Свет
Мрежата на Суботиќ се кине и во Македонија?

Како што изминуваат деновите по апсењето на
криминалната група на Станко Суботиќ Цане, така се компликуваат и истрагите за
можната поврзаност со шверцот на цигарите на црногорските политичари Мило
Ѓукановиќ и Светозар Маровиќ и на македонскиот политичар Бранко Црвенковски.
ТУТУНСКА
МАФИЈА
Како што изминуваат деновите по апсењето на
криминалната група на Станко Суботиќ Цане, така се компликуваат и истрагите за
можната поврзаност со шверцот на цигарите на црногорските политичари Мило
Ѓукановиќ и Светозар Маровиќ и на македонскиот политичар Бранко Црвенковски.
Јавните обвинителства на Црна Гора и на Македонија молчат и не реагираат во
склад со своите овластувања, но сепак својата работа ја привршуваат
германското, италијанското и српското обвинителство.
На 15 март во Германија беше притворен Андрија Драшковиќ, еден од главните
учесници во шверцот со цигарите на Балканот, кој од неодамна е префрлен во
Италија, а од минатата среда на маса има отворена понуда да добие статус на
заштитен сведок. Наши извори од Црна Гора тврдат дека обрачот околу Цане
Суботиќ е затворен токму по „пропејувањето“ на Драшковиќ и на Михаљ Кертес,
поранешниот прв цариник во Србија, кој по двомесечниот притвор, преку својот
исказ, само ја дефинирал улогата на властите на Србија и на околните соседни
држави во шверцот на цигари.
Дополнителен товар за Ѓукановиќ и Маровиќ е минатогодишниот медиумски настап на
Суботиќ и неговото тврдење дека е личен пријател со Мило Ѓукановиќ и Светозар
Маровиќ, дека им кредитирал купување авион, кој црногорската влада бескаматно
го отплатила. Тој се фалел дека покрај нив и Зоран Ѓинѓиќ се возел со авион од
неговата приватна флота, дека таму бил и американскиот амбасадор Вилијам Монтгомери,
дека еден од пилотите што за него работат е и синот на поранешниот началник на
државната безбедност на Србија Јовица Станишиќ, дека бил овластен дистрибутер
за големи светски тутунски компании за новоформираните балкански држави…
Суботиќ е пријател и со Вања Бокан, зет на началникот на воените
контраразузнавачи Недељко Бошковиќ. Тој е убиен на 7 октомври 2000 година во
Атина, на прагот на неговата куќа во Глифада. Ликвидиран е од рафална стрелба,
еден ден по ТВ-интервју за една грчка телевизија на кое најавува дека ќе каже
се што се случувало на планот на шверцот на цигари и дека ќе ја осветли улогата
на Марко Милошевиќ, синот на Слободан Милошевиќ. Сопругата на Вања Бокан, по
неговата ликвидација, повеќепати јавно го посочуваше Суботиќ како нарачател на
убиството на Бокан.
Блискоста на Ѓукановиќ и Суботиќ беше манифестирана и преку вработувањето на
Душан Бан (кум на Ѓукановиќ!) како шеф на филијалата на компанијата „Миа“ во
Подгорица. Загрепскиот неделник „Национал“ неколку години ги опишуваше ликот и
делото на Суботиќ, за што овој неделник и сопственикот Иво Пуканиќ добија 120
тужби за клевета и навреда. Пишуваа за скапоцените часовници „ролекс“ на
Ѓукановиќ, за исплатените провизии од шверцот на цигари, за купениот стан во
Париз за Светозар Маровиќ, за купената вила „Монтенегро“ на црногорскиот брег.
По оваа афера Суботиќ куќата ја претворил во хотел од затворен тип, достапен
само за неговите пријатели и партнери.
Суботиќ од пред четири години стана и партнер на ВАЦ во Србија и Црна Гора во
делот на дистрибуцијата на весниците. На крајот од 2003 година, Бодо Хомбах,
извршниот директор на ВАЦ, и Цане Суботиќ во Белград регистрираат заедничка
компанија „Футура плус“ (50:50). Директор на оваа мрежа по преземањето станува
Валтер Пертот, Хрват со италијанско потекло, поранешен колега на Коста
Јанковски, претставникот на ТДР „Ровињ“ за Македонија, додека работеа за БАТ
(Бритиш Американ Тобако).
Колку е големо личното пријателство на Суботиќ со Ѓукановиќ, покажува и
прославата на роденденот на синот на Мило, во декември 2006 во еден ексклузивен
ресторан во Подгорица. Присуството на Цане со сопругата на тој чин, како и
нивното присуство на роденденот на сопругата на Ѓукановиќ, во април годинава е
најдобар доказ за нивната блискост. Се шпекулира и за подароците на Суботиќ на
двете прослави – „порше“ и скапоцен златен ѓердан „булгари“. Последна јавна
манифестација на која Мило и Цане се видени заедно и притоа фотографирани, е
доделувањето на престижната награда за туризам, чиј покровител е фондацијата
„Доналд Трамп“.
Посебно место на списокот на пријатели и деловни соработници на Цане Суботиќ е
и Срѓан Керим, за кого во Црна Гора се зборува всушност дека бил главниот
посредник во поврзувањето на Хомбах и Суботиќ, односно во основањето на „Футура
плус“. Главното престојувалиште на Керим за време на неговите деловни престои
во Црна Гора е токму вилата „Монтенегро“. Последен пат во оваа вила Керим е
виден на 13 ноември 2006. Се одјавил на рецепцијата во 18 часот и од Црна Гора
за Скопје одлетал со црногорскиот владин авион, во аранжман на Мило Ѓукановиќ и
министерот за надворешни работи Милан Рочен, со кои имал разговор пред
летнувањето. На таа средба била договарана поддршката на Црна Гора пред
гласањето за македонскиот кандидат за функцијата во Генералното собрание на
Обединетите нации.
Нови апсења во „Мрежата“
Српската полиција вчераутро уапсила три лица осомничени дека се дел од групата
што шверцувала цигари, потврди информативната служба на Министерството за
внатрешни работи на Србија.
Полицијата, продолжувајќи ја акцијата „Мрежа“, ги уапсила Валентина Петар,
Ивона Перовиќ и Миодраг Павловиќ, припадници на дел од групата со која
раководеле Мирјана Марковиќ, Марко Милошевиќ, Михаљ Кертес и Бојана Бајрушевиќ,
јави РТС.
Во соработка со Специјалното обвинителство, полицијата во средата на 6 јуни
уапсила осум од 15 припадници на организираната криминална група осомничена за
шверц на цигари, која ја организирал Станко Суботиќ-Цане, сопственик на
компанијата „МИА“ од градот Уб.
А.Б.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Фото+видео) Над 10.000 Романци протестираа за да покажат поддршка за Европа во услови на изборни тензии

Повеќе од 10 илјадни Романци излегоа во саботата на улиците на Букурешт за да ја покажат својата поддршка за Европската унија, во услови на политички спорови околу повторувањето на претседателските избори закажани за мај.
Романија треба да ги повтори претседателските избори во два круга на 4 и 18 мај, откако Уставниот суд го поништи првичното гласање во декември по обвинувањата за руско мешање во корист на Калин Џорџеску, кој водеше во анкетите.
Thousands of people are flooding Bucharest tonight with Romanian and EU flags, with the crowd surging in size every few minutes, to chant and tell the world that Russian attempts be damned, Romania is Europe, now & always! pic.twitter.com/fVn1Q7Qg32
— Daractenus (@Daractenus) March 15, 2025
На Џорџеску, кој заедно со Москва го негираше руското мешање, му е забрането да учествува во повторувањето.
Во саботата, проевропските Романци формираа море од сини знамиња на ЕУ и тробојни романски знамиња, некои извикуваа антируски слогани и носеа транспаренти на кои пишуваше „Единство и почит – Европа ни дава права“ или „Ослободете го вашиот ум – Не на руската мудрост“.
In the Romanian capital Bucharest, tens of thousands of people took to the streets in a rally in support of the European Union and NATO pic.twitter.com/N3RKCxMTvO
— Visioner (@visionergeo) March 15, 2025
Европа
(Фото+видео) Повеќе од 50.000 луѓе излегоа на улиците на Будимпешта да протестираат против Орбан

Над 50 илјади луѓе се собраа денеска во Будимпешта да го изразат своето незадоволство против унгарскиот премиер Виктор Орбан, додека лидерот на се помоќната опозициска партија Тиса вети дека Унгарија ќе ја направи дел од силна Европа и ќе стави крај на 15-годишното владеење на Виктор Орбан.
– Оние кои ја предаваат сопствената нација треба да завршат во корпата на историјата. Нашето време дојде – рече Петер Маџар, поранешен владин функционер кој започна сопствено движење пред една година.
Thousands took to the streets of Hungary’s capital, Budapest, today in a massive opposition protest, demanding the resignation of pro-Russian PM Orbán.
Opposition leader Péter Magyar declared that those who betray their own nation “should end up in the dustbin of history.” pic.twitter.com/kogHOIEvHE
— KyivPost (@KyivPost) March 15, 2025
Some pictures from the massive anti-government protest today in Budapest, Hungary!
This is why Orban suddenly wants to change the law of public gatherings.
Because the people have taken back the streets.
The spirit of 1848 marches on! pic.twitter.com/HgWPQ8lTGi
— Europa Project
(@Noirsoldat_) March 15, 2025
На митингот по повод националниот празник на Унгарија, Виктор Орбан изјави дека е време да се елиминира она што тој го нарече „армија во сенка“ – невладини организации, новинари, судии и политичари кои, според него, се платени од Соединетите Американски Држави и Брисел, мислејќи на неговите планови за сузбивање на невладините организации и медиумите кои добиваат средства од УСАИД.
– По денешната прослава доаѓа големото велигденско расчистување бидејќи инсектите ја преживеаја зимата. Ќе ја елиминираме целата армија во сенка“, нагласи Орбан. Одлуката на американскиот претседател Доналд Трамп да го прекине УСАИД го охрабри неговиот сојузник Орбан.
Минатиот месец тој најави дека Унгарија ќе усвои закон за заштита на националниот суверенитет и за разоткривање на странски фондови кои ги финансираат унгарските медиуми и, како што ги нарече, квази невладините организации.
Оваа недела, неговата партија Фидес поднесе предлог за уставни измени кои ќе овозможат исклучување на двојните државјани за кои се смета дека го загрозуваат унгарскиот суверенитет.
Европа
(Фото+видео) Повеќе од 30.000 луѓе на проевропски демонстрации во Рим

Најмалку 30.000 Италијанци се приклучија на проевропскиот митинг во центарот на Рим, веејќи сини знамиња на Европската унија во знак на поддршка и единство во услови на европски притисок за повторно вооружување што ја подели земјата.
На демонстрациите се собраа луѓе за да изразат „заеднички европски идентитет“ и да повикаат на мир, и покрај идеолошките разлики.
VIDEO | Roma, la manifestazione per l'Europa in piazza del Popolo. Ideata dal giornalista Michele Serra. Sventolano bandiere arcobaleno, di Ue e Ucraina #ANSA pic.twitter.com/Dja08A9n6k
— Agenzia ANSA (@Agenzia_Ansa) March 15, 2025
Иницијативата, поддржана од повеќето опозициски партии на левиот центар, беше покрената од италијанскиот новинар Микеле Сера на крајот на февруари, со уреднички текст во италијанскиот дневен весник „Ла Република“ со наслов: „Ајде да кажеме нешто европско“.
„Сакав да организирам голема демонстрација на граѓани кои ја поддржуваат Европа, нејзиното единство и нејзината слобода, без партиски знамиња, само европски знамиња“, рече Сера.
E’ stata una Piazza del Popolo per l’Europa davvero stupenda, con più di 50 mila persone!
Ringrazio Michele Serra che ha lanciato l’appello e i tanti Sindaci venuti a Roma da molte città del nostro Paese. Come cittadini italiani ci sentiamo cittadini europei. E sentiamo con il… pic.twitter.com/qsqDalGHTi— Roberto Gualtieri (@gualtierieurope) March 15, 2025
Иницијативата е родена како одговор на дестабилизирачката политика на американскиот претседател Доналд Трамп , која создаде невиден јаз меѓу Европа и САД, затегнат поради војната во Украина и тековната тарифна битка.
Италијанскaта премиерка Џорџија Мелони неволно го поддржа планот на ЕУ за повторно вооружување на Европа поради загриженоста дека предлогот на претседателката на Европската комисија, Урсула фон дер Лајен, може да влијае на огромниот долг на Италија, пренасочувајќи ги многу потребните средства кон трошењето на оружје.
Планот на ЕУ има за цел да генерира околу 800 милијарди евра во следните четири години, од кои најголемиот дел ќе дојде од земјите-членки што ги зголемуваат своите национални трошоци за одбрана и безбедност.