Свет
Дрнч и стари конзерви за војската до септември
Војниците ќе мора да ја
јадат мешавината од сите манџи позната како дрнч, стари конзерви од резервите и
да носат стара униформа и покрај тоа што Министерството за одбрана пред околу
еден месец распиша тендери по скратена постапка, реагираат и синдикалците и
офицерите на АРМ.
И ПОКРАЈ СИЛНИТЕ ТЕНДЕРИ НА
МИНИСТЕРСТВОТО ЗА ОДБРАНА
Војниците ќе мора да ја
јадат мешавината од сите манџи позната како дрнч, стари конзерви од резервите и
да носат стара униформа и покрај тоа што Министерството за одбрана пред околу
еден месец распиша тендери по скратена постапка, реагираат и синдикалците и
офицерите на АРМ.
Од друга страна, од МО уверуваат дека фатиле „одличен ритам“ со набавките.
– Се надевам дека многу брзо, можеби за месец до месец и пол, ќе се нормализираат
набавките на храна. Војската редовно си ги добива оброците, со тоа што е
намален квалитетот на храната. За сите набавки ние мора строго да се
придржуваме до законот – вели Захарија Вулгаракис, портпаролот на МО.
Во Министерството пред два месеца беше сменет Љупчо Митковски, дотогашниот шеф
на Секторот за логистика, бидејќи не распишал ниту еден тендер. Неговиот
претходник Нелко Менкиновски веќе шест месеци е во притвор под обвинение за
злоупотреби во случајот „Запленето армиско оружје“.
Во времето на Менкиновски немало вакви проблеми со набавките.
Офицерите и синдикалците не се уверени во брзо решавање на проблемот.
Ристо Ајтов, претседател на синдикатот на одбраната, појаснува:
– За тендерите по скратена постапка, законски се потребни 36 дена. Во тој
период пристигнуваат понудите. Потоа следува една до две недели во кои
Комисијата за набавки прави евалуација на понудите. Мислам дека евалуацијата ќе
трае две недели, бидејќи треба да се набават многу производи. Според Законот,
потоа, следуваат осум дена рок на жалба до второстепената владина комисија,
која со голема веројатност ќе ја поднесат фирмите што загубиле на тендерот.
Второстепената владина комисија, пак, има рок од 15 дена да даде одговор – вели
Ајтов.
Тој пресметал дека во најдобар случај првиот тендер би се реализирал по 15
август.
– А, што ако второстепената владина комисија прифати некоја од жалбите? Тогаш
се почнува наново – предупредува првиот синдикалец на одбраната.
За тоа ни реагираа и неколку офицери, кои сметаат дека и резервите од конзерви
може да завршат до септември.
Проблемот со набавките ескалира откако „Време“ пред две недели објави дека од
промената на власта во јули минатата година до денес не е реализиран ниту еден
тендер во Армијата. Написите, како што неофицијално дознаваме, предизвикале
земјотрес во Министерството.
На влакно висела и фотелјата на министерот Лазар
Еленовски. Останал на функцијата само благодарение на Форумот на ЕАПС во Охрид,
односно за да не се нарушат напорите на државава за членство во НАТО.
Сепак, вчера и од двете завојувани страни, МО и Самостојниот синдикат на
вработените во одбраната (ССВО), стигна една добра вест.
Министерот Еленовски ги потпишал решенијата за работните групи составени од
претставници на синдикатот и МО и тие веќе почнале да работат. Минатата сабота
ССВО организира протести пред МО.
Се
зголемуваат платите
Министерот Еленовски, веднаш по стапувањето на функцијата, уочил дека војниците
имаат многу ниски плати и веднаш презел мерки, велат во МО.
– Секој месец на војниците им се зголемува платата по еден процент. Тоа значи
дека на целата армија до август ќе и биде зголемена платата за 12 отсто. Со
големи напори и максимално искористување на сите внатрешни ресурси се надеваме
дека нашите војници до крајот на годинава ќе имаат за 20 отсто поголеми плати,
а можеби и повеќе од тоа. На специјалните единици платите веќе им се зголемени
за 10 отсто, а осигурувањето за 80 отсто – вели портпаролот Вулгаракис.
Синдикалецот Ајтов и на ова реагира:
– Зголемувањето на платите е идеја и ангажман на синдикатот. Договорот за
зголемувањето на платите го потпиша министерот Владо Бучковски, а неговата
реализација ја потпиша министерот Јован Манасијевски. Сегашниот министер нема
никаква улога по ова прашање – заклучи Ајтов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.