Свет
Судовите пресудуваат без докази
Форензичарите од Институтот
предлагаат да се формира екипа за криминални дела со предвидени казни над 5
години, во која ќе има докажани експерти
ИНСТИТУТОТ ЗА СУДСКА МЕДИЦИНА
ОБВИНУВА
Форензичарите од Институтот
предлагаат да се формира екипа за криминални дела со предвидени казни над 5
години, во која ќе има докажани експерти
Политички притисоци, нестручни
и нарачани вештачења, потпишување посмртници од ракав и недозволување да се
прави обдукција се причини за неоткривање на многу можни убиства и осудување на
лица без докази, тврдат од Институтот за судска медицина. Директорот на
Институтот, Алексеј Дума, вели дека односите помеѓу Институтот и државните
институции се полоши од кога било во неговата триесетгодишна кариера.
– Се случуваат апсурдни ситуации, а најдебелиот крај го извлекуваат невините
граѓани. Се вршат притисоци, се нарачуваат вештачења, нестручни лица
обезбедуваат докази што се пресудни во судската постапка. Тоа се големи
проблеми во правниот систем. Политички моќници пред неколку недели инсистирале
кај истражен судија во Тетово да не се испратат тела од сообраќајна несреќа на
обдукција поради непознати причини и тие не беа испратени. Поради политички
притисоци, истражните судии не ги испратиле телата и на средношколецот Ванчо
Јосифовски од Тетово и на двајцата работници од „Бриони“, поради што беа
изгубени многу важни докази за овие случаи – вели Дума.
Експертите од Институтот за судска медицина се сомневаат во стручноста на некои
судови во државава кога станува збор за увид на убиства и сметаат дека е
неразбирливо како им се дозволува на судови што досега имале еден или воопшто
немале такви случаи да го работат тоа.
– Неискусните судии не знаат какво прашање да постават. Доволно е да им кажат
дека човекот висел на јаже за да прифатат дека станува збор за самоубиство.
Никој не го сфаќа сериозно правилото од судската практика дека „недокажано
самоубиство е прикриено убиство“- објаснуваат тие.
Во Институтот за судска медицина годишно се прават околу 300 обдукции. Оттаму
велат дека бројот не соодветствува на реалноста бидејќи многу тела од
самоубиства, сообраќајки, смртни случаи во болниците, како од западниот дел на
државава така и од Источна Македонија, не се даваат на обдукција.
Како случај во кој обвинетиот е осуден врз основа на погрешни докази го
споменуваат случајот со Џемо Зејнелов (22), кој беше осуден за убиство на Ајше
Демирова (14) од Штип.
– Тој случај е доказ дека нестручни лица вршат многу сериозна работа. Вештото
лице само со надворешен преглед заклучил дека девојчето е задавено. Тоа е
апсурд, затоа што за таков заклучок мора да се отвори телото. Покрај тоа,
стануваше збор за изгниен леш кај кој е неверојатно тешко да се докаже дека е
задавен со раце. Втората катастрофална грешка е тоа дека девојчето имало
фрактура на вратот во сите правци. Такво објаснување не постои во науката. Се’
мора да се објасни детаљно и да се образложи што е тоа што го предизвикало. Во
овој случај не е можно да се направат такви повреди со голи раце. Такви повреди
се можни само од пад од височина или од сообраќајна несреќа. Според мене,
човекот е осуден без докази поради нестручното вештачење. Штипскиот Апелациски
суд за судско медицинска експертиза користи очен лекар затоа што татко му бил
патолог – тврди Дума. Форензичарите од Институтот предлагаат да се формира
екипа за криминални дела со предвидени казни над 5 години, во која ќе има
докажани експерти што во секое време ќе прават увиди на целата територија на
државава.
– Работни групи уште пред две години ги дефинираа работите за начинот на вршење
на увид, принципи во предистражната постапка, поделбата на работните задачи и
начини на плаќање на вештачењето. Документите беа предадени во Министерствата
за правда и за внатрешни работи и оттогаш ништо. Сигурно на некој му одговара
ваквата ситуација, па затоа не презема ништо за да се подобри ситуацијата.
Сметаме дека граѓаните на земјава не се од втор ред и нив не може да им се суди
со докази што веќе во ниедна европска земја не се користат и не се прифаќаат-
велат тие.
Претседателот на Здружението на судски вешти лица, Димитар Андоновски, се
согласува дека нестручни или нарачани експертизи на вешти лица може да го
променат епилогот од судските процеси: невини да лежат во затвор, а виновни да
бидат на слобода.
– Се случува да има големи разлики во вештачења за ист случај. Судот треба да
побара ново, независно вештачење, а потоа, ако утврди дека некое од двете
вештачења било нарачано, тогаш веднаш треба да се побара кривична одговорност –
вели Андоновски.
Тој тврди дека постојат случаи кога е поведена судска постапка против вешти
лица за вакви малверзации.
Бесплатни вештачења
за 800.000 евра годишно
Бараме од државата да одвои од
буџетот 800.000 евра годишно за Институтот, а за возврат сите вештачења ќе ги
работиме бесплатно. Парите нема да ги ставиме в џеб, туку ќе бидат наменети за
едукација, за апарати и за тековно одржување на опремата. Ако смета Владата
дека бараме премногу пари, се согласуваме да направат тим што ќе ги пресмета
нашите трошоци, но да не се изгуби на квалитет во работата.
Нашето барање го одбија министрите за правда и за финансии. Претседателот на
Врховниот суд ни даде поддршка во намерата, но не и помош. Затоа се обративме
директно до премиерот кој ни вети дека ќе ни одговори на барањето. Во најскоро
време мора да се реши проблемот во Институтот. На последниот меѓународен
конгрес на форензичари не’ прогласија за најдобар Институт на Балканот, а ние
работиме на 50 Целзиусови степени и немаме пари ни за ракавици. Ни должат
500.000 за услуги за вештачење, но никој не плаќа.
Ненад Мирчевски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Камион налетал на запрен автомобил, загинаа сестри: тешка сообраќајна несреќа во Загреб
Две лица загинаа, а трето е повредено во тешка сообраќајна несреќа што се случи утрово на обиколницата на Загреб.
Хрватската полиција објави извештај за тешката несреќа во која настрадаа две сестри, а трето лице е повредено.
„Денес во 9 часот наутро, 40-годишен маж управувал камион со загрепски регистарски таблички, а се движел се по автопатот А3 во североисточен правец. При достигнувањето на 39-тиот километар, тој не ја прилагодил брзината на возилото на состојбата и карактеристиките на патот и атмосферските услови за да може навреме да го запре своето возило пред секоја пречка што можел да ја предвиди во специфичните услови.
Во таа прилика, предниот дел од возилото се судрил со задниот дел од патничко возило со дубровнички регистарски таблички управувано од 67-годишна жена, која се движела по десната лента од горенаведениот коловоз во правец североисток, и во моментот на судирот била запрена на горенаведената лента.
Како резултат на судирот, патничкото возило со дубровнички регистарски таблички било фрлено надесно, а неговиот преден дел се судрил со предниот дел од патничко возило со загрепски регистарски таблички управувано од 62-годишен маж, кој се движел по десната лента на автопатот А3 во правец североисток.
Во сообраќајната несреќа загинаа 67-годишниот возач на патничко возило со дубровнички регистарски таблички и 65-годишна сопатничка од возилото, додека 56-годишната сопатничка од истото возило е тешко повредена и ѝ е укажана лекарска помош во Клиничката болница Дубрава“, соопшти Полициската управа во Загреб.
Свет
Трамп вели дека „Крим ќе остане руски“, Зеленски му одговори
Украинскиот претседател Володимир Зеленски денес јасно го отфрли тврдењето на американскиот претседател Доналд Трамп дека „Крим ќе остане во Русија“, велејќи дека полуостровот ѝ припаѓа на Украина.
„Нашиот став е непроменет: само украинскиот народ има право да одлучи кои територии ѝ припаѓаат на Украина“, изјави Зеленски пред новинарите во Киев, додавајќи: „Уставот на Украина вели дека сите привремено окупирани територии… ѝ припаѓаат на Украина, на украинскиот народ“.
Изјавата на Зеленски дојде откако Трамп во интервју за списанието „Тајм“, објавено денес, рече дека „Крим ќе остане со Русија“.
Трамп додаде дека „Зеленски го разбира тоа“ и дека „сите разбираат дека [Крим] е со нив долго време“, мислејќи на Русија. Крим е стратешки важен полуостров во јужна Украина што Русија нелегално го анектираше во 2014 година. Зеленски постојано ја отфрла идејата за признавање на регионот како руски.
Европа
Зеленски: Подготвени сме да разговараме за територија, но само под еден услов
Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосен и безусловен прекин на огнот.
„Целосно и безусловно примирје отвора можност да се разговара за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Она што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот Полуостров“, рече Зеленски.
Да потсетиме дека украинските претставници претходно решително ја отфрлија можноста за какви било територијални отстапки во замена за мир со Русија.
31-годишен скопјанец почина по пукање на Бит Пазар
31-годишен маж од Скопје почина од повредите здобиени при пукање попладнево на Бит Пазар. „Во врска со пукањето на Бит...
Испитувањето на оштетените од пожарот во „Пулс“ треба да почне на почетокот на мај
Испитувањето на оштетените од пожарот во „Пулс“ во Кочани се предвидува да почне од почетокот на мај. Од Обвинителството појаснија...
Крајно време е да престанеме да преговараме за идентитетските прашања со кого било, рече Муцунски
Министерот за надворешни работи Тимчо Муцунски рече дека Владата се стреми кон компромис, кој ќе биде рационален за да се...
Итно зголемување на платите, во спротивно ќе останеме без кадар, порача Пешевски
Според потпретседателот на Сојузот на синдикатите на Македонија за приватниот сектор, Иван Пешевски, приватниот сектор во Македонија е главен двигател...
Судот ѝ го одзеде пасошот на претседателката на антикорупциската комисија, која споделувала службени тајни на „Вибер“
На претседателката на антикорупциската комисија, Татјана Димитровска, одземен ѝ e пасошот откога Кривичниот суд го прифати предлогот за определување мерки за...
Девет лица завршија во притвор поради злоупотреби со инвалидските пензии и за туѓа нега
На деветмина осомничени од уапсените 23 во акцијата за туѓата нега судот им одреди мерка притвор од 30 дена. Едно...
Судот го одобри обвинението за возачот што ја прегази Фросина
Судот го одобри обвинението за возачот Васил Јованов, која ја прегази Фросина Кулакова на пешачки премин на булеварот Партизански одреди....
ВМРО-ДПМНЕ: Тошковски не скри нешто, не рече дека законот не важи за татко му
Апасиев е фрустриран од работата на Тошковски бидејќи законот важи за сите. Левицата да одговори како, освен сутерен во строгиот...
ДУИ до Мицкоски: Ако целта е уривање на Охридскиот договор, која е алтернативата
Премиерот Мицкоски, со своето однесување, изјави и постапки, постапува на начин кој ги поткопува стандардите и одговорноста што се очекуваат...
Рубио: Ова не е наша војна, ние не ја почнавме
Американскиот државен секретар Марко Рубио изјави дека „сите треба да му се заблагодарат“ на американскиот претседател Доналд Трамп за мировните...
Левицата: И таткото на Тошковски бил дел од бизнисот со мито за инвалидски пензии
Додека се обидува да изгради слика дека го руши корумпираниот систем, фактите кои се обзнануваат во јавност укажуваат како и...
Лавров: Спремни сме да се договориме со САД за Украина
Рускиот министер за надворешни работи Сергеј Лавров изјави дека Кремљ е подготвен да постигне договор со САД за Украина, но...
Руте: Русија е долгорочна закана за алијансата
Генералниот секретар на НАТО, Марк Руте, вчера, по разговорите со американскиот претседател Доналд Трамп, изјави дека членовите се согласуваат дека...
(Видео) Ѓоковиќ ги загуби нервите: Да ти е..м тенисот
Новак Ѓоковиќ целосно ги загуби нервите на официјалниот тренинг во Мадрид. Додека во главниот град на Шпанија се одржуваа натпреварите...
Осомничени уште три лица во предметот „Адитив“: меѓу нив и претседателката на Антикорупциска
Во рамките на постапката што се води за предметот Адитив, како резултат на екстрахираните електронски докази обезбедени во досегашната постапка,...
Образ ѓон, се уште седат и земаат илјадници евра плата: Мицкоски за членовите на Судскиот совет
„Вие пратениците изгласавте недоверба на членовите на Судскиот совет. Но, и покрај тоа што тие ја добија недовербата од страна...
Измами во давањето туѓа нега и инвалидски пензии, под истрага 49 лица, вмешани и лекари
Сузбиени две криминални групи, кои вршеле злоупотреби на постапката за стекнување право за туѓа нега и право на инвалидски пензии,...
Битола, Струга, Чаир се меѓу општините кои не аплицирале за проекти, рокот истекува за помалку од една недела
Седумнаесет општини воопшто не аплицирале за инфраструктурни општински проекти, за што Владата доделува средства од унгарскиот кредит. Во оваа група...
(Видео) Трајчулески до Мицкоски: Дали се разводнува истрагата за Кочани за да се заштитат актуелни функционери?
Пратеникот на СДСМ, Митко Трајчулески, на денешната собраниска седница посветена на пратенички прашања, упати прашање до премиерот Христијан Мицкоски, кое...
Таравари го поддржа апсењето лекари: Директорот на Геријатрија првин го разрешив, а потоа го исклучив од партијата, сите што грешат нека одговараат
Сите што грешеле, вклучително и лекарите, треба да одговараат, смета министерот за здравство Арбен Таравари по вчерашната полициска акција, која...
