Свет
Во Македонија никој не сака да изгори рака со конфискација
Во државава се пишуваат „совршени“ закони кои веднаш паѓаат на тестот на
применливоста. Непрецизните насоки кој да одработи ги премислуваат институциите.
Во државава се пишуваат „совршени“ закони кои веднаш паѓаат на тестот на
применливоста. Непрецизните насоки кој да одработи ги премислуваат институциите.
Едноставно речено, никој не сака да изгори рака со конфискација на имот, дури и
на донесени решенија.
Случајот на Стојмир Петров е школски пример кој во целост
ги потврдува маните на законодавството кое не предвидува што понатаму со
затајувачите на данок. Имено, за директорот на Институти уште пред две години
постои судска пресуда дека затајувал данок и дека на сметка на државата треба
да плати 100.000 евра. Но, оваа сума се’ уште не е стасана во Буџетот, оти нема
кој да ја наплати!
Така, додека државните институции не предвидат кој треба да го наплати данокот,
Управата за јавни приходи работи во празно на утврдувањето на потеклото на
имотот. Само се вртиме во круг, затоа што целта не се постигнува ако
виновниците ги обесиме на столбот на срамот. Останува отворено дали Стојмир
Петров и некои други уловени по него за купени станови, изградени палати,
фирми, автомобили, непријавени трансакции, префрлени пари и вредности на други
имиња во фамилијата и пошироко од пари кои сигурно не се од плата, ќе останат
вечни должници на државата. На списокот на затајувачи се и градоначалничката
Виолета Аларова, за која е пресметано дека должи 100.000 евра, потоа доктор
Борче Петровски треба да плати 150.000 евра, а највисоката сума на даночно
затајување од 780.000 евра е пресметана за поранешниот министер за здравство
Владо Димов.
И кога е констатирано дека затаил законодавецот, работите се префрлаат на
помирно подрачје. Сега Владата на Никола Груевски прави посебен закон за
конфискација на имот. Државата ќе го одзема натрупаното богатство доколку не
добие докази од богаташите дека успеале во тоа со чесна работа. Законот ќе важи
за сите случаи, значи нема разлика дали станува збор за криминал направен во
приватизацијата или имотот е од поново време. За таа цел ќе се формира и
посебна агенција која ќе управува со имотот што ќе го стекне државата преку
конфискација на имот на нелегално збогатените. Генерална поддршка постои од
сите оние кои со години предупредуваа дека во Македонија криминалот е
нискоризична, но високопрофитна дејност, токму поради дупките во законите.
Експертите со поделени мислења дали конфискацијата треба да се реши со нов
закон или да се искористат инструментите кои за ова дело ги предвидува
Кривичниот законик, дали ова ќе биде обид за ставање крај на транзицијата или
почеток за нова пресметка.
За поранешната антикорупционерка Слаѓана Тасева има потреба од посебно законско
решение и заради допрецизирање на сите недоречености во постојните прописи и за
поуспешна борба против организираниот криминал, корупцијата и тероризмот.
Стравувањата дека законот ќе прерасне во орудие за борба против политичките
неистомисленици, според Тасева, ќе се избегнат доколку се применуваат
меѓународните стандарди за заштита на човековите права. Таа нема никакви дилеми
околу тоа дека институциите можат да постапуваат и со сегашната регулатива.
„Конфискацијата не подразбира само конфискација по завршена постапка во УЈП или
по завршена судска пресуда. Таа има и претходни мерки, замрзнување или заплена,
што значи дека имотот треба да го најдеме денеска за да имаме утре што да
конфискуваме. Ако денес сме откриле некое криминално дело, треба да ја
заплениме куќата или автомобилот, за да ги конфискуваме по три години, кога
евентуално ќе заврши судската постапка, без тие да изгубат вредност“. Таа се
повикува на европски искуства и образложува дека во некои земји, во договор со
сопственикот на возилото, тоа може да се продаде, парите да се чуваат на
сметка, а кога ќе заврши постапката, вредноста на имотот да биде иста. „Без
разлика на тоа дали парите ќе му се вратат на лицето или ќе бидат на сметка на
државата, никој нема да биде оштетен. Ние допрва ќе се соочиме со барањето за
отштета. Ако на некого нешто неправилно му било оневозможено да го користи, тој
може да тужи за повреда на човекови права“, додава Тасева.
Професорот на Правниот факултет Никола Тупанчевски не е докрај сигурен дали има
потреба од посебен закон во кој би се операционализирале одредбите од
Кривичниот законик или, пак, треба да се засилат постојните. „Често пати сум
прашувал судии зошто недоволно се применуваат одредбите за конфискација. Тие
одговараат со кревање на рамената“. Незаконското богатење треба да се
санкционира, но мора да се прецизира од кога ќе важи законот и што ќе биде
опфатено. Тој предупредува дека со погрешно реализирање на идејата целата
ситуација може да излезе од контрола. „Наместо да се стигне до позитивен ефект,
да се одземе криминалниот принос на лицата што извршиле тешки кривични дела од
областа на економскиот криминал, може да се случи луѓето да се плашат од
помислата да влегуваат во бизнис“, коментира Тупанчевски.
Нема потреба од нов закон за конфискација на имот кога ги имаме одредбите од
Кривичниот законик, нагласува професор Љупчо Арнаудовски. Според него, проблем
во државата е тоа што органите не ги применуваат законите. „За да се спроведе
решение за конфискација, треба и голема стручност, но и голема храброст. Како
судиите да изрекуваат конфискација на имот кога нема никаква атмосфера за тоа
во државните институции“, прашува Арнаудовски.
На трибина посветена на конфискацијата професорот на Правниот факултет Владо
Камбовски изјави дека досега во Македонија имотот им се конфискуваше само на
крадците. За разлика од нив, софистицираните криминалци што затајуваат даноци
или примаат поткуп, а потоа ги перат нелегално заработените пари, остануваа со
нечепнати имоти. Според сознанија на Камбовски, од 7.000 осудени лица, мерка на
конфискација имало во 70-90 случаи и тоа резервирани за дела на кражба. За него
е важно да се внимава на пресумпцијата на невиност и на заштитата на правото на
сопственост, односно лицето што е невино осомничено да ги има сите можности за
докажување на легалните извори на својот имот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ: Хрватска не тргува со оружје и воена опрема со Израел
Хрватскиот премиер, Андреј Пленковиќ, денеска негираше дека Хрватска тргува со оружје со Израел, одговарајќи на барањето на хрватскиот претседател Зоран Милановиќ до владата да престане да тргува со оружје и воена опрема со таа земја.
Кога беше замолен да ја коментира изјавата на Милановиќ, Пленковиќ рече дека „нема трговија со оружје и воена опрема со Израел“, пренесува ХИНА.
Хрватското Министерство за одбрана во саботата објави дека официјален Загреб во моментов не набавува оружје за хрватската армија од Израел.
Свет
Силна бура погоди неколку области на Кина
Поројни дождови и бури погодија неколку области на Кина во текот на викендот, предизвикувајќи евакуација на над 300 жители во областите на градот Жаокинг во јужната покраина Гуангдонг и уривање на десетици патишта, објавија денеска кинеските медиуми.
Во таа област се урнаа 54 патишта, а издадени се предупредувања за зголемен ризик од поплави, објави агенцијата Синхуа.
Според метеоролозите, во градскиот округ Нанфенг се забележани рекордни врнежи од дожд од 258,7 милиметри.
Свет
Полска ги продолжи граничните контроли со Литванија и Германија до 4 октомври
Полска ги продолжи граничните контроли со Германија и Литванија за уште два месеци, до 4 октомври, и во петокот ја информираше Европската комисија за тоа, објави денес министерот за внатрешни работи и администрација Марчин Кервињски.
„Фактот дека нашата гранична ограда е 98 проценти ефикасна ги принуди белоруските и руските служби и службите за нелегална миграција да се префрлат на други рути. Денес, главната задача не само за нас, туку и за нашите партнери во Европската Унија е да ја блокираме, ако можам така да кажам, рутата што е префрлена на Литванија и Латвија“, изјави Кервињски пред новинарите.
Министерот за внатрешни работи потсети дека дури и во времето кога беа обновени контролите на тие две граници на Полска со нејзините соседи од Шенген зоната, се очекуваше тие да бидат продолжени иако првично беа воведени само за еден месец.
„Во септември, врз основа на податоците од Граничната стража, армијата и полицијата, ќе донесеме одлука дали ќе преземеме нови чекори или не“, рече Кервињски.
Во текот на четирите недели, колку што траат контролите, Полска одби да прифати 124 лица на границата со Германија, 61 на границата со Литванија, додека досега прифати да прифати 81 странец на границата со Германија, депортирани назад во Полска во согласност со европските прописи.
Најновите податоци до крајот на јули покажаа дека полските граничари на границата со Германија и Литванија провериле 328.000 луѓе и речиси 160.000 возила.
За време на контролите, на границата со Литванија беа уапсени 12 шверцери на луѓе, а од почетокот на годината, на источните граници на Полска беа уапсени вкупно 316 организатори на нелегални гранични преминувања.
Граничните контроли воведени од Германија кон крајот на 2023 година и од Полска од 7 јули се официјален одговор на Берлин и Варшава на домашната политичка криза кога радикалната десница и екстремистите, во Германија AfD и во Полска целата опозициска десница, со сесрдна поддршка од претседателот во заминување и новоизбраниот врз основа на кампањата на американскиот претседател Доналд Трамп, го користат спектарот на нелегални мигранти за да предизвикаат политичка криза и недоверба во владата.
Со контролите на границата со Литванија, проевропската центристичка влада на премиерот Доналд Туск реагира на промената на рутата на нелегалната миграција низ Русија и Белорусија, бидејќи владата на Туск дополнително обезбеди граница и ограда висока 5,5 метри на источната граница, а сега мигрантите влегуваат во Европската Унија преку балтичките земји.
Полските власти неколку пати најавија дека контролите на западната граница ќе останат сè додека не бидат укинати од Германија.
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
(Видео) Избувнаа повеќе нови пожари – „Во Македонија има многу граѓани кои не ѝ мислат добро“, вели Михаилов
Попладнево низ повеќе делови од Македонија се појавија нови пожари, откако претпладне беше стабилизирана состојбата на теренот. Надлежните институции реагираат...
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција
Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...
(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?
Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...
„Среќни се ако јадат сув леб“ – трогателно сведоштво за брат и сестра во Газа кои гладуваат со недели
Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...
Техеран се соочува со историска водна криза: „нултиот ден“ сè поблиску
Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...
(Видео) МААЕ: Експлозии и чад во близина на нуклеарната централа Запорожје
Меѓународната агенција за атомска енергија (МААЕ) денес објави дека нејзиниот тим во нуклеарната централа Запорожје во Украина слушнал експлозии и...
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
Честитка од претседателката Сиљановска-Давкова по повод 2 Август, Илинден – Денот на Републиката
Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката. „Илинден е сржта на...
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...
Браќа од Струшко нападнале семејство во возило во кое имало и деца, ја удирале жената со боксови и клоци
Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...
Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија
Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...
Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски
Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...
Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу
Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...
Маркетите да не прават трикови оти ограничувањата може да бидат годишни, не неделни или месечни, порача Мицкоски
Можни се годишни место неделни или месечни ограничувања на маржите за да се заузда растот на цените во маркетите. Премиерот...
