Свет
Патарина плаќаат само глупавите
Службените легитимации на многу државни службеници, цариници, полицајци, носители на дипломатски пасоши, вработени во АРМ, па дури и самите фаци на локални моќни бизнисмени се пропусница да се помине бесплатно преку наплатната рампа
КОЛКУ СЕ КРАДЕ НА ПАТИШТАТА НИЗ МАКЕДОНИЈА
Службените легитимации на многу државни службеници, цариници, полицајци, носители на дипломатски пасоши, вработени во АРМ, па дури и самите фаци на локални моќни бизнисмени се пропусница да се помине бесплатно преку наплатната рампа, а во Македонија
Цела државна администрација, вработени во царина, полиција, АРМ, пратеници, владини претставници и бизнисмени патарините на автопатиштата во Македонија ги поминуваат без да ги платат патните такси. Како пропусница за да им се подигне рампата, дури и кога патуваат со приватни возила ги користат службените легитимации, што е спротивно на законот. Ситните души за да заштедат стотина денари одат до таму што покажуваат дипломатски пасоши. Има и такви што место легитимации на вработените на патарината им вперуваат пиштоли, или им пренесуваат поздрави од прочуени тепачи.
Законската обврска ја исполнуваат само обичните граѓани, кои се без службени легитимации и немаат со што да се закануваат.
Според Законот за користење на јавните патишта од плаќање патарина ослободени се само возилата на полицијата, на војската, противпожарните коли, итната помош, возилата на погребалните претпријатија, на странските мисии и на хуманитарни организации. Наплатните рампи, без да ја платат таксата ги поминуваат и возилата со дипломатски таблички и владините возила со придружба. Патарина не плаќаат и сите инвалиди кои имаат добиено посебна пропусница.Тоа е според закон. Се друго е злоупотреба која одговорните во “Македонија пат” ја толерираат.
“Не се проблем 120 пратеници кои покажуваат легитимации за да не ја платата таксата, проблем се скоро сите вработени во државните установи кои ги злоупотребуваат своите функции”, ни рече вчера директорот на ЈП “Македонија пат” Дуфе Кукоски. Тој признава дека државните службеници и бизснис моќници од Македонија го кршат законот, но вели дека јавното претпријатие нема моќ тоа да го спречи. “Вистина е дека се користат сите можни начини бесплатно да се помине рампата. Покажуваат книшки, се караат па дури и се тепаат со вработените. Пријавуваме во полиција и се завршува тука”, вели Кукоски.
Ако сите си ја плаќаат патната такса, објаснува Кукоски месечната заработувачка од патарината која е околу 70 милиони денари ќе биде двојно поголема. За празникот Илинден, и тоа само за еден ден патарините заработија околу три милиони денари. Тогаш од “Македонија пат” не можеа да ни кажат колку возила ги поминале наплатните рампи, оти тие допрва ќе се броеле.
Не е јасно зошто државните службеници кога одат службено на пат не се однесуваат како и другите, па сметките за патарина да ги правдаат со патните налози. Неплаќањето само ги шири можностите за злоупотреби, не само кај “привилегираните”, туку и кај вработените на патарините.
Дури ни директорот на Фондот аз магистрални и регионални патишта Љуљзим Џемаили, каде што одат заработените пари немаше информација колку Фондот ќарил за време на продолжениот илинденски викенд. Тој тогаш изјави дека ниту знае колку возила поминале, ниту знае колкава е заработувачката. “Знам само дека нема да добијам онолку пари колку што треба да ми уплати “Македонија пат” оти добар дел вработените на рампите си ставиле в џеб”, изјави по празникот Џемаили.
Дуфе Кукоски вчера ни рече дека ЈП “Македонија пат” за да го реши проблемот со избегнувањето на наплатата на патарините, пред околу едена година до Владата на Македонија поднело барање за укинување на привилегираните групи на патнички возила. До сега вели Кукоски немаат добиено никакво известување дека барањето е одобрено.
Од Владата на Македонија поради одморите вчера немаше кој да даде официјална информација дали барањето на Македонија пат било разгледано на некоја од седниците. Неофицијално, дознаваме дека на сите владини седници што годинава се одржале не стигнало никакво барање. Но и да стигнало, велат извори од владата на Македонија, тоа немало никакви шанси да се одобри, оти “полицијата ако гонела крадци не можела да застанува на рампа за да ја плати патарината”.
Вработените од МНР треба да плаќаат патарина
Министерството за надворешни работи нема никаква одредба со која вработените од Министерството кога патуваат со приватни возила се ослободуваат од плаќање патарина, ни рече вчера Душко Узуновски, портпарол на МНР.
Од таму не додоа информација кој им дозволува на лицата со дипломатски пасоши бесплатно да ги поминуваат наплатните рампи.
Министерот наредил полицајците да плаќаат патарина кога патуваат приватно
Во Министерството за внатрешни работи велат дека нивните вработени кога се на службена должност можат да поминуваат на патарините покажувајќи ја нивната полициска значка без да платат. Кога полицајците се на должност можат да бидат и со цивилно возило без полициски ознаки, а вработените на патарините не ги препознаваат тие возила, па затоа ги пропуштаат откако Ќе им покажат полициска значка, појаснуваат во МВР.
“Кога се на должност вработените во МВР поминуваат на патарина без да платат. Но, кога не се на работа, кога патуваат приватно мораат да плаќаат како и сите други. Има наредба директно од министерот сите наши вработени кога не се на должност да плаќаат патарина”, ни изјави вчера шефот на министерскиот кабинет во Минисерството за внатрешни работи Горан Павловски.
Тој додава дека и претходните министри давале такви наредби вработените во МВР да плаќаат патарина кога патуваат приватно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција го усвои контроверзниот закон – отворен патот за 13-часовно работно време
Грчкиот парламент денес го усвои новиот закон за труд, кој предизвика бурни реакции и протести низ целата земја. Со 158 гласа „за“ и 109 „против“, владиниот предлог беше изгласан, додека левичарската опозициска партија СИРИЗА одби да учествува во гласањето.
Законот, кој според владата има цел да го направи пазарот на труд поприлагодлив и поефикасен, овозможува на работодавачите во приватниот сектор да бараат од своите вработени да работат до 13 часа дневно, наместо досегашните осум. Продолженото работно време може да се применува најмногу 37 дена годишно, а работниците се заштитени од отказ доколку одбијат да работат прекувремено.
Владата тврди дека со новите правила се зголемува флексибилноста и заштитата на работниците, особено оние со семејства, и дека законот дозволува четиридневна работна недела доколку има претходен договор меѓу работодавачот и вработениот.
Меѓутоа, синдикатите и опозицијата остро реагираа, предупредувајќи дека реформата ја укинува суштината на осумчасовниот работен ден и ја легализира прекумерната експлоатација. Синдикатот на државните службеници „ADEDY“ порача дека „флексибилното работно време во пракса значи уништување на семејниот и општествениот живот и укинување на работничките права“.
Синдикатите потсетуваат и дека просечните плати во Грција се значително пониски од европскиот просек, а нерегистрираниот труд и натаму е голем проблем. Опозициските партии оценија дека законот е застарен и спротивен на европските тенденции за скратување на работното време и воведување пократка, но поквалитетна работна недела.
Новите одредби предвидуваат и поголема флексибилност при вработувања на определено време, со цел, како што наведува Министерството за труд, да се стимулира продуктивноста и модернизацијата на пазарот на труд.
И покрај уверувањата на владата дека законот ќе ги заштити работниците и ќе овозможи подобра рамнотежа меѓу работа и приватен живот, јавноста останува поделена.
Свет
Индонезија, Азербејџан и Пакистан – три земји во преговори за мировна мисија во Газа
Американски официјален претставник изјави дека Индонезија, Азербејџан и Пакистан разговараат со САД за можноста да испратат војници во идната меѓународна мисија за стабилизација на Пojaсот Газа, објави американски функционер од одбраната, кој побарал да остане анонимен поради чувствителноста на преговорите, јавува „Политико“.
Ова е дел од планот во 20 точки за мир предложен од Доналд Трамп, кој предвидува привремени сили за обука и поддршка на палестинската полиција и соработка со Египет и Јордан.
САД нагласуваат дека американски војници нема да влегуваат во Газа, туку ќе дејствуваат од координативен центар северно од Израел. Египет, Катар и ОАЕ ќе имаат свои официри таму. Досега нема официјални потврди од трите земји.
Целта на мисијата е привремено да се обезбеди обука на палестинските безбедносни структури и да се овозможи разоружување на Хамас. Аналитичари и дипломати ја доведуваат во прашање изводливоста на планот, а формирањето на силите може да трае неколку месеци од моментот на одлуката.
Свет
„Борбата не е завршена“ – Нетанјаху решен да ги врати сите тела на заложниците
Израелскиот премиер Бенјамин Нетанјаху изјави дека Израел е решен да ги врати сите тела на заложниците што сè уште се во рацете на Хамас.
Тој ја повтори својата порака за време на одбележувањето на втората годишнина од нападот на Хамас велејќи:
„Борбата уште не е завршена, но едно е јасно – секој што ќе крене рака против нас, ќе плати висока цена“.
Израел го обвини Хамас за прекршување на договорот за примирје, според кој сите заложници – живи и мртви – требало да бидат предадени до понеделник. Хамас предаде 20 живи заложници и девет тела, но тврди дека за другите му е потребна специјална опрема за пребарување под урнатините.
Министерот за одбрана Израел Кац порача дека ако Хамас не го почитува договорот, Израел во координација со САД ќе ја продолжи офанзивата до целосен пораз на организацијата.
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
