МВР ги разгледува обемните понуди на десетте компании што учествуваат на тендерот за пасоши

МВР ги разгледува обемните понуди на десетте компании што учествуваат на тендерот за пасоши

Најевтината понуда од околу 22 милиона евра ја достави француската фирма “Франсоа Карл обертур”, а највисоката цена од 36,438 милиони евра пристигна од германската компанија “Бундесдрукерај интернешенел сервисис”

ДАНИЕЛА ТРПЧЕВСКА

Десетте фирми што влегоа во најтесниот круг за изработка на новите патни исправи и лични документи по ЕУ-стандардите нудат најразлични цени, кои се движат од 22 до 36,5 милиони евра. До Комисијата за набавки при Министерството за внатрешни работи најевтината понуда достави француската фирма “Франсоа Карл обертурри од околу 22 милиона евра. Највисоката цена од 36,438 милиони евра пристигна од компанијата “Бундесдрукерај интернешенел сервисиссс” од Берлин, Германија.

На јавното отворањето на вториот тендер за пасоши пред неколку недели понуди доставија десет фирми, од вкупно дванаесет, колку што ја поминаа претквалификациската постапка и добија понуди да учествуваат на тендерот за изработка на систем за нови пасоши. Американската фирма “Американ бенк ноут компаниии” и словенечката “Миражжж” не доставија понуди, со што ја изгубија можноста да учествуваат во трката за еден од “најпривлечнитеее” тендери во земјава.

Втората германска фирма од Минхен, “Гисеке енд Девриенттт” во тендерската понуда која ја достави до МВР, меѓу другото, наведува дека документите ќе може да ги изработи за 23,458 милиони евра, додека речиси еднаква понуда во цените е добиена од страна на француската фирма “Сажеммм” – 24,740 милиони евра и “Институто полиграфикооо” од Италија во износ од 24,884 милиони евра.

>“Сименс бизнис сервисиссс” од Австрија предлага изработка на новите документи за 25,788 милиони евра, а три милиони поскапа понуда има канадската “Канадиен бенкноут компаниии” – 28,950 милиони евра. Нашиот јужен сосед Грција, преку фирмата “Интраком Сааа”, влезе во тесниот круг за изработка на пасошите и е подготвена да го направи тоа за 29,512 милиони евра, додека швајцарската “Орел Фислиии”, која е носител на проектот кој планира да го спроведе заедно со македонската државна печатница “11 Октомвриии”, смета дека изработката на документите ќе чини 30,518 милиони евра. Словенечката “Цетиссс” нуди поскапа изработка на документите, по цена слична на онаа што ја нуди и берлинската, односно за 36,163 милиони евра.

Од Комисијата за набавки на МВР велат дека во тек е разгледувањето на обемната тендерска документација на десетте понудувачи. Документацијата која ја достави секоја фирма, содржи и по 10 илјади страници со конкретни одговори на прашањата поставени во тендерската документација од страна на МВР. Покрај процени за тоа колку би чинела изработката на патните исправи и дали имаат можности да ги изработат според ЕУ-стандардите, понудите содржат и мостри за изгледот на пасошот, личната карта и сообраќајната дозвола, примероци од заштитната хартија од која ќе бидат изработени и слично. Квалитетот и цената ќе бидат пресудните при изборот на најдобриот понудувач, велат надлежните, иако предвид ќе се земат и условите за плаќање, сервисот и одржувањето, како и компатибилноста со системот на МВР.

>“Цената не значи ништо, нас не интересира квалитетот на понудите, бидејќи тоа носи и најголем број бодовиии”, вели Живко Темелковски, претседател на Комисијата за јавни набавки во МВР.

Според Комисијата, моментално се вршат испитувања на добиените примероци во посебни лаборатории, каде што ќе се анализира квалитетот на понудите и заштитните мерки, како поликарбонатната основа и бесконтактниот чип во кој ќе се вметнуваат биометриските податоци со цел да се заштитаат од фалсификување. Податоците за носителот на исправата ќе се внесуваат на поликарбонатната основа со технологија на ласерско енгравирање. Чипот што треба да биде вграден во пасошот ќе содржи отпечатоци од сопственикот на исправата, негова фотографија, дигитален потпис, како и боја на ирисот на окото.

Законот предвидува во рок од три месеци од отворањето на понудите да се изврши анализа и увид на опремата и посети кај набавувачите, по што ќе се избере најдобрата понуда, Бидејќи станува збор за меѓународен тендер, каде што е потребно да се прегледа обемна документација, да се направи увид и посета на фирмите, рокот може да се пролонгира. Според најавите, наесен треба да биде избран најдобриот понудувач, а граѓаните со првите дигитални пасоши ќе можат да патуваат во текот на 2006 година.