Свет
Зад "Бриони" гола битка за земја

Советниците Македонци од Општината Брвеница ќе им се спротивстават на колегите Албанци и на градоначалникот Џељаљ Рамадани и ќе предложат земјиштето на мотелот “Бриони” трајно да го користи на задругата “Единство” од Челопек.
СПОРЕД ВРАБОТЕНИТЕ ОД ЗАДРУГАТА “ЕДИНСТВО”
Советниците Македонци од Општината Брвеница ќе им се спротивстават на колегите Албанци и на градоначалникот Џељаљ Рамадани и ќе предложат земјиштето на мотелот “Бриони” трајно да го користи на задругата “Единство” од Челопек. Градоначалникот Рамадани најави дека Советот на Брвеница ќе побара државата да и го пренесе имотот на општината.
Владата само порача решение за спорот за реконструкцијата на мотелот “Бриони” да се бара во институциите и со студена глава. ДУИ и ја префрли топката на локалната самоуправа.
Тоа уште повеќе ја разгорува битката за “Бриони” помеѓу Македонците и Албанците од Челопек. Според вработените во задругата, ДУИ на локалните избори им го ветила имотот на Албанци од селото за таму да градат мотел. Градоначалникот Рамадани го демантира тоа, но не крие дека општината го сака имотот за таму да гради спортско-рекреативен центар, старечки дом и дом за деца со пречки во развојот.
– Советниците Албанци и градоначалникот не не консултираа за иницијативата со “Бриони” да располага општината. Сите шест советници Македонци се против таа иницијатива. Ќе предложиме “Бриони” трајно да го користи задругата “Единство”, да се обнови мотелот за да може да го користат сите граѓани – вели советникот Ивица Јовановски од СДСМ.
Тоа ни го потврди и советникот од ВМРО-Народна Мирко Настоски.
Градоначалникот Рамадани вели дека минатиот состав на Советот донел одлука со која бара државата да и го додели имотот на општината.
– Оптимално решение за “Бриони” е имотот да и се додели на општината. Во спротивно, проблемот може да ескалира. Имотот бил народен и повторно треба да му се врати на народот, а не приватници да го користат без надомест. Тоа никаде го нема. На населението му треба земјиште, кое може да биде во функција на сите. Може да се изгради рекреативен центар, социјален центар, дом за стари лица или за деца со посебни потреби. Во Челопек земјиштето на кое е “Бриони” е државно – вели Рамадани.
Во задругата “Единство” тврдат дека имаат комплетна документација за да го обноват мотелот. Тие го толкуваат барањето на градоначалникот државата да и го додели имотот на општината како бесмислено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.
Свет
Пожарникар почина од срцев удар додека гаснеше пожар во Турција

Шумски пожари што беснеат низ Турција со недели му се заканија на четвртиот по големина град во земјата, Бурса, во северозападна Турција, денеска принудувајќи повеќе од 1.700 луѓе да ги напуштат своите домови, и веќе има еден загинат еден пожарникар.
Пожарите што избувнаа во пошумените планини околу Бурса се проширија брзо. Десетици големи шумски пожари ја погодуваат земјата секој ден од крајот на јуни, а владата во петокот прогласи две западни провинции, Измир и Билеџик, за зони погодени од катастрофа.
Канцеларијата на гувернерот на Бурса денеска објави дека 1.765 луѓе се безбедно евакуирани од село на североисток, додека повеќе од 1.900 пожарникари се борат со пламените јазици.
– Пожарникарот почина од срцев удар додека беше на работа, изјави градоначалникот на градот, Мустафа Бозбеј, додавајќи дека пламените јазици изгореле 3.000 хектари околу градот. Орхан Сарибал, опозицискиот парламентарец за покраината, ја опиша сцената како „апокалипса“.
Невообичаено високите температури за оваа сезона, сушните услови и силните ветрови ги поттикнуваат пожарите.