Свет
Дистрибуцијата на продажба, хидроцентралите куртулија
Дистрибутивната мрежа на „Електростопанство на Македонија“ ќе биде приватизирана до почетокот на идната година, а хидроцентралите и термоцентралите остануваат под државна капа, барем до наредните парламентарни избори, реши Владата.
Мирче Котевски
Дистрибутивната мрежа на „Електростопанство на Македонија“ ќе биде приватизирана до почетокот на идната година, а хидроцентралите и термоцентралите остануваат под државна капа, барем до наредните парламентарни избори, реши Владата.
На вчерашната седница Владата ја прифати поделбата на ЕСМ на три независни друштва – за производство (Електрани на Македонија, ХЕЦ и ТЕЦ), за дистрибуција на струја (АД ЕСМ) и термоелектричната централа „Неготино“ како посебна целина што државата наскоро ќе ја стави на продажба.
– Производството засега нема да се приватизира, а за таков процес Владата ќе одлучува дополнително, според рокови што ќе ги дефинира заедно со меѓународниот консултант за приватизација „Мајнел банк“. Со ова завршуваме уште една фаза од процесот на преструктурирање на електроенергетскиот сектор предвидено со Законот за преобразба на ЕСМ – изјави министерот за економија, Фатмир Бесими.
Бесими призна дека производството на струја нема да влезе во процес на приватизација поради сугестиите од Светска банка и од домашната стручна јавност, кои жестоко се спротивставија на првичната идеја, новиот доминантен акционер во ЕСМ да го преземе управувањето во ХЕЦ.
Владата се уште размислува колку од дистрибуцијата ќе стави на продажба, но извесно е дека ќе се реши за мнозинскиот пакет акции за да привлече атрактивни странски инвеститори. Македонскиот електропреносен систем-оператор МЕПСО од почетокот на годинава веќе е независна компанија за пренос на електрична енергија, која прва се издвои од ЕСМ.
Односот меѓу новите три компании на пазарот е таков што фирмата за производство, целокупното производство на електрична енергија ќе го продава на МЕПСО по договори што ќе подлежат на одобрување од страна на регулаторната комисија за енергетика. МЕПСО потоа ќе прави баланс меѓу понудата и побарувачката на електрична енергија и ќе ги снабдува големите потрошувачи на тој енергенс. Надзорните одбори на двете нови компании, кои веќе беа именувани од Владата, денеска ќе треба да ги изберат новите управни одбори. Неофицијално, Панде Лазаров ќе биде генерален директор на ЕЛЕМ – друштвото за производство, додека од 13 кандидати за првата позиција во АД ЕСМ најголеми шанси имаат директорот на правниот сектор во ЕСМ Златко Симоноски, и актуелната директорка за финансии во компанијата Мирјана Шаревска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.