Свет
Нови двајца инспектори од УЈП под истрага за вплетканост во пирамидата?
Инспекторката Весна Петровска од скопската даночна управа, најверојатно, не е осамен случај на државен службеник што ги “плеткал” своите прсти во даночната пирамида.
Даночната администрација расчистува со своите корумпирани службеници
НИНА НИНЕСКА-ФИДАНОСКА
Инспекторката Весна Петровска од скопската даночна управа, најверојатно, не е осамен случај на државен службеник што ги “плеткал” своите прсти во даночната пирамида. Според неофицијални и непотврдени сознанија, наводно, уште двајца даночни инспектори од Управата за јавни приходи биле вмешани во овој голем даночен скандал.
Како што се дознава, за новите потенцијално корумпирани даночници во моментов во УЈП се води интерна истрага, која треба да покаже дали се точни сомневањата оти овие инспектори им помагале на даночните затајувачи, што секако добро го “искеширале” во своја корист. Оваа информација во моментов не сакаат ниту да ја потврдат ниту да ја демантираат во УЈП. Причина за тоа, најверојатно, е фактот што во оваа институција сакаат да бидат сигурни дека даночниците ја злоупотребиле својата службена положба, по што, најверојатно, и за нив би следувала суспензија и поднесување кривични пријави. Но, сў додека нема цврсти аргументи и докази за вмешаноста на инспекторите во даночниот криминал, од УЈП не сакаат да се излетуваат со какви било изјави, а уште помалку да се објават нивните имиња.
Пред неколку дена, УЈП соопшти дека една од нивните високи службенички е осомничена за затајување данок во износ од дури 280.000 евра. Инспекторката Петровска, која веќе 20 години работела во даночната администрација, а чија вплетканост во даночната пирамида била шок за најголемиот дел од вработените во скопската дирекција на УЈП. Таа беше веднаш суспендирана од работното место, а против неа е поднесена и кривична пријава. Петровска била основач и управител на приватната фирма “Веми инженеринг”, што е неспоиво со нејзината функција, а истовремено била и неовластен потписник на фирми на своите најблиски роднини.
Ваквите најнови вести покажуваат дека биле сосема издржани укажувањата кои неодамна ги лиферуваше Антикорупциската комисија, а која тврдеше дека не е возможно да се прикриваат толку големи износи даноци, без притоа на затајувачите да им асистира и некој “однатре”, што значи од самата даночна управа, која е задолжена за наплата на даночните приходи. Антикорупционерите побараа добро да се испита целиот случај со цел да се утврди дали во него можеби се инволвирани и високи даночни службеници, што е многу логично да се очекува во еден вака голем даночен скандал.
Од стартот на оваа афера се поднесени 50 до 60 кривични пријави, главно против поситни и анонимни бизнисмени. Затаениот данок изнесува околу 200 милиони денари или над три милиони евра, но речиси сите затајувачи, откако заработија кривични пријави, а дел од нив заглавија и во притвор, веднаш поитаа да ги платат претходно прикриените обврски, што значеше солидно финансиско освежување за државниот буџет. Пред околу еден месец, од државното Јавно обвинителство изјавија дека очекуваат најдоцна до септември годинава да паднат и првите судски пресуди против некои од актерите во даночната пирамида, со што тие ќе си ја добијат заслужената казна за прикривањето на данокот.
Државниот јавен обвинител Александар Прчески вчера изјави дека во обвинителството за случајот даночна пирамида се водат околу 50 до 60 предмети, а во тек се и други постапки за овој скандал. “Мислам дека на обвинителството му се достапни сите потребни документи за овој случајји, потенцира Прчески. Според него во оваа афера затајувачите не треба да се делат на крупни и ситни риби бидејќи сите учествувале даночната евазија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
ЕУ: Веќе нема ризик од кршење на владеењето на правото во Полска
Европската комисија денеска објави дека планира да ја затвори постапката против Полска до крајот на мај, бидејќи веќе не постои ризик од сериозно кршење на владеењето на правото.
Потпретседателката на Комисијата за вредности и транспарентност, Вера Јоурова, изјави дека полските власти покажале решителност да ги исправат неправилностите во областа на правдата, дека признале дека има проблем во таа област, дека се подготвени да го елиминираат, дека европското законодавство има приоритет пред националното законодавство и дека се обврзале дека ќе ги спроведуваат одлуките на Судот на правдата на Европската унија и Европскиот суд за човекови права поврзани со владеењето на правото, вклучително и независноста на судството.
„Мислам дека во случајот со Полска веќе нема очигледен ризик од сериозно кршење на владеењето на правото“, рече Јоурова и најави дека по дискусијата на состанокот на министрите за европски прашања во вторник овој месец, ќе предложи до Комисијата да ја затвори постапката.
Таа додаде дека приговор на ваквата оценка има само унгарскиот министер за правда Јанош Бока, кој обвинува дека Комисијата во овој случај се води од политички причини, а не од реални промени во полското правосудство.
Во текот на осумте години на власт, претходната полска влада предводена од националистичката партија Право и Правда спроведе низа реформи во судството, со што се доведе во прашање поделбата на власта и независноста на судството, како и слободата на медиумите. Поради ова, Полска беше блокирана од милијарди евра кои и беа наменети во европскиот буџет.
Новата полска влада предводена од премиерот Доналд Туск, која ја презеде функцијата во декември минатата година, најави дека ќе обезбеди повторно воспоставување на независноста на судството и ќе го поништи она што претходната влада го направи во таа област.
Слична постапка се води и против Унгарија, чија влада со години е во конфликт со европските институции и другите членки на ЕУ за почитување на владеењето на правото во таа земја.
Свет
Поддршката за Бајден на најниско ниво во последните две години
Поддршката за американскиот претседател Џо Бајден падна на најниско ниво во речиси две години овој месец, што одговара на најнискиот процент од неговиот мандат, покажа денеска објавената анкета на Ројтерс и Ипсос.
Истражувањето покажа дека само 36 отсто од Американците го одобруваат настапот на Бајден, што е намалување од 38 отсто во април.
Ова е враќање на најниското ниво на поддршка за демократски претседател во јули 2022 година, половина година пред Бајден да се соочи со републиканскиот кандидат Доналд Трамп на изборите на 5 ноември.
Поранешниот претседател Трамп има мала предност пред актуелниот претседател во клучните држави за кои се верува дека ќе го одредат победникот.
Друга анкета на Ројтерс и Ипсос, исто така, покажа дека многу демократи не се согласуваат со одговорот на Бајден на израелската офанзива на Појасот Газа, што дополнително ги загрозува неговите изгледи на ноемвриските избори.
Европа
Илјадници бегаат од руската офанзива во регионот Харков
Во борбите за вториот по големина град во Украина досега се раселени околу 14.000 луѓе, покажуваат податоците на Светската здравствена организација (СЗО), пренесува Би-би-си.
Руските сили неодамна започнаа летна офанзива, заземајќи неколку села на североисточната граница на Украина во близина на градот Харков додека се обидуваат да ја пробијат ослабената линија на фронтот на Украина.
Регионалниот лидер на Харков изјави дека седум лица се повредени во ноќните напади на руски беспилотни летала врз градот. Во меѓувреме, најмалку едно лице загина во напад на украинско беспилотно летало над границата со Белгород, јавуваат руските медиуми.
Говорејќи на брифинг со новинарите, Јарно Хабихт од СЗО рече дека 14.000 луѓе избегале од борбите во областа, но 189.000 луѓе кои останале во близина на границата со Русија се соочиле со „значителни ризици поради борбите“.
Украина сè уште контролира околу 60 отсто од Вовчанск, пограничниот град во центарот на неодамнешните борби, изјави заменик-гувернерот Роман Семенука за националната телевизија во понеделникот.
Друг украински воен функционер изјави за АФП дека борбите во Харков „остануваат тешки и динамично се менуваат“.