Свет
Новинарката Згрена не ја исклучува можноста таа да била цел на нападот
Италијанската новинарка Џулијана Згрена не ја исклучува можноста таа да била цел при нападот на американските војници, кои во петокот вечер отворија оган врз возилото со кое одеше кон аеродромот во Багдад.
Италијанската новинарка Џулијана Згрена не ја исклучува можноста таа да била цел при нападот на американските војници, кои во петокот вечер отворија оган врз возилото со кое одеше кон аеродромот во Багдад. “Сите знаат дека Американците не сакаат преговори за ослободување на заложници. Поради тоа не гледам причина зошто јас не би била цел на нападот“, изјави за италијанските медиуми Згрена, при тоа додавајќи дека немало причина војниците да пукаат бидејќи автомобилот возел бавно и немало контролен пункт за да мораат да застанат. Италијанската новинарка беше грабната пред еден месец во Ирак, но по преговорите со грабнувачите, беше ослободена. На патот кон аеродромот во Багдад, од каде што Згрена требаше да полета за Рим, завчера американски војници отворија оган, при што загина еден италијански агент. Медиумите во Италија денеска ја пренесуваат изјавата на еден ирачки адвокат, кој изјавил дека Италија за ослободувањето на Згрена платила околу еден милион долари. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.